هشكف تانى على عربية تانية ..أكشف فين بقى

[KABOKY_2010]

يا جماعة انا شوفت عربية تانية موديل 2010 الفئة الاسبورت لونها اسود عداد 36200 فيها بعض الخرابيش ولمبة محروقة الى هى صغير دى اصغر لمبة بس وكل حاجة تمام ومتهيالى بس مش متاكد ان نور الكاسيت ضعيف ومش عارف لية انا دلوقتى مش عايز اتلدع فى كشف التوكيل تانى ب 500 اروح فين كلمت احمد زاهر قالى ب 300 بس مش هيكشف على الدهان متعرفوش فين الاماكن التانية الى ممكن اكشف فيها بس تكون كويسة جدا جدا دة الاهم وميكونش بعدي قريب من الدقى المهندسين الاماكن دى عشان صاحب العربية مش عايز يتسحل معايا مشوار بعيد للكشف

معلش بتعبكم معايا كتير

[KABOKY_2010]

شكلى كدة هكشف فى التوكيل تانى

[zangry]

هقولك نصيحة .. تدفع 500 جنيه وتطمن على العربية لان لقدر الله لو فيها مشكلة هتدفع اضعاف الـ500 جنيه دول تصليح

[forti]

اشكف فى التوكيل بقى و ما دام احمد زاهر ب 300 يبقى مش فارقة كتير

[KABOKY_2010]

مهو الاقصى الى كان ب 500 وحسيت انهم كروتونى اوى اوى وانا شكلى كدة هروح بتاع العجوزة عشان جمب الراجل صاحب العربية بس هناك ب 620 دى كدة لتانى مرة بروح ادفع يالهووى يارب تيجى بفايدة

[ahmedhilmy]

ان شاء الله تكون بفايده و نباركلك قريب

[el diesel]

https://www.facebook.com/ef7as
300 جنيه -19728
يقوم المركز بالإختبارات التالية للسيارة:
1) فحص الأجزاء الداخلية للمحرك من خلال تحليل الزيت و معرفة معدل التآكل فى المعادن الداخلية و خصائص الزيت المؤثرة على اداء المحرك
2) فحص كفائة الكبس الخاصة بالمحرك
3) فحص و تصوير الأجزاء الداخلية للموتور بدون فك او تركيب
4) فحص كفائة الفتيس من خلال تحليل الزيت
5) فحص كفائة زيت الفرامل
6) فحص كفائة مياه التبريد
7) فحص الكمبيوتر الخاص بالسيارة و تسجيل اى اعطال
8) فحص كفاءة البطارية و الدينامو
9) فحص كفاءة و عمر الكاوتش
10) فحص الدهان الخارجى و الداخلى للسيارة
11) فحص عام لكل اجزاء السيارة الداخلية و الخارجية من خلال مهندسين متخصصين

[KABOKY_2010]

اللينك مش شغال اكتبة صح تانى معلش

[KABOKY_2010]

دة فى مدينة نصر والدنيا هناك دلوقتى مقلوبة على اخرها

[KABOKY_2010]

ياجماعة انا سالت فى التوكيل عشان اكشف قالولى يوم السبت وكدة مدة طويلة اوى محدش يعر مركز محترم قريب من المهندسين او الدقى انا سالت احمد زاهر ب300 ومن غير دهان وورشة عادية دلونى

[Moratoz]

ياجماعة انا سالت فى التوكيل عشان اكشف قالولى يوم السبت وكدة مدة طويلة اوى محدش يعر مركز محترم قريب من المهندسين او الدقى انا سالت احمد زاهر ب300 ومن غير دهان وورشة عادية دلونى

احمد زاهر راجل محترم وفاهم وكلمه وشوف لو ينفع يشوف لك بتاع بويه او سمكري يبص عنده علي الدهان هيكون حل كويس

[KABOKY_2010]

300 جنية عند ورشة حرام بصراحة انا ادفع زيهم فى التوكيل واجيب تاريخ العربية كلة

[Moratoz]

لو ينفع جسر السويس عند مركز مهندس هاني ومركز محمد سمير

[KABOKY_2010]

متعرفش بكام الكشف هناك

[Moratoz]

مكن 200 الي 250 جنيه ج الرقم دا علي الساعه 1 الظهر كدا 01222354589 مختار شغال في مركز محمد سمير بالنزهه الجديدة امام المطار ممكن تسأله الكشف بكام والحاجات ئل بيعملوها والمواعيد بس بصراحه مش عارف الرقم اتغير ولا لأ