مشكله فى كاسيت الاوكتافيا

[medhatr]

السلام عليكم

انا معايا عربيه اوكتافيا 2008
المشكله كل ما اجى ادخل اسطوانه الكاسيت يسحبها وبعدين يطلعها تانى
مع العلم الشاشه مديانى ان الكاسيت مافيهوش اسطوانات

[akmm]

جرب اسطوانه اصليه وشوف

[Moratoz]

حاول ترش منظف كاسيت من الداخل وهل الكاسيت أسطوانيه واحدة ولا اكثر

[medhatr]

جربت وبرده بيخرجها تانى

[medhatr]

الكاسيت 6 اسطوانات

[Moratoz]

شوف اختار خطها في الأسطوانه رقم ٢ مثلا

[طارق _عبد السلام]

اظن عندك مشكله حاجه زى التنضيف او حاجه ضاغطه على الاسطوانه نفسها ممكن الشريط الامامى فيه مشكله انصحك بعد تجربه المسار 2 زى ماقال لك الاستاذ عمرو والمشكله لا ذالت قائمه حد بتاع كاسيت كويس هينضفهولك بس وكله هيكون تمام

[medhatr]

متشكر جدااااااا على ردودكم وكل سنه وانتم طيبين رمضاااان كريم

[Moratoz]

متشكر جدااااااا على ردودكم وكل سنه وانتم طيبين رمضاااان كريم

الله اكرم
ومتنساس تقول لنا عملت ايه

[medhatr]

انا عملت كل حاجه زى ماقولتولى بس برضه لسه المشكله زى ماهيا
بس لاحظت ان الاسطوانه الى حطتها اتجرحت مع العلم انها جديده

[madridy1001]

بص كانت عندي نفس المشكله..وبردو الكاسيت كان بيقولي أن مفيييش أسطوانات..بص أنته لازم هتلاقي أسطوانات موجوده في جوه في مكان واحد..فأنته الاول أعمل أستخراج لكل الاسطوانات..هتلاحظ أن الكاسيت بيلف من جوه علي الفاضي ...وهتلاقي الاسطوانه فوقيها حوال تسحبها باي حاجه رفيعه لبره وهتلاقي تحتها الاسطوانه التانيه...خرجهم كلهم...وبعدين أول لما تتأكد ان سي دي روم الكاسيت للاماكن السته فاضين..دخل اسطوانه واحده واحده في كل مكان وأستني لما الكاسيت نفسه يطلب منك ده عشان ميبظي منك...وأن شاء الله يشتغل...يارب أكون ساعدتك

[medhatr]

اولا متشكر على رد حضرتك
الكاسيت مدينى no cdفى مكان ال6 اسطوانات يعنى المفروض مايكونش فيه اسطوانه ولا ممكن الكاسيت مش قادر يقراها عموما انا هعمل زى ماحضرتك قولت واشوف
ربنا ييسر

[hism]

ياريت ياباشا لو المشكله اتحلت تقولى عملت ايه عشان عندى نفس المشكله

[devilnet]

جرب تنسخ اسطوانات audio مش mp3

[hism]

جرب تنسخ اسطوانات audio مش mp3

هو مش بيلحق اصلا يقرا الاسطوانه ده بيسحبها ويطلعها تانى على طول