طوبه كسرت زجاج الفانتازيا

[طارق _عبد السلام]

السلام عليكم ورحمه الله وبركاته

الحمد لله على كل شىء قدر الله ماشاء فعل

وانا راجع من راس البر ومعى الاولاد وماشى فى أمان الله وامامى 2 ميكروباص بيحاربو بعض على المرور من بعض
وقبل كوبرى بيتعمل جديد قبل المنصوره وفجأه الميكروباص اللى قدامى عمال يحاول يخطى اللى قدامه يمين شمال وقام نازل على الترابه ولقيت زلط طاير على زى الرصاص ملحقتش اعمل حاجه

ولقيت رصاصه اقصد زلطه فى الزجاج الامامى طبعا ولادى اترعبوا من صوتها خبطت خبطه جامده جدا قدامى بالظبط عملت كام دايره ونقره بحجم كف اليد

وطبعا ورا بتاع الميكروباص الهمجى لحد ماوقفته انا عارف انه مش ذنبه بس علشان يرحم نفسه ويرحم اللى معاه من طريقه سواقته البشعه ورعب اولادى هو اللى جننى اكتر عليه
المهم آخر سعر لزجاج الفانتازيا الامامى كام

وهل ينفع امشى بالكسر ده عادى (مفيهوش مخالفه) هو لا يعيق الرؤيه بالنسبه لى لانى على سفر كل يومين تقريبا

والحمد لله على كل شىء

[MohammedAladel]

طيب ما تشوف لو ينفع يتلحم بدل ما تغيره

[طارق _عبد السلام]

طيب ما تشوف لو ينفع يتلحم بدل ما تغيره

ما اظنش موضوع اللحام ده له فائده اكثر من استخدموه قالوا لاقيمه له

اللى هيندفع فى اللحام يزيد شويه ونجيب الزجاج
اشكرك على الاهتمام
تقديرى

[hossam_elwani]

لاحول ولا قوة الا بالله حاجه تزعل بجد

هو ياجماعه العوازل الى بتركب على الزجاج الجانبى المعالجه ضد السرقه والكسر بسهوله مش ممكن تركب على الزجاج الامامى من بره ؟؟

[MohammedAladel]

أنا أعرف إنها عوازل حرارية وبعدين يا باشا عازل إيه اللى يمنع الحرامى من كسر الزجاج ولا يمنع طوبة طايرة زى الطلقة من كسر الزجاج

[wawamoha]

باشا عندك ابو حلوه في طنطا ماشاء الله عليه
انا حصل نفس الكلام - بس و هيا واقفه - مع الزجاج الخلفي -بس اتكسر - و ركبته برضه
بس جبت الصيني - حتى الهيتر شغال الحمد لله
و غيرت الزجاج اللي جنبي عنده - و سعره عادل و ناس محترفين بجد
بس نصيحه طالما الزجاج ما اتكسرش يبى تغيره ليه ؟ لو ينفع تشوف بيه امشي بيه و خلاص
لان الزجاج القدماني بيكون تلات طبقات تريبلكس يعني - انما اللي ورا و الجنب كله زي بعضه

[MohammedAladel]

شفت ناس لما بيبقى عندها كسر زى دا عشان ميسرحش فى باقى الزجاج بيحطوا عليه مادة شفافة كدا معرفش إيه هى

[inspiron]

طارق بيه أنا آسف علي التأخير في الرد..أولاً أهم شئ سلامتك والأولاد الحمد لله.ونصيحة لوجه الله بلاش تعمل أي مشكلة مع الطبقة دي من الناس خصوصاً ومعاك الأولاد.

ثانياً..سعر الزجاج حوالي 1300 جنيه في التوكيل..وإوعي تركب حاجة غير الأصلي لأن المرايه عمرها ما هتلزق عليه..لأن الزجاج الأصلي بيجي معاه القاعدة بتاعة المرايه built in في الزجاج

[Moratoz]

طارق بك الف سلامه علي حضرتك وعلي العربيه بقدر الإمكان غير الزجاج في التوكيل حتي لو غالي علشان أحيان كتير الصنايعيه وهما بيغيروا الزجاج بيبوظوا كاوتش الزجاج وبيبقس شكل الزجاج يقرف وتلاقي هواء داخل وتراب منه اتعب شويه وخليه لما تروح للتوكيل تغيرة واحنا عندنا مراكز اسمها دكتور خالد بعالج نقر الزجاج اما لو مجبي بدرة معاك من جوه يعني متخرمش ممكن تروح لحد بتاع زجاج ويشوف لو فيه شروخ او حاجه ويحدد حوالين الشرخ علشان ما يسرحش
تحياتي والف سلامه

[MohammedAladel]

1300 بجد مش خسارة فى الزجاج الأصلى ولو كدا يبقى تمام قوى أرخص من زجاج الميجان

[المنسي]

استاذ طارق الحمد لله انك بخير والاولاد بخير حاول متتعاملش مع الفئة دى لان محدش عارف هما بيعملو كده ليه المهم قدر الله ماشاء فعل ونصيحتى ليك لو الزجاج نقرة ولا نقرتين من غير شرخ خليه وامشى بيه كده مادام غير عائق للرؤيا لو شرخ مع نقر يستحسن تغيره

[lanos2004]

