مقارنة بين سكودا رابيد - كيا ريو

[inspiron]

بما إن القوالب نامت والإنصاص قامت يا رجالة..والسكودا رابيد فور نزولها السوق إتشركِت بفضل المستهلك المصري وقارنها بكيا ريو ( مع إحترامي ليها طبعاً أنا من معجبيها بالذات في الشكل )..فقولت نعمل مقارنة صغير بين الرابيد وبين الريو..يالا علي البركة.

أبعاد السيارة :-

1- سكودا رابيد :-

4483 طول 1706 عرض 1461 إرتفاع 2602 قاعدة عجلات 136 خلوص من الأرض


2- كيا ريو :-

4365 طول 1710 عرض 1455 إرتفاع 2570 قاعدة عجلات 150 خلوص من الأرض

------------------------------

وزن السيارة :-

1- سكودا رابيد :- 1236 كجم

2- كيا ريو :- 1190 كجم

-----------------------------

سعة خزان الوقود :-

1- سكودا رابيد :- 55 لتر

2- كيا ريو :- 43 لتر

----------------------------

محرك السيارة :-

1- سكودا رابيد :- 1600 سي سي 2 كامة 105 حصان ( net )

2- كيا ريو :- 1400 سي سي 2 كامة 107 حصان ( gross )

---------------------------

تسارع السيارة :-

1- سكودا رابيد :- من 0-100 كم/س في 10.1 ثانية وسرعة قصوي 205 كم/س

2- كيا ريو :- من 0-100 كم/س في 11.50 ثانية وسرعة قصوي 190 كم /س

--------------------------
حقائق :-

طبعاً جودة خامات وتقفيل معروف لصالح مين فيهم.
طبعاً إعتمادية علي الـ long run معروف لصالح مين فيهم.
طبعاً أمان علي الطريق من ناحية الثبات علي السرعات العالية معروف لصالح مين.
طبعاً محدش يجي يقولي هندي وبنجلاديشي ومتصنعة في ساحل العاج والكلام العجيب ده..الموضوع في جزئية منشأ سكودا بمراحلها قتل بحثاً خلاص..والعربية مهما حصل عليها جدل فهي ألماني :)..متجمعة بقا في الهند..متجمعة في مصانع الإنتاج الحربي .. متجمعة في حوش بيتنا..فهي ألماني بردو :)

--------------------------------------------------------------------------------
دي مقارنة بسيطة كده علي الماشي للرفايع دون الدخول في تفاصيل عميقة ( سيتم مناقشتها في موضوع كبير مفصل إن شاء الله عن قريب )
شكراً



تنبيه بحسن اختيار الالفاظ لعدم مخالفة القاعدة 9أ والخاصة بالفاظ ذات طبيعة تخرج عن الأخلاقيات المتعارف عليها للمجتمع
مشرف ساحة الاوربي

[MOstafa Hashem]

تسلم أيدك .. وزى ماقولت العربيتين مينفعش نقارنهم ببعض اصلا ..دى فئه ودى فئه بغض النظر عن السعر

ولما نحب نحط عربيه مع الريو فى مقارنه أكيد مش هتبقى الرابيد يعنى ومش ذنبى ان سعرهم قريب

انا راجل معايا 150 ألف مش هادفعهم فى عربيه كورى عباره عن 4 جنوط ماشيين على الأرض بس وعشان شكلها شبابى وشيك مع العلم ان انا سنى 21 سنه ..

ودى أزواق فى الأول وفى الأخر ..

[inspiron]

تسلم أيدك .. وزى ماقولت العربيتين مينفعش نقارنهم ببعض اصلا ..دى فئه ودى فئه بغض النظر عن السعر

ولما نحب نحط عربيه مع الريو فى مقارنه أكيد مش هتبقى الرابيد يعنى ومش ذنبى ان سعرهم قريب

انا راجل معايا 150 ألف مش هادفعهم فى عربيه كورى عباره عن 4 جنوط ماشيين على الأرض بس وعشان شكلها شبابى وشيك مع العلم ان انا سنى 21 سنه ..

ودى أزواق فى الأول وفى الأخر ..

