عاوز اعرف كل حاجه عن اوكتافيا a5 موديل 2006

[mans336]

السلام عليكم ورحمة الله وبركاته
انا معايا فى حدود 95 الف جنيه وعاوز اجيب عربيه
بفكر فى اوكتافيا a5 موديل 2006
عاوز اعرف كل حاجه عن العربيه
اسعار قطع الغيار وتوافرها جديد واستيراد؟؟ استهلاك البنزين؟؟ الوسع بتاعها؟؟ السحب؟؟ الاوبشنز اللى فيها ؟؟ واى حاجه تانيه تفتكروها
وياريت اعرف احسن مكان اكشف فيه على كل مسمار فى العربيه مع العلم انى من فيصل؟؟
وياريت اعرف لو العربيه فابركيه بره وجوه وعامله اقل من 100000 كيلومتر يبقى سعرها فى حدود كام؟؟؟

[aboamina]

متابع بشدة...

[mans336]

ايه يا رجاله محدش معاه اوكتافيا a5 يقولنا حاجه عنها؟

[Moratoz]

حاول تبحث في المنتدي الاول وئل حضرتك عاوز ليه توضيح إحنا تحت أمرك وحدد عايز تعرف ايه بالظبط علشان نقدر نفيدك

[inspiron]

السلام عليكم ورحمة الله وبركاته
انا معايا فى حدود 95 الف جنيه وعاوز اجيب عربيه
بفكر فى اوكتافيا a5 موديل 2006
عاوز اعرف كل حاجه عن العربيه
اسعار قطع الغيار وتوافرها جديد واستيراد؟؟ استهلاك البنزين؟؟ الوسع بتاعها؟؟ السحب؟؟ الاوبشنز اللى فيها ؟؟ واى حاجه تانيه تفتكروها
وياريت اعرف احسن مكان اكشف فيه على كل مسمار فى العربيه مع العلم انى من فيصل؟؟
وياريت اعرف لو العربيه فابركيه بره وجوه وعامله اقل من 100000 كيلومتر يبقى سعرها فى حدود كام؟؟؟

95000 يجيبولك حاجة حلوة إن شاء الله..قطع الغيار متوفرة جديد وإستيراد.الأسعار في المعقول.ممكن تشتغل علي الإستيراد ولكن بالنسبة للعفشة لازم جديد.وأسعارها حلوة..علي سبيل المثال.ذراعين الميزان 280 جنيه..بطاحتين بالبلية 400 جنيه..جلب مقصات 150 جنيه..4 طنابير جديد أصلي 1500 جنيه.طقم يايات 700 جنيه..طقم مساعدين 2800 جنيه.العمر الإفتراضي بتاع الحاجات دي يتجاوز الـ 100 ألف كم لأن عربيتي عاملة 106000 كم وعفشتها بسم الله ما شاء الله زيرو.

إستهلاك البنزين وإنت ماشي علي سرعة 100 بيكون في حدود 5.4 -5.6 لتر لكل 100 كيلو متر.الصالون من الأمام واسع وجميل..من الخلف متوسط المساحة..الشنطة عربية نص نقل.
السحب مُرضي للناس اللي ملهاش في الحرق والفرك.وإستجابتها حلوة وليها طريقة معينة عشان تاخد أحلي أداء منها والطريقة دي تم مناقشتها من قبل في عدة مواضيع في القسم.

الأوبشنز اللي فيها حدِث ولا حرج.عوامل أمان حدِث ولا حرج.جودة خامات حدِث ولا حرج.

أفضل مكان للكشف علي العربية من الآخر بدون كلام كتير..التوكيل..400 جنيه كشف..يطلعلك كل هفوة في العربية.حتي لو لا تُذكر.

ده كل اللي أقدر أقولهولك بإختصار ولو عايز حاجة تحت أمرك.وباقي الزملاء مش هيبخلوا عنك بأي معلومة بردو.بالتوفيق

[Moratoz]

جلب اللمقصات 220 جم
كبلن داخلي ٢.١٠٠ جم للواحد

[inspiron]

جلب اللمقصات 220 جم
كبلن داخلي ٢.١٠٠ جم للواحد

يا برنس أنا غيرته عندي في الفانتازيا بـ 1650 !!! هو غلي أول كده !!!

[Moratoz]

يا برنس أنا غيرته عندي في الفانتازيا بـ 1650 !!! هو غلي أول كده !!!

فرق سعر الدولار ونشوئه سرقه في النص سألت في التوكيل يوم الخميس كان الأثنين ب ٤٥٠٠ جم
تحياتي لك يا بوب