سحب الاوكتافيا بقي زفت، محتاج ميكانيكي شاطر في الاسكندرية

[A.Roushdy]

السلام عليكم
ازيكم يا وحوش اسكودا
سحب العربية بقي نيلة خالص الفترة الاخيرة
فكرت ابيعها 100 مرة واجيب حاجة زيرو
لكن قلت اصلحها الاول علشان مينزلش تمنها جامد
روحت لكذا واحد وكلو عمال يفتي
واحد قالي ضعف كتاوت، التاني قالي تب ترونك سويتش وواحد تاني قالي الفتيس جاب بلف وهري من دا كتير
مع اني مغير زيت فتيس من فترة قريبة ومغير فلتر بنزين وكشفت عالفتيس لقيته سليم
والبوجيهات مغيرها مرتين
ومع ذلك السحب نيلة خالص ولا كأنها 28
اما بقرص عالدواسة للاخر بتجمع بعد فترة حوالي ثانيتن او 3، غير كدة بحس اني راكب بطة مش عربية

فياريت اللي يعرف ميكانيكي للأوكتافيات والفنتزيا بس يقول مكانه وانا اروحله
بس يكون اهم حاجة من اسكندرية

[aldesha989]

اوتو صح ؟

بس ايه دخل الكتاوت فى السحب :D :D :D

انا بتعامل مع واحد فى بحرى بقالى تلات سنين ومش بشتكى منه فى حاجه غير انه ساعات بيكون زحمه وبحجز قبلها :D ههههههههههههههههه بس كلهم صحابى هو وعياله لو عايز تروحله اوصفهولك هو بيشتغل فى جديد وقديم وكله مش بيقول لعربيه لا ولسه كان هنده كارنز 2012 واسبرنزا a516 دول اللى لسه شايفهم عنده اخر حاجه وبيشتغل فى عربيه ابن خالتى شيفروليه لانوس 2010 وعربيتى مازدا 121 م 98 :$

[A.Roushdy]

اوتو صح ؟

بس ايه دخل الكتاوت فى السحب :d :d :d

انا بتعامل مع واحد فى بحرى بقالى تلات سنين ومش بشتكى منه فى حاجه غير انه ساعات بيكون زحمه وبحجز قبلها :d ههههههههههههههههه بس كلهم صحابى هو وعياله لو عايز تروحله اوصفهولك هو بيشتغل فى جديد وقديم وكله مش بيقول لعربيه لا ولسه كان هنده كارنز 2012 واسبرنزا a516 دول اللى لسه شايفهم عنده اخر حاجه وبيشتغل فى عربيه ابن خالتى شيفروليه لانوس 2010 وعربيتى مازدا 121 م 98 :$

اوتو اكيد

ونفس الكلمة والله قلتلهالو
قلتلو اية علاقة الكتاوت بالسحب
فلما لاقاني فاهم شوية
قعد يقول فأي كلام عن الموتور والفتيس والتجميع وكهربة العربية وخلع من السؤال فعرفت انه حمار

عامتا شكرا لردك بس انا محتاج واحد مختص سكودا فقط علشان يقدر يعرف اية اللي في العربية بالظبط

[hossam_elwani]

ممكن تكون مشكلة فلاتر او طرمبة بنزين ضعيفه فى الضغط

[inspiron]

السلام عليكم
ازيكم يا وحوش اسكودا
سحب العربية بقي نيلة خالص الفترة الاخيرة
فكرت ابيعها 100 مرة واجيب حاجة زيرو
لكن قلت اصلحها الاول علشان مينزلش تمنها جامد
روحت لكذا واحد وكلو عمال يفتي
واحد قالي ضعف كتاوت، التاني قالي تب ترونك سويتش وواحد تاني قالي الفتيس جاب بلف وهري من دا كتير
مع اني مغير زيت فتيس من فترة قريبة ومغير فلتر بنزين وكشفت عالفتيس لقيته سليم
والبوجيهات مغيرها مرتين
ومع ذلك السحب نيلة خالص ولا كأنها 28
اما بقرص عالدواسة للاخر بتجمع بعد فترة حوالي ثانيتن او 3، غير كدة بحس اني راكب بطة مش عربية

فياريت اللي يعرف ميكانيكي للأوكتافيات والفنتزيا بس يقول مكانه وانا اروحله
بس يكون اهم حاجة من اسكندرية

طيب معلش..إمته بالظبط حسيت بإختلاف في سحب العربية ؟ لأن في عدة إحتمالات :-

- بنزين مش نظيف
- طرمبة بنزين ضعيفة
- idle control مش نظيف
- maf sensor مش نظيف

[kareemafifi]

عندك تي فاج اللي في اول الطريق الزراعي مركز متخصص سكودا و فولكس ناس شاطرة و فاهمة و بقالي بتاع 4 سنين بتعامل معاهم و ما شاء الله عليهم لو عايز قولي و انا ممكن اديك العنوان بالتفصيل