الله يسلمك يا باشا..والله لو لاحظت أنا متكلمتش في جزئية السعر دي..لأن من ساعة ما الكوري بقا بناطح الأوروبي في الأسعار..فقولت ألتزم الصمت أحسن في الحتة دي.ولنا الله من جشع التجار والتوكيلات.

[2CODE]

ههههههههههههههههههههههههههههههههه

تصدق والله ضحكتني ؟ تعرف ليه ؟ انا مشوفتش عربيات بتتقارن من غير ما تجيب سيره مواصفاتها !!!!

ولا علشان الرابيد ملهاش مواصفات اساساً ؟؟؟؟؟؟؟؟؟؟

ثم ان يا فندم لما تعمل مقارنة بين عربيتين تجيب واحد متخصص يعمل معاك المقارنة وتعملها في قسم المقارنات مش في قسمك !!!!

يعني انا لولا شوفت الموضوع مكنتش عرفت ان في موضوع كده

.................................................. ....................................

تعالا بقى نرد حته حته

اولا مقارنتك في الحجم ده الحاجات دي يا فندم مش بتتقارن ههههههههههههههه
لان ده تصميم العربية والشركة متحكمة في ده لو عايزه تعملها لك قطر هتعملها

يبقى وحياتك سيبك من الكلام ده وتعالا في المهم

محرك السيارة :-

1- سكودا رابيد :- 1600 سي سي 2 كامة 105 حصان ( net )

2- كيا ريو :- 1400 سي سي 2 كامة 107 حصان ( gross )

اولاً موتور الريو 109 حصان - سيبك من الـnet والـgross انت مركبتش الرابيد ولا الريو يعني على الداينو وقاعدين نقيس خليك واقعي بس وبلاش تعصب

ثانياً دي فضيحة لعلمك !!!!!!
1600 سي سي ويطلع 105 حصان
و 1400 سي سي ويطلع 109

طبعاً مفيش كلام في الحته دي انتهينا منها بتفكرني بموتور اللوجان 1600 سي سي وبيطلع 90 حصان ههههههههههههههههههههه

متخفش انت مبعدتش كتير عنه - يا حبيبي الـ1600 سي سي عندنا في كيا تعرف كام حصان يا فندم ؟ 130 حصان !!!!!!!!!!!!!

والكل عارف السيراتو سرعتها ايه والسكودا معروفة اساساً انها عربيات مش جراية مش بتجري يعني فده مش هتيجي دلوقتي تغيره - الكلام باين في الطريق

طبعاً جودة خامات وتقفيل معروف لصالح مين فيهم.

انت بتضحك على نفسك ولا بتضحك على الناس ؟؟؟؟؟؟؟ جودة ايه يا فندم اللي بتتكلم عنها في الرابيد دي ؟؟؟؟؟؟؟ الصوره تتحدث


هسيبكم بس مع صوره لتابلوه الريو هاي لاين 2013 وتابلوه السكودا رابيد هاي لاين 2013

سكودا رابيد 2013 الشكل الجديد




كيا ريو 2013 الشكل الجديد






باين جوده الخامات من الصور مش عايزه كلام

كفاية بس زراير التكييف





ايه ده عربية من سنة 2000 ؟؟؟

كيا ريو 2013 زراير التحكم في التكييف



يعني مش عايزه كلام يا فندم بجد الخامات والجودة والتصميم باينه جداً

فياريت احترم عقول الناس شويه !!!!!!!!!!!!!

طبعاً إعتمادية علي الـ long run معروف لصالح مين فيهم.

مش هتكلم هسيب لك الاستاذ حازم مساعد منسق قسم السوزوكي يرد عليك عبر هذا الرابط :

http://www.nilemotors.net/Nile/360698-2-2013-160-a-post3875021588.html#post3875021588

ده نص كلامه

هونداي اكسيل من 94 مش 2005...

العربيات الكوري اثبتت اعتماديتها من زمان...

