حركة رخيصة جداً من الوكيل

[engherc]

روحت التوكيل اتفرج على الرابيد ،فتحت الكبوت لقيت الموتور من غير الغطا الفيبر ، فقولتلوا انتوا بتوفروا بزيادة في العربية ديه ، لقيتو بيقولي أن الفانتازيا كمان بتنزل كده ، مصدقتوش خليتو يفتحلي واحده ال tsi لقيتها برضو من غير الغطا الفيبر.... قولتلوا بس المفروض هيا نازلة بيه بره أنا شوفتو في كل الصور قلي هو موجود و ممكن نركبوا ب ٣٥٠ ج !!!!! يعني ال tsi شكل قديم و غالية و DSG و كمان مستخسر غطا الموتور ب٣٥٠ من ٢١٠ الف

[amrelsaqqa]

طيب كويس انه ما قاللكش ب3000 جنيه ولا حاجة

[Land_Cruiser]

في توكيلات كتير بتعمل حركات من دي وخد عندك امثله واقعيه : تلاقيها شايله الكاسيت بتاع الفابريكه و مركبه واحد تاني تعبان مكانه او شايلين العازل الفيبر بتاع الشنطه او مركبين كاوتش نوع رديء او حتي العربيه نازله بجنوط انما الاستبن عجله عاديه بطاسه مش جنط و احيانا لو مش عارفين يشيلوا الاوبشن بيلغوه زي لمض في التابلوه خاصه بكومبيوتر العربيه او الاضاءه في السبويلر و بياخدوا الدواسات اللي بتبقي جايه مع العربيه اصلا . كل الكلام ده لو بصيت لثمنه مقارنه لسعر العربيه هتلاقيه و لا حاجه انما بيضايق المشتري و بيحسسه ان الوكيل مستخسر فيه يركب حاجه كويسه مع العلم انه دافع فيها اكتر من تمنها بكتير مقارنه بالخارج و علي الجهه الأخري قدامه العربيات اللي مش جايه عن طريق الوكيل اللي بيسموها الخليجي مليانه حاجات زياده و مواصفاتها اعلي من بتاعه الوكيل انما معهاش ضمان فيبيقي الكماليات الزياده و السعر القليل قدام الضمان و شويه الحاجات اللي الوكيل بيخلعها من عربياته و ده اللي بيدخل اي مشتري في حيره يجي وكيل و لا خليجي و يعتبر نوع من الاحتكار من ناحيه الوكيل و خاصه بانه بيبيع الحاجات اللي بيخلعها دي من العربيات بعد كده باعتبارها كماليات يعني مش اتسرقت من عربيه و لا اتنين لأ ده هو اللي بيفكها و ده شكله تقليد فرعوني قديم يرسخ مبدأ انه مش شرط علشان دفعت شويه فلوس انك تاخد اللي انت عايزه

[engherc]

يا جماعة أنا معاكوا بس أنا بتكلم عن حاجة أن سعرها مقارنة ب السعر المبالغ فيه اصلاً للعربية لا شيئ و معتقدش حتى أن في ناس كتير هتاخد بالها منها و لو اخدت بالها اشك أنهم يطلبوها

[Land_Cruiser]

يا جماعة أنا معاكوا بس أنا بتكلم عن حاجة أن سعرها مقارنة ب السعر المبالغ فيه اصلاً للعربية لا شيئ و معتقدش حتى أن في ناس كتير هتاخد بالها منها و لو اخدت بالها اشك أنهم يطلبوها

و ليه يحطهولك ببلاش لما ينفع انه يدفعك ثمنه؟ و ابسط من كده حتي ايه اللي وصل سعر العربيه للرقم ده ؟؟ ببساطه بسبب عدم وعي المستهلك بحقوقه و غياب الرقابه يعني مثلا لو اكتر من حد عمل زي حضرتك كده و ما اشتراش علشان حاجه بسيطه زي دي الوكيل هيحطها غصب عنه و لو الناس بطلت تشتري علشان الاوفر برايس التجار هيبطلوا يبيعوا بيه .. هو هو نفس المنطق

[reda elgohary]

خد من ده كتير ،، وفيه مواضيع كتير بتتكلم عن الموضوع ده .
وربنا يهدي .
تفكير عقيم وغريب جدا .

[EngAhmedSayed]

لا حول ولا قوة الا بالله العلي العظيم
سياسة بيع فاشلة
انا اشكرك انى خليتنى اخد بالى من الموضوع ده
و هتناقش فيها ان شاء الله فى التقرير القادم
و بشكرك كمان انى حضرتك بتقول المعلومة سواء حلوة او وحشة فى حق الوكيل
لكى يعلمون الناس جميعا
و لعلى و عسى ان سياسة الوكيل تتغير للافضل من هذا المكان المتميز قسم سكودا
صدقنى حاجة تزعل
ربك المستعان

[monamize4]

و ليه يحطهولك ببلاش لما ينفع انه يدفعك ثمنه؟ و ابسط من كده حتي ايه اللي وصل سعر العربيه للرقم ده ؟؟ ببساطه بسبب عدم وعي المستهلك بحقوقه و غياب الرقابه يعني مثلا لو اكتر من حد عمل زي حضرتك كده و ما اشتراش علشان حاجه بسيطه زي دي الوكيل هيحطها غصب عنه و لو الناس بطلت تشتري علشان الاوفر برايس التجار هيبطلوا يبيعوا بيه .. هو هو نفس المنطق

للاسف معندناش ثقافة الضغط على التوكيل و بنساعد التوكيلات انها تتمادى ف استهتارها
و معظم الناس بتشجع التوكيلات على كدة ,, و اكبر دليل هو المهزلة اللى اسمها الاوفر برايس

و ان جيت للحق ,,
صعب انك تقول لحد متشتريش بالاوفر برايس لانك لو اقنعت واحد مش هتقنع الباقى و هتغلى العربية تانى و اللى مرضيش يشترى بالاوفر برايس عشان يستلم فورى هيضطر انه يشترى بالسعر الجديد اللى بيساوى سعر العربية زائد الاوفر برايس و هيضطر يستنى كمان كام شهر او يشترى بالاوفر برايس الجديد و هكذا ,,,,,,,,,,,,,, لان الامتناع عن الشراء لازم يكون مؤثر عشان يستجيب التوكيل لكن واحد او اتنين مش هيعملوا حاجة


و الحل ان الثقافة دى تتغير و ان الناس يصدقوا ان ليهم صوت قوى لو اجتمعوا مع بعض و الكلام دا محتاج ثقافة محترمة و فطرة سليمة تخلى المشترى من نفسه يبص للكلام دا على انه سرقة و ميرضاش يشارك فيه

و عايز اقولك ان الاجيال الحالية مفيش منها امل سواء كبار السن او الشباب ,, دا حتى اطفال الايام دى تشوف تصرفاتهم تعرف انهم كمان مفيش منهم امل

[المنسي]

مش التوكيل بس اللى بيعمل كده للاسف لانها فى الاول والاخر ثقافة شعب يعني لو الناس اجتمعت على انها تقاطع منتجمعين ايه اللى هيحصل ماهو هيفضل متوافر ومش لاقى حد يشتريه فعلشان كده بقولك ان معظمنا شعب استهلاكى ميقدرش يستغنى عن حاجة وبيبقى عارف انه مضحوك عليه انا اسف بس دى حقيقة