[lanos2004]

هيه العربيه ماشيه كام الف كيلو
الاول لو عاوز تطمن على طرمبه البنزين
حط العربيه على وضع nودوس بنزين جامد لحد اما العربيه تفصل لو لقيتها بتفصل عند الرد زون يبقه طرمبه سليمه
لو فصلت بدرى تبقه ضعيفه
الماتور لو ماشى كتير --اعمل كبس فى اى بنزينه نضيفه الاول اطمن ان ما فيش عيب ميكانيكى--لو طلع الكبس تمام تبقه مشاكل فى الكهربا
الفتيس لو فيه مشكله دى قصه تانيه
الاول تطمن ان المكنه مظبوطه

[A.Roushdy]

طيب معلش..إمته بالظبط حسيت بإختلاف في سحب العربية ؟ لأن في عدة إحتمالات :-

- بنزين مش نظيف
- طرمبة بنزين ضعيفة
- idle control مش نظيف
- maf sensor مش نظيف

- بنزين مش نظيف
معتقدش لان الموضوع بقالو حوالي شهر وحبة
الباقي ممكن، وهروح بكرة لمركز صيانة يكشف عليها بالجهاز

عندك تي فاج اللي في اول الطريق الزراعي مركز متخصص سكودا و فولكس ناس شاطرة و فاهمة و بقالي بتاع 4 سنين بتعامل معاهم و ما شاء الله عليهم لو عايز قولي و انا ممكن اديك العنوان بالتفصيل

ياريت والله يا باشا بس متكونش اسعارة حراقة زي التوكيل لاني استويت مصاريف منهم

هيه العربيه ماشيه كام الف كيلو
الاول لو عاوز تطمن على طرمبه البنزين
حط العربيه على وضع nودوس بنزين جامد لحد اما العربيه تفصل لو لقيتها بتفصل عند الرد زون يبقه طرمبه سليمه
لو فصلت بدرى تبقه ضعيفه
الماتور لو ماشى كتير --اعمل كبس فى اى بنزينه نضيفه الاول اطمن ان ما فيش عيب ميكانيكى--لو طلع الكبس تمام تبقه مشاكل فى الكهربا
الفتيس لو فيه مشكله دى قصه تانيه
الاول تطمن ان المكنه مظبوطه

عاملة 96 الف
وهجرب الطريقة دي بكرة وارد عليك

[المنسي]

اسمع عن مركز اسمه الشريف او نور الشريف كان حد من الزملاء فى اسكندرية كان قال عليه قبل كده

[طارق _عبد السلام]

انا كنت زمان اتعاملت مع مركز فى الاسكندريه عند قصر المنتزه اسمه
مركز العمار
متخصص سكودا وفولكس ومحترمين فعلا وعندهم جهاز تنضيف الانجكشن وورانى الجهاز وشوفت طريقه التنضيف الصحيحه وبجد العربيه فرقت معايا كتير

[Amr_Azab]

عندك تي فاج اللي في اول الطريق الزراعي مركز متخصص سكودا و فولكس ناس شاطرة و فاهمة و بقالي بتاع 4 سنين بتعامل معاهم و ما شاء الله عليهم لو عايز قولي و انا ممكن اديك العنوان بالتفصيل

+111
مركز tvag محترم فعلا جدا وانا بتعامل معاه من سنتين وحافظين الآوكتافيا حته حته أنصحك بيه

[mo7a_mo7a]

في ورشة انا متعاملتش معاها قبل كده بس بعدي عليها كتير وبلاقي عندها زحمة هي امام بنزينة مصر اللي عند سينيما أمير في محطة الرمل
وهم كاتبين انهم متخصصين فولكس وسكودا فقط

[mo7a_mo7a]

اسمع عن مركز اسمه الشريف او نور الشريف كان حد من الزملاء فى اسكندرية كان قال عليه قبل كده

حضرتك تقصد نور الدين الشريف في شارع السلطان حسين ده موزع سكودا معتمد ومركز خدمة
يعني اسعاره هي هي اسعار التوكيل

[tamerosman]

حضرتك حرب تحط منطف انجكشن ...هتلاقيه عند كارفور ..اشترى نوع امريكانى اسمه junk ..يمكن تكون الرشاشات مسدودة .......فيه ميكانيكى اسمه هريسة متخصص فولكس و سكودا عند محطة مصر . جنب البنزينه اللى فى وش سينما امير.

[tamerosman]

في ورشة انا متعاملتش معاها قبل كده بس بعدي عليها كتير وبلاقي عندها زحمة هي امام بنزينة مصر اللي عند سينيما أمير في محطة الرمل
وهم كاتبين انهم متخصصين فولكس وسكودا فقط

اسمه هريسة فولكس ...اشهر ميكانيكى فولكس فى اسكندرية ...هو استاذ بس زحمة و غالى