مشكلة غريبة جدا

[Amr_Azab]

فابيا 2002 1000 سي سي
العربية بتبقي ماشية زي الفل ومفيهاش الهوا والسحب تمام جدا بس أوقات بيحصل موضوع عجيب اوي اني بلاقي الموتور بيرج جامد علي السلانسية زي متكون متلتة ولما ادوس بنزين الاقي صوت فرقعة من الجاكمان مع رائحة بنزين نيء ولما اجيب غيار وامشي بالوضع ده يبقي السحب رايح في داهية تماما فأفضل ماشي كده شوية الاقي العربية سلكت ورجعت تاني تمام

مع العلم ان الموضوع ده مبيحصلش ابدا وانا ماشي لكن بيحصل وانا واقف في اشارة مثلا والعربية علي السلانسية او لما ببقي مبطل واجي أدور ممكن الاقيها تعمل كده

والموضوع ده أوقات يحصل وأوقات كتير لآ يعني بيجي فجاه كده علي مزاجه

كشفت علي البوجيهات وحالتها كويسة وهي الآصلي بتاعت العربية
تم قياس طرمبة البنزين وكان ضغطها ضعيف فتم تغييرها ولكن نفس المشكلة موجودة
تم تنظيف البوابة ومكنش فيها شوائب كتير اساسا
عند الكشف بالكمبيوتر بعد حدوث هذه المشكلة لا يظهر أي أخطاء
انا عندي سير الكاتينة (جنزير) مخلي في خشونة شوية في صوت الموتور بس الكل اجمع انه مفيش ضرر فانا سايبه زي مهو حاليا ومعرفش ليه علاقة ولا لآ


ياريت اللي عنده فكرة ايه سبب المشكلة دي يفيدني لاني دوخت في الموضوع ده جدا جدا

[sakr_skoda]

مشكلتك فى البوجيهات ووصلاتها اكشف على وصلات البوجيهات واكشف على الاسبرتير ممكن يكون عاوز تنظيف وانشاء الله تسلك معاك فبيتك القوية....*

[aw2100]

فابيا 2002 1000 سي سي
العربية بتبقي ماشية زي الفل ومفيهاش الهوا والسحب تمام جدا بس أوقات بيحصل موضوع عجيب اوي اني بلاقي الموتور بيرج جامد علي السلانسية زي متكون متلتة ولما ادوس بنزين الاقي صوت فرقعة من الجاكمان مع رائحة بنزين نيء ولما اجيب غيار وامشي بالوضع ده يبقي السحب رايح في داهية تماما فأفضل ماشي كده شوية الاقي العربية سلكت ورجعت تاني تمام

مع العلم ان الموضوع ده مبيحصلش ابدا وانا ماشي لكن بيحصل وانا واقف في اشارة مثلا والعربية علي السلانسية او لما ببقي مبطل واجي أدور ممكن الاقيها تعمل كده
يبقى فية احتمال يكون عيب فى شحن الدينامو بيشحن ضعيف علشان كدة لما بتقف على السلانسية بيفضى البطارية انصحك تكشف على البطارية والدينامو العربيات الحديثة بتحتاج كهربة مظبوطة علشان حكاية الحساسات والكومبيوتر ؟؟؟

والموضوع ده أوقات يحصل وأوقات كتير لآ يعني بيجي فجاه كده علي مزاجه

كشفت علي البوجيهات وحالتها كويسة وهي الآصلي بتاعت العربية
تم قياس طرمبة البنزين وكان ضغطها ضعيف فتم تغييرها ولكن نفس المشكلة موجودة
تم تنظيف البوابة ومكنش فيها شوائب كتير اساسا
عند الكشف بالكمبيوتر بعد حدوث هذه المشكلة لا يظهر أي أخطاء
انا عندي سير الكاتينة (جنزير) مخلي في خشونة شوية في صوت الموتور بس الكل اجمع انه مفيش ضرر فانا سايبه زي مهو حاليا ومعرفش ليه علاقة ولا لآ


ياريت اللي عنده فكرة ايه سبب المشكلة دي يفيدني لاني دوخت في الموضوع ده جدا جدا

[Moratoz]

شوف أسلاك البوجيهات ونظف الرشاشات

[Amr_Azab]

مشكلتك فى البوجيهات ووصلاتها اكشف على وصلات البوجيهات واكشف على الاسبرتير ممكن يكون عاوز تنظيف وإن شاء الله تسلك معاك فبيتك القوية....*

كشفت علي البوجيهات في مركز متخصص وقالي كويسة وبحالتها والآصلي فحرام تغيرها
معنديش لا أسلاك بوجيهات ولا سبراتير ( البوجيهات راكب عليها كويل علطول )

[Amr_Azab]

