عازل الحراره بتاع الكبوت

[master-007]

السلام عليكم ورحمه الله وبركاته
ياجماعه عازل الحراره بتاع الكبوت مش موجود عندى وده بيخلى الكبوت يسخن جامد .. حد يعرف اشتريه منين وبكام شكرا

[أحمد جودة]

السلام عليكم ورحمه الله وبركاته
ياجماعه عازل الحراره بتاع الكبوت مش موجود عندى وده بيخلى الكبوت يسخن جامد .. حد يعرف اشتريه منين وبكام شكرا

أنا كمان عندي الكبود من غير عازل بس مش ملاحظ اى حاجة غريبة فى العربية

منتظر معاك ردود باقي الاعضاء على الاقل نعرف فيه مشكلة من عدك وجود العازل

[ahhazem]

انا اشتريته استيراد من حوالي شهرين
بس للامانه مش حاسس بفرق كبير
يمكن تحسن بسيط بنسبة ١٠ ٪ في الصوت والتكييف
وطبعا الميزه الاساسية المنظر بس انه غطى ظهر الكبوت اللي كان شكله مش حلو
آه انا اشتريته بحوالي ١٥٠ جنيه ولو فاصلت شويه كنت جبته ارخص لان كده كده هو مالوش استخدام عند التاجر وفلوس جاياله وخلاص فمكانش فارق معاه قوي يعني يبيعه بكام بس هو بيرميلك رقم وانت وشطارتك معاه

[samehabc1]

اقولك على حاجه فى عند محلات لاوازم السرجيه بتاع خامته عملها زى الشماسه اللى بنحطها على الزجاج الامامى لما نكون هنركن و نسيبها شويه ، ده على ما افتكر بيتاع بالمتر اشترى مثلا متر و نصف و خلى السروجى يظبتها على الكبوت
ده راى ممكن يكون صح او يكون غلط

[المنسي]

اشتريه استيراد افضل لانه بيعمل على عزل صوت الموتور والحرارة

[aw2100]

اللباد اللى فى الكبوت بيفرق جامد فى سخونية الكبوت وبتلاحظ الموضوع ده فى الشتاء اكتر عندى قبل ماركبة كنت باشوف الكبوت بيدخن مع الشتاء بيعمل بخار وكان صوت الموتور عالى بعد ماركبتة الموتور صوتة وطى اوى ومفيش اثر لسخونة الموتور على الكابوت!!

[tone]

لو مجبتوش متقلقش على الكبوت

[أحمد جودة]

طيب ياريت يا جماعة اللى عندو العازل بتاع الكبود ياريت يصورة من كذا زاوية لاني فكرت أعملة يدوي فجبت حتة لباد وهعملها للكبود بس كنت محتاج اشوف صور للعازل علشان اعمل العازل بشكل مناسب


وشكرا للتعاون

[طارق _عبد السلام]

السلام عليكم ورحمه الله وبركاته
ياجماعه عازل الحراره بتاع الكبوت مش موجود عندى وده بيخلى الكبوت يسخن جامد .. حد يعرف اشتريه منين وبكام شكرا

هو مش موجود فى فى الايه فايف ولا فى الفانتازيا متقلقش عادى جدا