تعبت من كتر التدوير على الفنتازيا

[KABOKY_2010]

مش ملاحظ ان سعرها غالى شوية موديل 2011 وعاملة الكيلو متر دة وطالب 180

[medo2811]

38000 مش كيلو متر عالي نهائي
كمان العربية السبورت مش موجودة حاليا
و حالة العربية بتفرق جدا مش الموديل او الكيلو متر فقط

[KABOKY_2010]

ربنا يحسن لك سوقها وتبيعها ان شاء الله عشان تركب بقى مرسيدس ولا بى ام

[KABOKY_2010]

المشكله انها فى 2011 كانت 171 الف(الفئه الاولى) لكن موضوع الفانتازيا الجديده ده وارتفاع الدولار وزياده الطلب على العربيه اكثر ماهى مطلوبه اصبحت الاسعار بالمذاج
مش عارف انا رأيى تدور تانى وممكن بالسعر ده تركب 2010 هاى لاين فرق تانى خالص عن الفئه الاولى يعنى فتحه سقف وزينون اصلى ومرايات ضم وتعتيم ذاتى وكاسيت عريض وفرش جلد طبيعى وجنوط اسبورفابريكه واربعه ايرباج الحاجات دى كلها بفلوس كتير

مش لاقى يا استاذ طارق خالص هى العربية دى الناس بتخاف تبيعها ولا اية انا مبقتش فاهم وتلاقى عربيتين زى بعض فى كل حاجة بس دة طالب ازيد شوية مع انة العداد اعلى هى الناس بتتمن عربيتها على انهى اساس

[طارق _عبد السلام]

مش لاقى يا استاذ طارق خالص هى العربية دى الناس بتخاف تبيعها ولا اية انا مبقتش فاهم وتلاقى عربيتين زى بعض فى كل حاجة بس دة طالب ازيد شوية مع انة العداد اعلى هى الناس بتتمن عربيتها على انهى اساس

من ناحيه العداد متشغش بالك بيه كتير بيتلعب فيه ب100 جنيه والمهم حاله العربيه والعدادات السليمه غالبا بتكون من عربيه انت متابعها وعارف صاحبها والعربيه فعلا مالكيها متمسكين بيها لانها مكسب
انا تعرضت لظروف وواحد اغرانى جدا وكان عايز ياخد عربيتى وكل اصحابى ومنهم تاجرسيارت جارى

رجعنى تانى وقالى امسكك فيها فلوس اكتر لكن النصيحه هى انى ما ابيع لان الجديد نازل بفتيس لسه مانعرف هيودينا لفين بس هو ده السبب اللى مخلى الناس متمسكه بالعربيه بس ده ميمنعش ان فيه ناس كتير بتبيع فعلا وعربيات نضيفه بس الموضوع محتاج وقت بس لان المبلغ حاكمك بردوا
وان شاء الله تلاقى حاجه تعجبك وتريحك

[KABOKY_2010]

انا النهاردة اتفرجت على واحدة عاملة 52500 رمادى اول فئة وكيل استعمال نضيف جدا جدا مفيهاش خربوش واحدة والصيانات فى المواعيد وشوفت الفواتير وقالى تروح تكشف عليها فى اى وقت وطالب فيها 165000 ومش عايز ينزل اى حاجة خاااااااااالص اية راي حضرتك فيها دى

[طارق _عبد السلام]

الموديل سنه كام

واعمل حسابك هى فاضل لها 7500 كيلو على صيانه ال60 الف دى تعمل حسابك عليها

[KABOKY_2010]

موديل 2011 والاستنب ملمسش الارض خالص وفرش الصالون نضيف جدا جدا بصراحة
حوار ال 60000 هجهز 4000 بواكى عارفهم البركة فى حضرتك واعضاء المنتدى بقى علمنى ومازل بيعلمنى

[طارق _عبد السلام]

صلى استخاره وتوكل على الله

[KABOKY_2010]

سعرها كويس يعنى يا استاذ طارق اصل فى واحد قالى ان هو شاريها ب 173 عايز يخسر فيها بس 8 الاف بيقولى تخلص على 160 انا قولت استفسر من حضرتك بردوة وتقولى المفيد عموما الراجل قالى كلمنى يوم الاربعاء بعد الفطار وكدة عشان فى واحد متكلم عليها لو خلص يبقى خلاص مخلصش يبقى بتاعتى بقى

[KABOKY_2010]

بس انا كنت عايز اجيب جنط 16 زى الى فى الفئة التانية هيفرق اية عن ال 15 بقى وتكلفتة بالكاوتش بكل حاجة تبقى عاملة ازاى

[طارق _عبد السلام]

سعرها كويس يعنى يا استاذ طارق اصل فى واحد قالى ان هو شاريها ب 173 عايز يخسر فيها بس 8 الاف بيقولى تخلص على 160 انا قولت استفسر من حضرتك بردوة وتقولى المفيد عموما الراجل قالى كلمنى يوم الاربعاء بعد الفطار وكدة عشان فى واحد متكلم عليها لو خلص يبقى خلاص مخلصش يبقى بتاعتى بقى

مهو انا عارف ان كان سعرهاجديد كده
بس السوق والعرض والطلب اللى خلا الهاى لاين توصل 260 الف من شهرين والاسبورت 210 يخلى الاسعار تبقى كده

انا كان كلامى فى الاول انك عايز تركب هاى لاين ولو تعرف توفر مبلغ زايد فوق الموجود معاك ممكن تركب هاى لاين بالفروقات اللى انا قلتلك عليهاوبدل ماتصرف جنوط وزينون العربيه تيجى على اصلها احسن لكن لو العربيه سليمه ومش متهانه الخمسه اللى انت بتتكلم عليهم واللى صاحبها مش هيرضى ينزلهم لانه عارف السوق هتصرفهم مشاوير وفرجه على عربيات تانيه هى طبعا عاليه بس السوق مسمع فى الاسعار

[طارق _عبد السلام]

بس انا كنت عايز اجيب جنط 16 زى الى فى الفئة التانية هيفرق اية عن ال 15 بقى وتكلفتة بالكاوتش بكل حاجة تبقى عاملة ازاى

الكاوتش تقريبا 3000
غير الجنوط انت وشطارتك فى الشراء لو هتجيبهم استيراديعنى الموضوع يدخل فى 8000 تقريبا

[KABOKY_2010]

يالهوى دة انا كنت فاكر الجنط ال 16 بالكاوتش يعملوا 6الاف بس

[KABOKY_2010]

طب والجنط ال 15 يفرق اية عن 16 الى متركب فى الفئة التانية