العربية شرقانة

[islamagdi]

سلام عليكم
كل سنة وانتم طيبين ورمضان كريم
العربية مش راضية تدور .. فتحت غطا العمة لقيت الكربرتير فيه بنزين كثير
ومن كتر ما جربت ادورها البطارية قربت تنام
ايه الحل؟؟

[aw2100]

اعتقد ان المشط الألكترونى قطع عندك والله اعلم !!!

[islamagdi]

طيب اعرف ازاي انه من المشط
وبعدين الاسبراتير بيخرج كهربا

[sakr_skoda]

تجنب الضغط على دواسة البنزين عند بدء الدوارة....

اما بالنسبة للمشكلة فليس هناك اى مشكلة عندما يحدث معك مثل هذا الموقف فلا تحاول ادارة المحرك واترك السيارة حوالى 10 دقائق ثم حاول تشغيل المحرك سيعمل باذن الله ....

[islamagdi]

انا كده بقالي ساعة تقريبا
هجرب كده واقولكم

[sakr_skoda]

انا كده بقالي ساعة تقريبا
هجرب كده واقولكم

انشاء يكون خير بس تجنب الضغط على دواسة البنزين....

[Land_Cruiser]

أستني عليها لحد ما البنزين الزياده يتبخر و بعد كده ان شاء الله هتدور عادي و ده هتعرفه لما تلاقي ريحه البنزين خفت. اهم حاجه بس لما تيجي تجرب تدورها ما تضغطش علي الدواسه بتاعه البنزين

[islamagdi]

انا جربت دلوقتي ومظغطتش على دواسة البنزين
ما بتدورش فكيت البوجيهات وبدلتها
وجربت برده ما بتدورش
بس اللي ملاحظه بعد ما جيت ادور بصيت ع الكربراتير لقيت فيه بنزين كتير من غير ما داوس على البنزين

[المنسي]

اصبر عليها شوية وخد بالك ان ممكن تكون البطارية نامت وساعتها هتحتاج توصيلة

[Land_Cruiser]

انا جربت دلوقتي ومظغطتش على دواسة البنزين
ما بتدورش فكيت البوجيهات وبدلتها
وجربت برده ما بتدورش
بس اللي ملاحظه بعد ما جيت ادور بصيت ع الكربراتير لقيت فيه بنزين كتير من غير ما داوس على البنزين

لو بتعتل ممكن تجرب تدورها زق من غير ما تدوس بنزين و بعد كده حضرتك ممكن تبقي تكشف علي الكاربيراتير

[islamagdi]

هي فعلا البطارية قربت تنام
لما بدور المارش صوته بقى واطي وتحس انه بيقطع كده
لعله خير

[islamagdi]

جربت ادورها زق واحد صاحبي هو اللي كان راكب المهم مادرتش بعد ما زقيته فتحت الكبوت لقيت الكربرتير عايم بنزين هو كان بيحاول على الثاني كده صح ؟؟ وبعدين هي العربية شرقانة يعني ايه والبنزين ده كله ليه

[Land_Cruiser]

جربت ادورها زق واحد صاحبي هو اللي كان راكب المهم مادرتش بعد ما زقيته فتحت الكبوت لقيت الكربرتير عايم بنزين هو كان بيحاول على الثاني كده صح ؟؟ وبعدين هي العربية شرقانة يعني ايه والبنزين ده كله ليه

سيبها لبكره الضهر علشان يبقي الجو بقي حر و جرب تاني و عامه كده الكاربيراتير محتاج يتكشف عليه احتمال يكون في مشكله في البوابه و الاكس بتوعه و ده اللي بيعمل الاعراض دي و المشكله دي بتبان لو في مشكله في الكاربيراتير و حضرتك راكن العربيه في شارع مائل يعني طالع لفوق او نازل لتحت مع وجود مشكله في البوابه او الاكس بتدخل بنزين كتير علي الكاربيراتير و من الاعراض كمان انك تلاقي العربيه عامه و انت ماشي بيها بتاكل بنزين و سحبها ضعيف

[islamagdi]

سلام عليكم
جبت ميكانيكي دلوقتي فك الكربرتير لقى العوامة مليانة بنزين
فضاها ولحمها ودارت تمام
فعلا العربية كان سحبها ضعيف بقاله فترة
انا ناوي ان شاء الله اوديها لواحد بتاع كربرتير يظبط الكربرتير

جزاكم الله خيرا

[islamagdi]

سلام عليكم
على فكرة يا جماعة الميكانيكي اللي انا بصلح عنده بيقولي العربية دي مبتشرقش
بس انا هقولكم ايه اللي حصل
العوامة اللي ف الكربرتير اتملت بنزين ف بقت البوابة مفتوحة والبنزين بيخرج كتير ف العربية تبطل
وانا على فكرة ف الشغل جبت ميكانيكي الصبح وفضى العوامة و لحم العوامة بس اتملت تاني وعملت نفس القصة
انا دلوقتي فكيت الكربرتير كله تاني و مستني واحد صاحبي يجيبلي امير عشان العوامة واركبه تاني
ادعولي بالتوفيق

حزاكم الله خيرا