في الخليج الاوروبي مش بيبيع حاجة جنب الكوري والأمريكي والياباني...
مش معناه ان الأوروبي وحش لكن حساب السعر مقابل القيمه بالإضافة للصيانه اللي لابد من حد متخصص جدا غير قطع الغيار هتلاقي الأوروبي يخسر وبشده...
تحياتي

نيجي بقى لنقطة الامان

طبعاً أمان علي الطريق من ناحية الثبات علي السرعات العالية معروف لصالح مين

ههههههههههههههههههههههه

بصراحة عربية 160 الف جنية مانيوال abs امان جداً اكتر من abs و ebd و 2 airbags

تعالا بقى لنقطة دي ضحكتني جداً هههههههههههههههههههه

طبعاً محدش يجي يقولي هندي وبنجلاديشي ومتصنعة في ساحل العاج والكلام العجيب ده..الموضوع في جزئية منشأ سكودا بمراحلها قتل بحثاً خلاص..والعربية مهما حصل عليها جدل فهي ألماني :)..متجمعة بقا في الهند..متجمعة في مصانع الإنتاج الحربي .. متجمعة في حوش بيتنا..فهي ألماني بردو :)

الماني مين يا فندم ؟؟؟؟ سكودا تشيكي ورابيد بتتصنع في الهند زيها زي النيسان صني اللي خاربة الدنيا بسوء الخامات والتصنيع لانها متصنعة في الهند

وانا عرفت سبب فقر التابلوه من الخامات والله اعلم يمكن العربية ككل بسبب تصنيعها

يا فندم الالماني معروف مين هو - مش معني ان فولكس اشترت سكودا يبقى سكودا بقيت الماني
هههههههههههههههههههههههه

يعني كيا لو اشتريتها BMW هنقول على الكيا الماني ههههههههههههههههههه

لأ طبعاً الكيا كوري حتى بعد ما تشتريها BMW هتفضل بلد المنشأ كوريا

متضحكش على نفسك عايز تركب الماني روح اشتري BMW مرسيدس اودي الناس دي وبلاش كلام فاضي بنضحك بيه على بعض علشان نقول ياااااااااااااااه دا انا راكب الماني

الماني مين ده قفل باب الـBMW حاجة تاني بمليون سكودا رابيد

------------------------------------------------------------------------------------

تعالا بقى للتجهيزات

اكتب لي في رد جديد انت تجهيزات عربيتك الرابيد اعلى فئة هاي لاين المانيوال دي ههههههههههه

وانا هرد عليك بتجهيزات الريو اعلى فئة هاي لاين اوتوماتيك ستيبترونيك




لقد خالفتم القاعدة رقم 12 بالتهكم على الاعضاء وثبت عدم تهكم العضو الاول عليكم حيث ان الكلام على السيارة وليس الاعضاء
تم وقفكم لمدة اسبوع تطبيقا لقوانين المنتدى
مشرف ساحة الاوربي أ2

[Moratoz]

هوا بس حاجه صغيرة لفتت نظري في التعليق بغض النظر عن المقارنه ما دام شايف حضرتك ان الريو احسن في المقارنه فالاختيار لك دون التعرض للأخر بس الموضوع الصغير لما فولكس اشترت سكودا وضعت كل التكنولوجيا الخاصه بها في سيارات سكودا علشان كدة كنا بشوف البورا هي الأسكودا a4 والجيتا هي سكودا a5 اما وجهه نظر سيادتك ان BMW لو اشترت كيا مش هتكون الماني الكلام دا يرجع ساعتها للتكنولوجيا المستخدمه في صناعه العربيه وقطع الغيار ومكونات الموتور والعفشه اما فولكس وسكودا فأغلب ذلك تم توحيده في موديلات متماثله
تحياتي

[inspiron]

[QUOTE=2CODE;3875022281]ههههههههههههههههههههههههههههههههه

[ههههههههههههههه
هههههههههههههههه
ههههههههههههههههههههههه
هههههههههههههههههههه
هههههههههههههههههههههههه
ههههههههههههههههههه
ههههههههههه


