الموتور بياكل زيت

[bikabiko2020]

يا جماعه انا عايز اسأل .. انا معايا اوكتافيا 1998 منوال والموتور بياكل زيت يعني مثلا كل اسبوع اسبوعين تلاته ممكن الاقيه ناقص كيلو أو كيلو إلا ربع زيت تقريبا .. فهل معنى كدا أن الموتور باظ خلاص ولا ايه الموضوع والحل ايه يا جماعه لو سمحتو .. ولو الموتور عايز يتصلح اروح عند مين انا من حدائق القبه

[المنسي]

يا جماعه انا عايز اسأل .. انا معايا اوكتافيا 1998 منوال والموتور بياكل زيت يعني مثلا كل اسبوع اسبوعين تلاته ممكن الاقيه ناقص كيلو أو كيلو إلا ربع زيت تقريبا .. فهل معنى كدا أن الموتور باظ خلاص ولا ايه الموضوع والحل ايه يا جماعه لو سمحتو .. ولو الموتور عايز يتصلح اروح عند مين انا من حدائق القبه

لو الموتور لما تكبس بنزين جامد ويطلع من الشكمان دخان ابيض يبقى الموتور فى الحالة دى محتاج عمرة او تغييره باخر استيراد ممكن تروح لمركز فى جسر السويس هحاول اجيبلك عنوانه واسمه بالظبط هو بيشتغل فى الاوكتافيا وهو اللى هيقولك بالظبط ايه اللى هيتعمل

[bikabiko2020]

لو الموتور لما تكبس بنزين جامد ويطلع من الشكمان دخان ابيض يبقى الموتور فى الحالة دى محتاج عمرة او تغييره باخر استيراد ممكن تروح لمركز فى جسر السويس هحاول اجيبلك عنوانه واسمه بالظبط هو بيشتغل فى الاوكتافيا وهو اللى هيقولك بالظبط ايه اللى هيتعمل

اولا متشكر جدا لإهتمامك استاذ منسي

وبعدين هو الموتور مش بيطلع دخان أبيض هو بس بياكل زيت وفي واحد شافه بس مش بتاع اسكودا وقاللي ده عايز طقم شنبر بس غالبا هو مش بيفهم في العربيات دي .. فأنا بصراحه محتاج ميكانيكي بيفهم اودي عنده العربيه يشوف فيها أيه سواء موتور أو غيره ويعمله

[mahmoudfawzypr]

اول حاجة بص على جوان التاكيهات هل بيجيب زيت ولا لا ...لو سليم ...شوف هل كرتيرة الزيت بتاعت الموتور بتجيب زيت ولا لا وممكن تتاكد بانك تجيب كرتونة وتسيبها تحت العربية لمدة يوم وتشوف هل حيبقى عليها اثار زيت ولا لا .....تالت حاحة انت بتستخدم زيت ايه والموتور عامل كام كيلو.....ورابع حاجة الموتور ال sr بياكل زيت على ال rpm العالي بس مش بالكمية دي ...بص على اول حاجتين وبنسبة كبيرة حتلاقي واحد فيهم هو السبب

[طارق _عبد السلام]

البوجيهات عليها زيت ولا لا

رجع ماقاله لك الاستاذ محمود وشوف كده البوجيهات عليها زيت ولا لا
لان ممكن يكون عندك تسريب وممكن فعلا تكون محتاج شمبر

[mo3tazanas]

الاجابة
طقم شنبر ...............روح لــ احمد زاهر فى المعادى .....محترف بس غالى شوية

[benmatar]

بصفة عامة وسريعة اعمل كشف بالنظر المتأني على الموتور نفسه إن كان فيه أي تسريب أو ترشيح من جوان أو كرتيرة أو غيره، تاني حاجة... هو حضرتك ملاحظ أي حاجة في أداء العربية؟ الدخان أخباره إيه؟
لو الموضوع في بدايات تفويت ممكن تجرب زيت ليكوي مولي (مولي ماكس 15w50) الزيت لونه غريب شويه وبيعالج أي تسليخ في الموتور أو مشاكل في الأجزاء الداخلية.... متجرب، كويس ومش بطال