الغامضة سكودا رابيد

[mr_hide]

يا جماعة في حاجة غريبة في العربية دي

ازاي التوكيل مش منزل منها ولا فئة اوتوماتيك . التلاتة اللي نازلين كلهم مانيوال

طيب انا قلت يمكن عشان الموتور 1400 ال TSI و مشاكل الفتيس بتاعو ال DSG طلع الموتور 1600 عادي مش تربو . طيب ايه المشكلة بقا ؟؟

الموتور هوا هوا موتور البولو سيدان 1600 و العربية نازل منها اوتو . اشمعنى الرابيد ؟؟!!!

انا كنت مستني الرابيد تنزل بقااااارغ الصبر عشان اشتريها بس التوكيل احبطني جداااااااااااا خصوصا ان محدش قادر يستحمل المانيوال في زحمة البلد اللي احنا فيها

يا ريت يا جماعة اللي عندو معلومات يفيدنا و يا ريت كمان معلومات عن فتيس البولو سيدان هل ستيب ترونيك ولا عادي و كام نقلة

وشكرااا

[Moratoz]

لغايه دلوقتي المعروف انهم منزلوش منها اوتو علشان نسيب مكان للكويت آفيا الجديدة لما تنزل ويتجنب قليلا مشكل الفتيس مؤقتا

[mr_hide]

بس الاوكتافيا سعرها معدي اوتوماتيك فوق ال 200 الف تقريبا . مظنش ان الرابيد هتبقى بالمبلغ دا اوتو . كمان الاوكتافيا بتنافس البي ام و الفولفو في الكماليات دلوقت يعني خلاص مبقيتش متوسطة السعر زي الاول

[omar-saad]

بغض النظر عن انها نازلة مانيوال
العربية من جوة فقيرة جدا وتحس انك راكب عربية تسعينات
الجنوط اللى فبها صغيرة جدا مش زى اللى فى الصور
وسعرها 160 الف
لا انا اكمل عليهم واجيب كروز برقبتها

[mr_hide]

بغض النظر عن انها نازلة مانيوال
العربية من جوة فقيرة جدا وتحس انك راكب عربية تسعينات
الجنوط اللى فبها صغيرة جدا مش زى اللى فى الصور
وسعرها 160 الف
لا انا اكمل عليهم واجيب كروز برقبتها

فعلا العربية تعتبر فقيرة كماليات بس حضرتك بص لوسائل الامان و وسع العربية و خصوصا الشنطة و تقل الصاج . العربية عملية بالدرجة الاولى . و بص حضرتك للتويوتا كرولا هتفهم قصدي كويس . عربية عملية + اعتمادية = عربية ناجحة و مبيعات الكورولا خليتها رقم واحد على مستوى العالم في المبيعات

[Mohab.Nabil]

اوعى تشترى بالمبلغ ده عربية مانيوال مهما كانت

هتندم جامد خصوصا لو انت من سكان القاهرة

بصراحة المانيوال دلوقتى فى الزحمة ديه ميركبوش الا اللى هاوى يسوق مانيوال بس

مينفعش تضحى بالاوتوماتيك دلوقتى الا عشان مزاجك انك عايز تسوق مانيوال انما ليه تشترى عربية مانيوال بالمبلغ ده خصوصا انها مش عربية تحفة يعنى ، كويسة بس مش فارقة عن المنافسين بتوعها كتير

[mr_hide]

اوعى تشترى بالمبلغ ده عربية مانيوال مهما كانت

هتندم جامد خصوصا لو انت من سكان القاهرة

بصراحة المانيوال دلوقتى فى الزحمة ديه ميركبوش الا اللى هاوى يسوق مانيوال بس

مينفعش تضحى بالاوتوماتيك دلوقتى الا عشان مزاجك انك عايز تسوق مانيوال انما ليه تشترى عربية مانيوال بالمبلغ ده خصوصا انها مش عربية تحفة يعنى ، كويسة بس مش فارقة عن المنافسين بتوعها كتير

فعلا كلامك مظبوط و هيا دي الحاجة الوحيدة اللي خنقاني في العربية انها مانيوال . طيب انتا شايف ايه ممكن يبقى منافس ليها في العربيات الجديدة اللي نازلة و يكون عملي برضة ؟؟؟

[Mohab.Nabil]

فعلا كلامك مظبوط و هيا دي الحاجة الوحيدة اللي خنقاني في العربية انها مانيوال . طيب انتا شايف ايه ممكن يبقى منافس ليها في العربيات الجديدة اللي نازلة و يكون عملي برضة ؟؟؟

ممكن تشوف البيجو 301 او الستروين اليزيه عربيات محترمة جدا و اوروبى برضه

و الاوتوماتيك الهاى لاين فى الستروين بـ 130 و فى البيجو بـ 135 و عربية فيها كل الاوبشنز تقريبا

[mr_hide]

ممكن تشوف البيجو 301 او الستروين اليزيه عربيات محترمة جدا و اوروبى برضه

و الاوتوماتيك الهاى لاين فى الستروين بـ 130 و فى البيجو بـ 135 و عربية فيها كل الاوبشنز تقريبا

شكرا على ردك يا باشا

[Moratoz]

هوا الموضوع مش اوتو او منوال محدش مطلوب منه التضحيه براحته أبدا ولكن لكل منا نمط قيادة ويتم اختيار العربيه علي هذا الاساس فالمنوال فعلا ليه ناسه ئل عاوزينه يبقي في عربيه كويسه