كل ده ضحك !! هو انا كاتب نكت وانا مش واخد بالي ؟
شوف يا افندينا
بصرف النظر عن اسلوبك المستفز وضحكك الغريب بدون سبب وتهكمك،،ده ميخصنيش ولا يمثل ليا أهمية،،ربنا يسعد ايامك واشوفك بتضحك كده علي طول وتشعر ببهجت كده
بس الأول تعالي،،أولاً أنا مسمحلكش تقول علي أي حرف بكتبه كلام فاضي،،لأن أنا مسمحش لنفسي إني اقلل من قدر كلام حد وإن خالفته الرأي أخالفه بإحترام وتقدير للشخص اللي بتناقش معاه،،فبالتالي اللي مقبلش إني أعمله عمري ما هقبله من حد :)
ثانياً من خلال كلامك واضح انك متعرفش عني حاجة وداخل تلوش وخلاص ( متزعلش من تلوش دي عادي يعني ) بمعني،،انت بتقوللي بلاش كلام فاضي وتضحك علي نفسك وتقوللي انك راكب ألماني ولو عاوز الماني روح اركبلك bmw ولا مرسيدس،،فواضح انك مش عارف او مش واخد بالك إن العبد الفقير إلي الله بفضل الله راكب حالياً فانتازيا ٢٠١٠ ومعاها مرسيدس s320 موديل ٢٠٠٢ long wheelbase وقبلها bmw 523i e39 individual موديل ٢٠٠١ وقبلها أوبل فيكترا b ٢٠٠٠ cdx وقبلها أوكتافيا a4 وقريباً رغم اني كنت ناوي أخليها مفاجأة للأخوة في القسم bmw 740li e65 بس ياله اديني أعلنتها عشان خاطرك يا برنس،،كل الكلام ده أكيد ميخصكش يا فندم في حاجة بس أنا ببصرك بس عشان متتخدعش في حد بيتناقش معاك في أمر معين وتفتكر انه أهبل مثلاً
ثالثاً من سخرية القدر والزمن العجيب اللي احنا فيه اننا نسمع مقارنات بين عربية كوري وعربية أوروبي،،بلاش يا سيدي ألماني عشان بتزعلك.اهي دي اللي تستاهل واحدة ههههههههههههههههههه من بتوعك
رابعاً هو حضرتك زعلان ليه كده ؟ قوللي وأنا هبقي سعيد جداً إنك جاوبتني علي السؤال ده

[darehawk]

الكابتن تو كوود لو عايز تتكلم بموضوعية و أدب اتفضل مش عاجب الكلام المكتوب ممكن تعمل حاجتين

1- أنك تخليك في القسم بتاعك ومش لازمنا أراء منك يا عم
2- أنك تعمل موضوع مشابه عندك ترد بيه على الكلام المكتوب هنا

أزيد من كده منصحكش عشان ده قسم محترم والناس كلها اللي فيه قمة في الاحترام
وبعدين أنت بتدافع عن العربية ويكأنك من مجلس ادارة الشركة المصنعة انسى الكلام ده ونتناقش الأدب والموضوعية من غير تهكم ولا سخرية

[2CODE]

[QUOTE=inspiron;3875022763]

ههههههههههههههههههههههههههههههههه

[ههههههههههههههه
هههههههههههههههه
ههههههههههههههههههههههه
هههههههههههههههههههه
هههههههههههههههههههههههه
ههههههههههههههههههه
ههههههههههه


كل ده ضحك !! هو انا كاتب نكت وانا مش واخد بالي ؟
شوف يا افندينا
بصرف النظر عن اسلوبك المستفز وضحكك الغريب بدون سبب وتهكمك،،ده ميخصنيش ولا يمثل ليا أهمية،،ربنا يسعد ايامك واشوفك بتضحك كده علي طول وتشعر ببهجت كده
بس الأول تعالي،،أولاً أنا مسمحلكش تقول علي أي حرف بكتبه كلام فاضي،،لأن أنا مسمحش لنفسي إني اقلل من قدر كلام حد وإن خالفته الرأي أخالفه بإحترام وتقدير للشخص اللي بتناقش معاه،،فبالتالي اللي مقبلش إني أعمله عمري ما هقبله من حد :)
ثانياً من خلال كلامك واضح انك متعرفش عني حاجة وداخل تلوش وخلاص ( متزعلش من تلوش دي عادي يعني ) بمعني،،انت بتقوللي بلاش كلام فاضي وتضحك علي نفسك وتقوللي انك راكب ألماني ولو عاوز الماني روح اركبلك bmw ولا مرسيدس،،فواضح انك مش عارف او مش واخد بالك إن العبد الفقير إلي الله بفضل الله راكب حالياً فانتازيا ٢٠١٠ ومعاها مرسيدس s320 موديل ٢٠٠٢ long wheelbase وقبلها bmw 523i e39 individual موديل ٢٠٠١ وقبلها أوبل فيكترا b ٢٠٠٠ cdx وقبلها أوكتافيا a4 وقريباً رغم اني كنت ناوي أخليها مفاجأة للأخوة في القسم bmw 740li e65 بس ياله اديني أعلنتها عشان خاطرك يا برنس،،كل الكلام ده أكيد ميخصكش يا فندم في حاجة بس أنا ببصرك بس عشان متتخدعش في حد بيتناقش معاك في أمر معين وتفتكر انه أهبل مثلاً
ثالثاً من سخرية القدر والزمن العجيب اللي احنا فيه اننا نسمع مقارنات بين عربية كوري وعربية أوروبي،،بلاش يا سيدي ألماني عشان بتزعلك.اهي دي اللي تستاهل واحدة ههههههههههههههههههه من بتوعك
رابعاً هو حضرتك زعلان ليه كده ؟ قوللي وأنا هبقي سعيد جداً إنك جاوبتني علي السؤال ده

