عايز اظبط التكييف

[forti]

كنت عايز اغير فلتر التكييف و اشوف لو فى حاجه تانيه عايزة تتظبط ولا كده بس معرفش حد معين
اييه اروح لمين بقى .. و لو حد يعرف حد تانى فى المعادى غير احمد زاهر للصيانة

[el diesel]

لو من شبرا كنت قلتلك مركز محمد جابر لكن المعادى الصراحة ما اعرفش

[abou-yahia]

فيه في المعادي اتنين

واحد في شارع فلسطين وزده عن تجربه امين وشاطر ولسه كابس وشاحن عنده من كام يوم

والاخر وكيل ساندن في شارع النصر

[roland_yamaha]

ابعد عن ساندن غالين ع الفاضي وبيشحن فريون ب 200 جنيه
في واحد كويس اسمه أحمد حنفي عند ميدان سوارس مدرسة مصطفي كامل وده رقمه01065020100
وكل الناس شكرت فيه أوي وأمين

[Lifz_Good]

متابع للإفادة

[Magoda]

اهم حاجة لازم تعملها تخليه يتأكد فى تسريب ولا لأ

[forti]

فيه في المعادي اتنين

واحد في شارع فلسطين وزده عن تجربه امين وشاطر ولسه كابس وشاحن عنده من كام يوم

والاخر وكيل ساندن في شارع النصر

فين بالظبط الراجل ده او اسمه او رقمة عشان انا نازل دلوقتى

[Moratoz]

الويشي خلف صقر قربش بعد البحث الجنائي

[forti]

انا روحت عند واحد فى شارع فلسطين تقريبا هو ده الى قصده عليه ابو يحيى .. اسمه محمد سعيد لبراجل ما شاء الله شغال و واقفه عنده عربيات محترمة جيتا و بى ام المهم غيرلى فلتر التكييف كان زفت الصراحة و حط فيه معطر .. نضف السربنتينة بالخرطوم .. شيك على الفريون لقاه ناقص سيكا قالى تحب تزود فريون ولا ايه النظام مريحك كده .. التكييف كان فاق الصراحة و بابا كان قاعد جوه ( متكيف ) قالى تزويد الفريون 80 جنيه او لو مريحك كده تمام لحد ما احس انه ضعف .. المهم قلنا لا كده تمام .. راجل بقى طول الطريق اوتوستوراد مشغل التكييف على 2 احساس الرفاهية فعلا الحمد لله

[forti]

بالنسبة للميكانيكا بقى روحت لاحمد زاهر غيرلى فلتر بنزين كان زفت الصراحة و مكانه فى نصف العربية تقريبا على الجنب اليمين من تحت .. كان فى تنتيشة بقى فى العربية بتحصل و انا سايق على ار بى ام قليل خصوصا فى التانى و العربية كان سحبها رخم على السرعات العالية المهم طلعت مشكلة سلوك بوجيهات غيرلى سلكين باتنين مستعملين ب 120 جنيه ! و حط العربية على الجهاز مقرتش اعطال الحمد لله .. خد مصنعية 50 جنيه .. بعدين و انا ماشى قومت معدى على كاسترول المعادى و حطيت كاسترول ماجنيتك 4 كيلو ب 240 و كيلو ب 68 .. و غيرت فلتر زيت ب 50 جنيه .. صوت الموتور حاسس بقى اهدى الحمد لله .. و عديت على واحد بتاع قطع غيار جبت منه فلتر هوا قعد يقولى اصلى و كده ب 120 لقيت الفلتر مكتوب عليه فولكس و بتاع و شكله نضيف قولت لسه هروح للهاشمية خدته و ركبته بالمرة .. و نسيت اقول مصنعية التكييف خد 80 جنيه بس تمن الفلتر

[khmt1970]

لو من شبرا كنت قلتلك مركز محمد جابر لكن المعادى الصراحة ما اعرفش

فين فى شبرا مركز محمد جابر الى حضرتك اشرت عليه

[المنسي]

مبروك الصيانة يادرش

[forti]

تسلم يا منسى

[abou-yahia]

انا روحت عند واحد فى شارع فلسطين تقريبا هو ده الى قصده عليه ابو يحيى .. اسمه محمد سعيد لبراجل ما شاء الله شغال و واقفه عنده عربيات محترمة جيتا و بى ام المهم غيرلى فلتر التكييف كان زفت الصراحة و حط فيه معطر .. نضف السربنتينة بالخرطوم .. شيك على الفريون لقاه ناقص سيكا قالى تحب تزود فريون ولا ايه النظام مريحك كده .. التكييف كان فاق الصراحة و بابا كان قاعد جوه ( متكيف ) قالى تزويد الفريون 80 جنيه او لو مريحك كده تمام لحد ما احس انه ضعف .. المهم قلنا لا كده تمام .. راجل بقى طول الطريق اوتوستوراد مشغل التكييف على 2 احساس الرفاهية فعلا الحمد لله

ده فعلا اللي انا قصدي عليه

ناس محترمه جدا مبارك عليك

Sent from my GT-P5100 using Forum Runner

[abou-yahia]

بالنسبة للميكانيكا بقى روحت لاحمد زاهر غيرلى فلتر بنزين كان زفت الصراحة و مكانه فى نصف العربية تقريبا على الجنب اليمين من تحت .. كان فى تنتيشة بقى فى العربية بتحصل و انا سايق على ار بى ام قليل خصوصا فى التانى و العربية كان سحبها رخم على السرعات العالية المهم طلعت مشكلة سلوك بوجيهات غيرلى سلكين باتنين مستعملين ب 120 جنيه ! و حط العربية على الجهاز مقرتش اعطال الحمد لله .. خد مصنعية 50 جنيه .. بعدين و انا ماشى قومت معدى على كاسترول المعادى و حطيت كاسترول ماجنيتك 4 كيلو ب 240 و كيلو ب 68 .. و غيرت فلتر زيت ب 50 جنيه .. صوت الموتور حاسس بقى اهدى الحمد لله .. و عديت على واحد بتاع قطع غيار جبت منه فلتر هوا قعد يقولى اصلى و كده ب 120 لقيت الفلتر مكتوب عليه فولكس و بتاع و شكله نضيف قولت لسه هروح للهاشمية خدته و ركبته بالمرة .. و نسيت اقول مصنعية التكييف خد 80 جنيه بس تمن الفلتر

كويس انك نبهتني لموضوع فلتر البنزين

شكرا

Sent from my GT-P5100 using Forum Runner