بعد عذاب 4 ساعات فولت 90 للأوكتافيا، وبقت ماشية شبة ال28

[A.Roushdy]

بجد موضوع البنزين دة خرج عن كل الحدود
بعد 4 ساعات واقف في البنزينة لما طلع روحي
وصلت للطابور
قالي مفيش 92 الموجود 90 بس
قلتله فول العربية كان في الاحمر واللمبة منورة
اول ما طلعت بيها حسيت بتقل رهيب في سحب العربية
لا سحب اية دى كانت بتكح وهي ماشية
تقريبا كانت جايب دواسة البنزين للاخر والعربية ماشية ولا كأنها 28
مفيش سحب اطلاقا والعربية تقيلة جدا

هو ال90 بيعمل كدة في العربية ؟؟؟

وهل له تأثير سلبي بعد كدة على الرشاشات او الفلاتر
انا اول مرة احطلها 90 وومكنتش اعرف انه هيكون تقيل اوي كدة
عامتا اول واخر مرة، اهو الحبة دول يمشوني الفترة دي لحد ما الاقي 92

[kokowasfy]

عادى ايام وبنعشها وهنفضل نعشها و انتا تحمد ربنا انك لقيت 90 انا شفت النترا 2012 بتحط 80

[Terrible_DaRsH]

ده 80 مش 90 لان اصلا مفيش 90

[bmya]

بالظبط كده زي ما تريبل درش ماقالك ده اكيد 80 ومغشوش كمان اصلا 90 ده منقرض من زمان من قبل الازمه اصلا وهوة مش موجود بس اكيد لقالك راكب اوكتافيا فخاف يقولك 80 تقوله لاءه راح قال 90

[AhMeD MeTwAlY]

ياااااااااااااه حتي البنزين النضيف مبقاش موجود

[A.Roushdy]

عادى ايام وبنعشها وهنفضل نعشها و انتا تحمد ربنا انك لقيت 90 انا شفت النترا 2012 بتحط 80

ده 80 مش 90 لان اصلا مفيش 90

بالظبط كده زي ما تريبل درش ماقالك ده اكيد 80 ومغشوش كمان اصلا 90 ده منقرض من زمان من قبل الازمه اصلا وهوة مش موجود بس اكيد لقالك راكب اوكتافيا فخاف يقولك 80 تقوله لاءه راح قال 90

يا نهار اسود ومنيل
80؟؟؟؟
دة كل العربيات اللي كانت حوالية في البنزينة جديدة
وبعدين طيب اية العمل
اسيب التفويله تخلص ولا انزلها وادور على 92 ولا اية ؟؟

ال80 دة يبوظ حاجة في العربية ولا تقل سحب وبس ؟؟؟؟
حد يفيدني يا جماعة الله يكرمك
ولو الزفت 80 دة عمل حاجة الحق نفسي ازاي دلوقتى ؟

[bmya]

لا ياباشا ان شاء الله مش هيبوظ حاجه هو هيتقل معاك السحب بس عشان اختلاف الاوكتان لكن طالما مفيش لمبه نورت ولا حاجه يبقى مفيش حاجهوبعدين لما ربنا يفرجها ابقه وازمه البنزين دي تتفك ابقى غير فلتر البنزين وحوط منظف انجيشكن ودوره وقود بس برده في اقرب فرصه لو لقيت 92 حوط او 95 هيظبط معاك اكتر بعد ال 80 والله اليومين دول الواحد بيحوط اي حاجه تقابله وهو مش عارف هو بيحط ايه اصلا 80 ولا 92 ولا مايه حتى ربنا يسترها

[walaaeldeen]

السلام عليكم
رقم الأوكتان لا علاقه له بنظافة البنزين ولكن له علاقه بدرجة الأشتعال الذاتي للبنزين
لاداعي للقلق لكن خلي بالك لا تجعل السياره تسقف معاك ياريت تسرق في دواسة البنزين ولا تكبس لها
والله المستعان

[ahmad--ezzat]

هو فين ال 90 دة ؟؟؟؟؟

هو موجود اصلا

وبعدين الفرق بين ال 90 وال 92 ميعملش الاحساس الرهيب دة


دة اكيد بنزين 30 يافندم

الله يرحمك يا بلد

[طارق _عبد السلام]

الف الف مبروك على التفويله ربنا مايوقفلك على بنزينه تانى
الله يخرب بيت اللى كان السبب
على فكره لو 90 مش هتحس بالفرق ده بالعكس ده هيقعد معاك اكتر من 92 فى العربيه
انا كان معايا ايه فايف وكانت ساعات الظروف بتجبرنى انى احط 90 مكنتش بحس بفرق ملحوظ وسحب العربيه عادى وكان حرقه اقل من ال 92 كمان
المهم حمد لله على سلامتك ياراجل ده انت بطل فولت التنك
بالحق واحشنى شكل طلمبه البنزين اخبارها ايه حتى ولو وصلت له مابشوفهاش منكميه البشر والعربيات اللى راكبه فوقيها

[YHYAKOTB]

دة اكيد 80 ممكن حضرتك تحط اضافة بنزين الى بتزود الاوكتان هتلاقيها بلبنزينة