الى مالكى وفاهمى اسكودا هااااااام جدا

[هانى القناوى]

كنت محتاج اعرف ايه الفرق بين
اوكتافيا a4
اوكتافيا a5
فانتازيا
mpi
عايز اعرف تفاصيل كل نوع وازاى اعرف افرق بينهم
وايه الفرق بينهم
والاسعار كام
ومين فيهم اوتوماتك وتيبترونك
وايه مشاكل العربيه
وافضل نوع وسنه كام

[أحمد جودة]

متابع علشان عاوز اعرف الفروق

ومنتظرين اساتذة القسم لعمل تقرير مفصل مدعم بالصور كما عودونا

[شاهين - بنز]

أنا ممكن أفيدك بين في الفرق بين الفانتزيا وال a5
- الفانتازيا فوانيسها الأمامية شكلها متغير زي ماحنا عارفين
- فوانيس الفانتازيا الخلفية شالوا الخط الأحمر الفاصل بين نور الفرامل ونور الرجوع للخلف
- الفانتازيا شالوا الشريطة السودا إللي على الإكصدام الخلفي
- الفانتازيا غيروا شكل الطارة والكاسيت والتكييف
- الفانتازيا غيروا إضاءة العدادات
- الفانتازيا البيزلاين بقت بتنزل إجباري بطارة جلد ملتي وبلوتوث وتعتيم وشاشة بيانات بالحجم الكامل وده مكنش موجود في البيزلاين بتاع ال a5
سعر ال a5 يتراوح من 90-120
سعر ال الفانتازيا يتراوح بين 140-200

[طارق _عبد السلام]

http://www.nilemotors.net/Nile/333372-a.html

[عبدالرحمن-جبر]

ال a5 w fantasia نفس الفتيس ال 6 سرعات

[هانى القناوى]

اعزرونى لسه برضوا ماستوعبتش
ياريت تشرحوا بالتفصيل بس يكون منظم وبصور
واى نوع افضل واثبت كفائته ؟؟؟؟؟؟؟؟

وياريت تقولولى هل العربيه وانت مشغل التكيف فى عز الظهر فى شهر 6 و7 بتحس بالحر ولا ايه وهل العربيه بتسخن
اصل الجو عندى فى الصعيد زى الخليجى فى الصيف
ياريت تفيدونى فى الموضوع ده قبل ماشترى

[هانى القناوى]

وايه حكايه الفيتيس
طيب المشكله فى الفيتيس الاوتوماتك ولا التيبترونك
وايه الفرق بين الاوتوماتك والتيبترونك ( ولو حد ساق عربيه تيبترونك يقولى طريقه الاستخدام )

طيب هو لازم غيار الزيت يكون فى التوكيل ؟؟

يعنى ماينفعشى فى البنزينه ؟؟

اصل الصعيد مافهوش توكيل لاسكودا كل شغال ميكانيكيا

ياريت حد ينصحنى ويفهمنى اعمل ايه واشترى ايه؟؟مش عايز اجيب عربيه وادوخ واتعب علشان غيار زيت او اى صيانه

[Moratoz]

قبل ما حد يفيدك في الاختلافات لو معندكوش مركز صيانه محترم او ميكانيكي فاهم في الاوكتافيا بلاش من الاول عليمات مش معقول اي حاجه هتنزلها القاهرة واحيانا كثيرة يكون الموضوع بسيط
ياريت حضرتك تقول الحدود السعريه كام علشان نقدر مفيد سيادتك ويبق أش كلام وخلاص بغض النظر عن إمكانيه تنفيذه

[هانى القناوى]

شكرا يا Moratozعلى توضيحك
انا من قنا واعتقد ان مافيش ميكانيكيا تفهم فى العربيات اللى زى الاسكودا
والاكيد مافيش اى توكيلات صيانه
ولو فيه حد ميكانيكى مش هايكون بالكفائه اللى فى القاهره والاسكنداريه

اما بالنسبه لحدود الاسعار يعنت من 100 الى 130 الف

ياريت ترشحلى عربيه فى الحدود دى ولو اغلى شويه مافيش مانع بس المهم
اشغل التكيف ابرد فى الجو النار اللى فى الصعيد
قطع غيارها معمره ومجوده وتستحمل الطرق المكسره والمطبات العاليه
ثبات قوى وصاج قوى مش اجيب طفل يقعد على الشنطه الاقيها اطبقت
ماتكنشى غووول بنزين يعنى اقل استهلاك مايقلش عن 190 كيلوا فى للصفيحه
فيها وسائل امان محترمه

[Moratoz]

لو مفيش صيانه ليها عندكو يبقي بلاش وكنت نرشح لحضرتك الباسات كمان بجانب الفنتازيا بس الاثنين نفس الصيانه بس الاول دور علي مركز صيانه او ميكانيكي فاهم فيها وممكن نخلي ألصيانه الكبيرة في القاهرة

[هانى القناوى]

طيب ايه رايك يا Moratoz فى المرسيدس
ناس كتيره رشحتلى مرسيدس زى
زلموكه موديل 1994 (فرخ شبح) E200
او العيون موديل 1996 E200
ايه راى حضرتك فى النوعين دول
فى حاله ان حالتهم جيده وعداد معقول 150 الى 170 الف كيلوا
بس المشكله معرفشى هل استهلاكهم للبنزين عالى ولا متوسط
سمعت ان الزلموكه دى بتعمل 190 الى 200 كيلو لكل 20 لتر
بس العيون معرفشى
ياريت ياباشا تقولى رايك ايه وتعرفنى قبل ماتدبس
بالنسبه للميكانيكى فى 3 تخصص مرسيدس بس مش ماشوفتش عندهم عيون وماسالتهمشى انه بيعرفوا يشتغلوا فى العيون ولا لا ؟؟
شغلهم اللى شوفته زلموكه بمختلف الموديلات

[هانى القناوى]

البسات عربيه جميله بس مشكلتها انها بنزين 95
وانا ماعنديش 95

[Moratoz]

طبعا العيون عربيه جميله ولا خلاف عليها وحاول تجيب موديل عالي منها وممكن تخش قسم مرسيدس وتشوف الدنيا عمله ايه هناك

[هانى القناوى]

اه طبعا يا باشا المرسيدس مهما كان برضوا مرسيدس
بس انا معجب بالاوكتافيا ولكن مشكله الصيانه وتغيير زيت الفيتيس (ولازم اصلى وفى التوكيل )
وكمان التكيف بيقولوا انه مش شديد وكمان اعطاله كتيره كل ده خلانى قلقان من انى اجيبها وماعرفشى اتصرف فى الاعطال دى وعلشان اجى القاهره يعنى مسافه 550 كيلوا سفر طبعا علشان اروح اعمل صيانه عايز 1100 كيلوا رايح جاى

لكن هل فعلا اعطالها كتيره مع العلم انى مش من النوع المتهور فى السواقه واللى بيهين العربيه

[هانى القناوى]

ياريت تفهمنى ازاى بتتعامل مع الفيتيس الاوكتافيا التيبترونك وليه ناس كتيره بتشتكى منه

طيب تغيير زيت الفيتيس بيتغير عادى فى البنزينه ؟؟
طيب زيت الماتور برضوا فى البنزينه ؟؟
ايه نوع الزيت اللى بيتغير للفيتيس والماتور ؟؟