طب ما تشوفه عند الصمدي سكه طنطا
ربنا يعوضك ان شاء الله
المهم اكلت سمك بوري في راس البر واتمشيت عند اللسان

[engherc]

اعتقد أن لو حد حب يرخم في المرور فعادي جداً يديك مخالفة امن و متانة أنا شايف أن الاامن تغيروا و ممكن حتى تسال عليه استيراد بكام لو الفرق كبير أكيد جيبو استيراد بس أتأكد الأول أن الكود اللي عليه نفس الكود اللي على الزجاج عندك

[lanos2004]

اعتقد أن لو حد حب يرخم في المرور فعادي جداً يديك مخالفة امن و متانة أنا شايف أن الاامن تغيروا و ممكن حتى تسال عليه استيراد بكام لو الفرق كبير أكيد جيبو استيراد بس أتأكد الأول أن الكود اللي عليه نفس الكود اللي على الزجاج عندك

اعذرنى ما فيش زجاج استيراد
لو فيه زجاج استيراد يبقه من عربيه مسروقه

[طارق _عبد السلام]

شفت ناس لما بيبقى عندها كسر زى دا عشان ميسرحش فى باقى الزجاج بيحطوا عليه مادة شفافة كدا معرفش إيه هى

هو عامل دواير هجربه النهارده فى السفر ولو سرح الشرخ هضطر اغيره

طارق بيه أنا آسف علي التأخير في الرد..أولاً أهم شئ سلامتك والأولاد الحمد لله.ونصيحة لوجه الله بلاش تعمل أي مشكلة مع الطبقة دي من الناس خصوصاً ومعاك الأولاد.

الله يسلمك يابوب والحمد لله على كل شىء والحمد لله عدت على خير وفعلا انا عارف مستوى الطبقه دى ومن حظ السواق الهباب انه طلع من المحله وسحب ناعم لانه عرف ممكن يحصل ايه بس فعلا مينفعش التعامل مع الاشكال دى بس الظروف حكمت
ومن ناحيه الزجاج الاصلى ان شاء الله بس اسمع عن واحد فى المنصوره الجميع بيشكر فيه وبيجيب الاصلى وبنصف ثمن الوكيل هشوف ان شاء الله

ثانياً..سعر الزجاج حوالي 1300 جنيه في التوكيل..وإوعي تركب حاجة غير الأصلي لأن المرايه عمرها ما هتلزق عليه..لأن الزجاج الأصلي بيجي معاه القاعدة بتاعة المرايه built in في الزجاج

طارق بك الف سلامه علي حضرتك وعلي العربيه بقدر الإمكان غير الزجاج في التوكيل حتي لو غالي علشان أحيان كتير الصنايعيه وهما بيغيروا الزجاج بيبوظوا كاوتش الزجاج وبيبقس شكل الزجاج يقرف وتلاقي هواء داخل وتراب منه اتعب شويه وخليه لما تروح للتوكيل تغيرة واحنا عندنا مراكز اسمها دكتور خالد بعالج نقر الزجاج اما لو مجبي بدرة معاك من جوه يعني متخرمش ممكن تروح لحد بتاع زجاج ويشوف لو فيه شروخ او حاجه ويحدد حوالين الشرخ علشان ما يسرحش
تحياتي والف سلامه

حبيب قلبى عمور الله يسلمك من كل شر
وان شاء الله لن اركب غير الاصلى

1300 بجد مش خسارة فى الزجاج الأصلى ولو كدا يبقى تمام قوى أرخص من زجاج الميجان

اكيد انا سمعت ان الاصلى كمان بره التوكيل بتركيبه ممكن يوصل 700 جنيه ؟ده بتاع البولو الاصلى كان 550

استاذ طارق الحمد لله انك بخير والاولاد بخير حاول متتعاملش مع الفئة دى لان محدش عارف هما بيعملو كده ليه المهم قدر الله ماشاء فعل ونصيحتى ليك لو الزجاج نقرة ولا نقرتين من غير شرخ خليه وامشى بيه كده مادام غير عائق للرؤيا لو شرخ مع نقر يستحسن تغيره

الله يسلمك ويبارك فيك يارب
هو تقريبا مش بيعيق الرؤيه بس مخلى منظر العربيه مش ولا بد

طب ما تشوفه عند الصمدي سكه طنطا
ربنا يعوضك ان شاء الله
المهم اكلت سمك بوري في راس البر واتمشيت عند اللسان

حبيب قلبى احمد بك
تقصد طارق الصمدى هلاقى عنده الاصلى بس تركيبه مش نمره واحد
واكلت البورى بس ماطلعتش اللسان ولا شارع النيل تصدق بئى ههههههههههههه
والله انا هناك من اول الشهر مقضيها رايح جاى

اعتقد أن لو حد حب يرخم في المرور فعادي جداً يديك مخالفة امن و متانة أنا شايف أن الاامن تغيروا و ممكن حتى تسال عليه استيراد بكام لو الفرق كبير أكيد جيبو استيراد بس أتأكد الأول أن الكود اللي عليه نفس الكود اللي على الزجاج عندك

مهو ده اللى كنت بسئل عليه لانى بعدى على 3 كماين فيهم كمين رزل رزاله السنين

وفعلا زى ما الاستاذ احمد قال مفيش زجاج استيراد استعمال يعنى لان العربيات بتيجى اربع وانصاص فاكيد لو فيه زجاج هيضيع