حكشف علي الدينمو أحتياطي بس معتقدش انه هو لآني لما روحت مركز الصيانة عشان اشوف العيب ده العربية كانت زي الفل وحلفة انها متعملش اي حاجة وأعدت مدور بتاع ساعة الا ربع وسايبها علي السلانسيه معملتش اي حاجة واخر مزهقنا المهندس طلع معاية يجربها وهو اللي ساق واعد يجرب شوية يمشي براحة وشوية يقرص جامد وهي حلفة ما تعمل حاجة والمهندس بقي محتار جدا وقالي العربية زي الفل مفيهاش اي حاجة وطبعا هو مش عارف يعمل حاجة غير لما يشوف العيب وهي قدامه بتتكسف تقريبا حاجة تجن
والبطارية جافة جديدة

[Amr_Azab]

شوف أسلاك البوجيهات ونظف الرشاشات

معنديش أسلاك للبوجيهات في كويل هو اللي راكب علي البوجيهات مباشرة
وانا بحط منظف للرشاشات كل 6000 كم تقريبا ( اللي بيتحط في التنك مع التفويل )

[Moratoz]

معنديش أسلاك للبوجيهات في كويل هو اللي راكب علي البوجيهات مباشرة
وانا بحط منظف للرشاشات كل 6000 كم تقريبا ( اللي بيتحط في التنك مع التفويل )

لو كويلات زي نظام الميجان يبقي الكويلات فيها واحد ضعف وعايز يتغير

[Amr_Azab]

هو كويل واحد كبير بيركب علي الـ 4 بوجيهات
وربنا يستر ميكنش هو لاني علي ما أعتقد انه غالي حبتين تلاتة اربعة

[Moratoz]

هو كويل واحد كبير بيركب علي الـ 4 بوجيهات
وربنا يستر ميكنش هو لاني علي ما أعتقد انه غالي حبتين تلاتة اربعة

اصل الحاله بتاعتك دي كنت قريت عليها في الميجان نتيجه ضعف الكويل وكان بيأثر علي السحب وساعات يخلي العربيه متلته وطبعا بيخنق العربيه فأكشف عليه وشوف حالته ايه
وهوا عامه سعرة ايه جديد واستيراد للعلم

[Amr_Azab]

والله يا باشا انا مش عارف سعره كام بالظبط انا سمعت انه غالي فحكشف عليه واسال علي سعره ان شاء الله
بس العربية في العادي لما المشكلة دي مبتبقاش حصلة بيبقي السحب ممتاز جدا لكن بيبقي ميت أثناء المشكلة فقط

[amroebraheem]

والله يا باشا انا مش عارف سعره كام بالظبط انا سمعت انه غالي فحكشف عليه واسال علي سعره ان شاء الله
بس العربية في العادي لما المشكلة دي مبتبقاش حصلة بيبقي السحب ممتاز جدا لكن بيبقي ميت أثناء المشكلة فقط

اخى الفاضل عمرو عزب بعد سؤال مهندس الصيانة بتاعى عن هذه المشكلة فأفادنى بأن المشكلة عندك فى البوبينة بنسبة 300%وبعد غيارها سينتهى كل شئ بأذن الله تعالى
ارجوا انى اكون قد أفادتك

[Amr_Azab]

اخى الفاضل عمرو عزب بعد سؤال مهندس الصيانة بتاعى عن هذه المشكلة فأفادنى بأن المشكلة عندك فى البوبينة بنسبة 300%وبعد غيارها سينتهى كل شئ بأذن الله تعالى
ارجوا انى اكون قد أفادتك

ألف شكر يا باشا ومعلش حتعب حضرتك شوية
ياريت لو في طريقة اقدر أختبر بيها البوبينة بحيث أعرف انها بايظة ولا لآ
ولو حضرتك تعرف سعرها تقريبي حتي بكام

لآن للآسف انا من أسكندرية وحاليا أعمل بمطروح ومش قادر أعرف حدود سعرها فحنزل أسكندرية أعملها صد رد و أرجع
شكرا مرة اخري لاهتمامك

[amroebraheem]

ألف شكر يا باشا ومعلش حتعب حضرتك شوية
ياريت لو في طريقة اقدر أختبر بيها البوبينة بحيث أعرف انها بايظة ولا لآ
ولو حضرتك تعرف سعرها تقريبي حتي بكام

لآن للآسف انا من أسكندرية وحاليا أعمل بمطروح ومش قادر أعرف حدود سعرها فحنزل أسكندرية أعملها صد رد و أرجع
شكرا مرة اخري لاهتمامك

اخى الفاضل عمرو عزب سوف ابعت لك على الخاص تليفون المهندس خالد اسماعيل وابقى استفسر انت منه على المطلوب علشان منبقاش بنعمل دعاية كما اتفق الاخوة الزملاء القائمين على القسم وارجوا منك الافادة بالوصول والسلام عليكم ورحمة الله وبركاته

[Amr_Azab]

وصلتي النمرة فعلا يا باشا ألف شكر وانا ححاول أستشارته هاتفيا عشان للآسف صعب جدا اني أروحله القاهرة لآني من اسكندرية و اعمل في مطروح فحيبقي صعب جدا
وشكرا مرة اخري لاهتمامك