ما تكمل المقارنة ؟؟ غيرت الكلام ليه ؟؟؟ احنا هنا في انت معاك عربية ايه ولا راكب ايه ؟؟؟

شوف ردي اللي جاي هتعرف سخريتي من ايه !!!!!!!!!!!!

[2CODE]

الكابتن تو كوود لو عايز تتكلم بموضوعية و أدب اتفضل مش عاجب الكلام المكتوب ممكن تعمل حاجتين

1- أنك تخليك في القسم بتاعك ومش لازمنا أراء منك يا عم
2- أنك تعمل موضوع مشابه عندك ترد بيه على الكلام المكتوب هنا

أزيد من كده منصحكش عشان ده قسم محترم والناس كلها اللي فيه قمة في الاحترام
وبعدين أنت بتدافع عن العربية ويكأنك من مجلس ادارة الشركة المصنعة انسى الكلام ده ونتناقش الأدب والموضوعية من غير تهكم ولا سخرية

يااااااااااااه باين الادب بجد لما تلاقي في اول الموضوع القوالب نامت والانصاص قامت

شوف يا استاذي الفاضل حاجة فيا من زمان هتكلمني بأدب كلمتك بكل ادب واحترام لكن هتقلل من ادبك واحترامك هتلاقيني بعاملك بالمثل

هتزعل طيب جميل انا كلمتك بنفس اسلوبك فلازم تعرف ان اسلوبك زعلني زي ما اسلوبي لما كتبت بنفس اسلوبك زعلك !!!!!!!!!!

شوف في اول مشاركتي كتبت ايه

معلش بقى بما ان القوالب نامت والانصاص قامت يبقى مش هقدر اقارنها معاك لان شوف انا قارنت عربية ايه مع مين - مادام انت بدأت بالطريقة دي في الكلام بقى !!!!!!!

الاحترام يكون متبادل من اول نقطة في الحديث - لكن هتبدأ انت بالغلط للاسف محدش هيسكت على غلطك

يبقى عاجباك كلمة القوالب نامت والانصاص قامت اللي كتبها عضو فريق القسم عندك - ده شغل قهاوي ده مش ناس محترمة زي ما انت بتقول

[abou-yahia]

مش فاهم حد يفهمني



احنا بنتكلم في العربيات ليه نعور في بعض



انا مش موافق علي اسلوب الحوار اللي حاصل
واللي للأسف بيتم من أعضاء مسئوله داخل المنتدي

[المنسي]

:copy of majd(4):

مش فاهم حد يفهمني



احنا بنتكلم في العربيات ليه نعور في بعض

:n_no[1]:

انا مش موافق علي اسلوب الحوار اللي حاصل
واللي للأسف بيتم من أعضاء مسئوله داخل المنتدي

والله العظيم عندك حق

[EngAhmedSayed]

يا جماعة ممكن نلتزم بالموضوع
بعد اذنكم

[2CODE]

يا جماعة ممكن نلتزم بالموضوع
بعد اذنكم

مش فاهم حد يفهمني



احنا بنتكلم في العربيات ليه نعور في بعض



انا مش موافق علي اسلوب الحوار اللي حاصل
واللي للأسف بيتم من أعضاء مسئوله داخل المنتدي

كلام جميل شوفوا اول مشاركة شوفوا صاحب الموضوع كاتب ايه

بما إن القوالب نامت والإنصاص قامت يا رجالة..والسكودا رابيد فور نزولها السوق إتشركِت بفضل المستهلك المصري وقارنها بكيا ريو ( مع إحترامي ليها طبعاً أنا من معجبيها بالذات في الشكل )..فقولت نعمل مقارنة صغير بين الرابيد وبين الريو..يالا علي البركة.

