اوكتافيا 1999 بنزين 80 وللا 92 ؟؟

[genius3060]

السلام عليكم

انا ناوي اشتري اوكتافيا 1999

معلش هتقل عليكم شوية واسأل على كام حاجة

اولا يهمني رايكم في العربية وهل سعرها مناسب وللا لأ ؟
هي موديل 1999 فابريكة بره وجوه كاملة ماعدا فتحة السقف مانيوال طالب فيها 60 الف

ثانيا هل بتمشي بـ بنزين 80 وللا 92 وهل 92 ضروري ؟

ثالثا ايه اهم حاجة ابص عليها في العربية اقصد اكتر حاجة بتبوظ او تحتاج صيانه وتكلفتها عالية عشان اخد بالي وانا بكشف عليها

رابعا اكشف عليها فين ؟
يكون مكان مضمون وسعره حنين

اسف ع الازعاج

[magedkahla]

هتهين العربية لو حطيتلها 80 حرام الصراحة

[Dr.Solom]

السعر حسب الحاله وحرام تحط 80

Sent from my Sony Xperia™ Z smartphone

[inspiron]

أنا مبصتش علي الموضوع..أنا داخل عشان أسأل حضرتك سؤال..إزاي حضرتك تفكر إنك تحط بنزين 80 في أوكتافيا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!

[YHYAKOTB]

كل الى اقدر اقولهولك انى عربيتى فيليشيا 96 كاربيراتير وبردو بحط بنزين 92

[أحمد جودة]

تمام الكلام بلاش 80 هيتعبك انتا والعربية
والله أنا معايا فليشيا فضلت فترة كبيرة من بعت ماشتريتها بحط 92 لحد ما اقنعوني انها بتمشي بردو بالـــ 80
بس حرام حضرتك تحط 80 فى الاوكتافيا
بالتوفيق

[Moratoz]

عامه اهم حاجه تصب عليها بعد الدواخل حاله الماتوً والفتيس وحسابات الفتيس وممكن تكشف عليها عليها عند مركز مهندس هاني في جسر السويس او محمد سمير في النزهه الجديد امام جسر السويس او احمد زاهر في صقر قريش المعادي

[genius3060]

شكرا جزيلا للجميع

بس يا ترى ايه متوسط استهلاكها للبنزين ؟

يعني كام لتر يمشوني 100 كم ؟

[Moratoz]

برة البلد علي الطوالي تقريبا ٧ الي ٧.٥ لتر لكل ١٠٠ كيلوا جوا البلد انتا والزحمه بقي ممكن يبقي متوسط ١٠ او ١١ لتر

[genius3060]

برة البلد علي الطوالي تقريبا ٧ الي ٧.٥ لتر لكل ١٠٠ كيلوا جوا البلد انتا والزحمه بقي ممكن يبقي متوسط ١٠ او ١١ لتر

شكرا جزيلا

يعني ع حسب كلام حضرتك نقدر نقول ان التفويلة الـ 50 لتر ممكن تمشيني على الطوالي حوالي 650 كيلو

كده تعتبر ما شاء الله موفرة والفرق بينها وبين الياباني مش كتير

[amrelsaqqa]

ما ينفعش 80 نهائى مع العربية دى