تحذير من محل فتح الباب بشارع دمشق

[zangry]

السلام عليكم

الموضوع باختصار انى امبارح كنت في القاهرة فـ روحت شارع دمشق اجيب تيل فرامل خلفي فـ جبته من

فتح الباب ادهولي بـ420 جنيه العلبة زي علبة الاصلي ومكتوب عليها made in Germany والتيل بيكون متغلف وجواه ورقة كده مكتوب عليها 3M لما جيت هنا روحت لواحد بتاع قطع غيار وقالي انه مضروب تمنه بـ 120 جنيه ووراني زيه بالظبط وقالي ان التيل الاصلي بيكون ايطالي مش الماني ومبيكونش التيل متغلف زى المضروب وبتكون العلبة من بره خشنة مش ناعمة .. خدوا بالكوا ياجماعة ومحدش يشتري منهم ..

[mo7a_mo7a]

لو مكتوب عليه maid in Germany بالبارز علي الحديد يبقي اصلي متقلقش

[mo7a_mo7a]

نتاكد الاول قبل اي شئ

[zangry]

لو مكتوب عليه maid in germany بالبارز علي الحديد يبقي اصلي متقلقش

على حسب اللى الراجل التاني قالهولى ان التيل الاصلي بيكون ايطالي مش الماني كمان والتاني مش مكتوب عليه حاجة وانا سايبه متغلف عشان هرجعهوله ولو مرضاش هروح ابلغ عنه واعمل محضر غش تجاري وهجيب الشرطة وهاخد منه الفلوس يا الا هيتحبس

[zangry]

نتاكد الاول قبل اي شئ

انا اتأكدت ياباشا الراجل اللى روحتله في المحلة عندنا جابلي اخوه تبيكال بـ120 جنيه والتاني ادهولي بـ 425 على انه اصلي مع ان الاصلي ايطالي

[magedkahla]

الأصلي ألماني بيبقى ألماني علفكرة مش ايطالي ده إل أعرفو

[Moratoz]

كنت حضرتك ما دام في شارع دمشق كنت اشتري من الشهابي لو عايز اصلي

[inspiron]

أولا اللي قالك الأصلي إيطالي ده بيألف .. إيطاليا أصلاً متعرفش يعني إيه سكودا هههههههههههه..
الأصلي يا باشا بيكون مكتوب علي التيل made in germany وبتبقي الكتابة محفورة عليه..ولو عاوز تختبره..ركبه وإغسل عجل العربية وسيبه ينشف..بعدين إتحرك بيها نص ساعة كده وشوف الفرامل هتصفر معاك ولا لا..لو صفرت..يبقي ده مش أصلي.

[zangry]

الأصلي ألماني بيبقى ألماني علفكرة مش ايطالي ده إل أعرفو

أولا اللي قالك الأصلي إيطالي ده بيألف .. إيطاليا أصلاً متعرفش يعني إيه سكودا هههههههههههه..
الأصلي يا باشا بيكون مكتوب علي التيل made in germany وبتبقي الكتابة محفورة عليه..ولو عاوز تختبره..ركبه وإغسل عجل العربية وسيبه ينشف..بعدين إتحرك بيها نص ساعة كده وشوف الفرامل هتصفر معاك ولا لا..لو صفرت..يبقي ده مش أصلي.

والله يارجالة انا لسه راجع من عند الميكانيكي هو خبير وقالي ان الاصلي ايطالي برضه ! ووريته الايطالي اللى جتبه وقالي اصلي !! انا مبقتش فاهم حاجة ده العلبتين نسخة من بعض ! الفرق علبة الايطالي دى اوضح شوية واكبر سيكا

كنت حضرتك ما دام في شارع دمشق كنت اشتري من الشهابي لو عايز اصلي

اللى حصل نصيبي بقي :d

[aboamina]

لازم تتأكد قبل ماتطلع سمعة على المحل

[zangry]

لازم تتأكد قبل ماتطلع سمعة على المحل

انا مش هقول حاجة من غير ماتأكد حضرتك !

[inspiron]

انا مش هقول حاجة من غير ماتأكد حضرتك !

يا سيدي الفاضل..الكلام اللي حضرتك قولته مش مؤكد..التيل الأصلي ألماني مش إيطالي.وحاول تعمل زي ما قولتلك عشان تقطع الشك باليقين.وقولنا النتيجة

[zangry]

يا سيدي الفاضل..الكلام اللي حضرتك قولته مش مؤكد..التيل الأصلي ألماني مش إيطالي.وحاول تعمل زي ما قولتلك عشان تقطع الشك باليقين.وقولنا النتيجة

الاتنين قالولى ايطالي والميكانيكي وريته الاتنين ياباشا .. لزيادة التأكيد هروح التوكيل بكرة واشوف العلبة عاملة زي انهى واحدة فيهم والراجل بتاع قطع الغيار وراني نفس العلبة اللى جبتها وبـ120 !! ده اللى خلاني متأكد

شكرا على المتابعة يازعيم

[MohammedAladel]

أولا اللي قالك الأصلي إيطالي ده بيألف .. إيطاليا أصلاً متعرفش يعني إيه سكودا هههههههههههه..
.

إيطاليا لو فكرت فى سكودا تانى يوم هتنهار ..... بقى فيات وفيرارى وألفا روميو ..... مع سكودا ... إيش جاب لجاب !

[inspiron]

إيطاليا لو فكرت فى سكودا تانى يوم هتنهار ..... بقى فيات وفيرارى وألفا روميو ..... مع سكودا ... إيش جاب لجاب !

يا باشا إنت حاطط نقرك من نقر الفانطاظيا ليه..سيبها في حالها..وأنا قولتلك قبل كده .. سكودا أصلاً حرام يا باشا.