قوالب نامت ايه وانصاص قامت ايه ده ايه ده هو ده مستوى حديث ؟؟؟؟؟؟؟؟؟

خليكم حياديين انا لما لقيت السيراتو نزلت بـ200 الف جنية قولت حرام وعملت موضوع جديد في القسم بكده في القسم عندي لاني بتكلم بحيادية بغض النظر عن اي شئ الناس بتاخد كلامنا في عين الاعتبار لما تشتري حاجة جديدة

شوفوا الموضوع بتاعي اهو اول ما السيراتو الجديدة نزلت

http://www.nilemotors.net/Nile/332269-2013.html

انما لما تلاقي عربية بـ160 الف جنية ومانيوال ومفيهاش الا ABS وتقول الله الله دا انت يبقى حرام عليك في الكلام اللي انت بتقوله

وانا اعتقد بل ومتأكد ان قسم سكودا فيه ناس حيادية وبتفهم في العربيات والمقارنات كويس وبتعرف تفرق

قبل ما تنصح شخص ما انصح نفسك اولاً
لو كلامي غلط حد يفهمني انا بتكلم بوجه عام وانتقدت كيا نفسها في القسم عندي

[YahiaAshraf]

الف شكر على الموضوع و جزاك الله كل خير

وفعلا الاوروبى اوروبى ومحدش هيفهم معنى كلامى غير اللى ركب فعلا عربيه اوروبى وبالاخص المانى



بالنسبة للعضو
2CODE

يا فندم شركة فولكس فاجن لما اشترت سكودا وضعت بالفعل التكنولوجيا بتاعتها فيها


بدليل الفانتازيا بقت اغلى من الجيتا دلوقتى
هتلاقى محرك سكودا بقى المانى من فولكس
الفتيس بقى المانى من فولكس
عفشة المانى من فولكس
تكنولوجيا المانى من فولكس

بم ان كل الحاجات دى فى سكودا يبقى فعلا يتقال انها علامة تشيكية الاصل و لكن بتكنولوجيا المانيه

ياريت يا فندم تركب العربيه و بعدين تبقى تقول رايك
انا لما قولت راى سواء فى الرابيد او الريو
لانى ركبت الاتنين على الواقع

ومش معنى كلامى انى بقلل من الريو بالعكس
انا اول ما نزلت العربيه دى قولت انها كويسه و عاجبانى و ما زالت ولكن كل واحد و ليه ذوقه فى ركوب السيارات
------------------------------------

تحياتى

[EngAhmedSayed]

الف شكر على الموضوع و جزاك الله كل خير

وفعلا الاوروبى اوروبى ومحدش هيفهم معنى كلامى غير اللى ركب فعلا عربيه اوروبى وبالاخص المانى



بالنسبة للعضو
2code

يا فندم شركة فولكس فاجن لما اشترت سكودا وضعت بالفعل التكنولوجيا بتاعتها فيها


بدليل الفانتازيا بقت اغلى من الجيتا دلوقتى
هتلاقى محرك سكودا بقى المانى من فولكس
الفتيس بقى المانى من فولكس
عفشة المانى من فولكس
تكنولوجيا المانى من فولكس

بم ان كل الحاجات دى فى سكودا يبقى فعلا يتقال انها علامة تشيكية الاصل و لكن بتكنولوجيا المانيه

ياريت يا فندم تركب العربيه و بعدين تبقى تقول رايك
انا لما قولت راى سواء فى الرابيد او الريو
لانى ركبت الاتنين على الواقع

ومش معنى كلامى انى بقلل من الريو بالعكس
انا اول ما نزلت العربيه دى قولت انها كويسه و عاجبانى و ما زالت ولكن كل واحد و ليه ذوقه فى ركوب السيارات
------------------------------------

تحياتى

شكرا على الرد الجميل