مقبل على شراء اوكتافيا a5 2006

[ahmedhassan92]

قررت اشترى اوكتافيا a5 2006
المطلوب 95000 جنيه
كنت عايز اعرف ايه مشاكل الموديل دا و ايه عيوبه
هى اوتوماتيك 6 سرعات فابريكة بالكامل ماعدا رفرفين ماشية 76000 كيلومتر و صيانة فى التوكيل لغاية دلوقتى و طبعا فيها الاساسيات اللى هى(abs-ebd-asr -epc..............) بس مافيش لا جنوط ولا طاره مالتى و لا فتحة سقف
و فيها dvd-navigator سكودا الاوريجينال و فيها شاشات عرض سيمفونى فى مساند الرأس و 2 كاميرا امامى و خلفى
و بردو يا ريت النصيحة فى السعر و ان شاء الله لو فيه نصيب هاكشف عليها فى التوكيل اركز على ايه فى الكشف
شكرا لكم و اسف للاطالة

[A.Roushdy]

نصيحة لوجة الله ابعد عن موديلات 5 و6 و7، انا لسة بايع ال2005 برخص التراب علشان الزفت الفتيس
الفتيس بتاعها بيجيلها بادي بلف
ولو كشفت عليها ولقيته ابعد عنها، ولو مفيهاش هيجيلها في المستقبل لان دة عيب تصنيع في الموديلات دي
ودة تمنه 10 الاف جنية
وبعد لما بتغيره برضو الفتيس مش بيعيش معاك، اخرة سنة سنة ونص وتجيب فتيس جديد خالص، والفتيس فيها ب35 الف جديد
كمان 95 كتير اوي عليها
حاول تنزل معاة دي الفئة الاولي منها مش الهاي لين يعني
88 كويس عليها
وكنصيحة زي ما قولتلك اجري منها بالمشوار وحاول تجيب فئة اعلي من الـ 2007
فتيسها مقرف وممكن يجيلها البادي بلف دة في اي وقت ومن غير ما تعمل حاجة غلط
ومعظم الصناعية بيقولو بيجيلها بعد 100.000 كيلو او 130 لو انت حنين في سواقتك

[ahmedhassan92]

نصيحة لوجة الله ابعد عن موديلات 5 و6 و7، انا لسة بايع ال2005 برخص التراب علشان الزفت الفتيس
الفتيس بتاعها بيجيلها بادي بلف
ولو كشفت عليها ولقيته ابعد عنها، ولو مفيهاش هيجيلها في المستقبل لان دة عيب تصنيع في الموديلات دي
ودة تمنه 10 الاف جنية
وبعد لما بتغيره برضو الفتيس مش بيعيش معاك، اخرة سنة سنة ونص وتجيب فتيس جديد خالص، والفتيس فيها ب35 الف جديد
كمان 95 كتير اوي عليها
حاول تنزل معاة دي الفئة الاولي منها مش الهاي لين يعني
88 كويس عليها
وكنصيحة زي ما قولتلك اجري منها بالمشوار وحاول تجيب فئة اعلي من الـ 2007
فتيسها مقرف وممكن يجيلها البادي بلف دة في اي وقت ومن غير ما تعمل حاجة غلط
ومعظم الصناعية بيقولو بيجيلها بعد 100.000 كيلو او 130 لو انت حنين في سواقتك

يعنى ابعد عن 2005 و 2006 و 2007 عشان مشاكل الفتييس بس اللى انا سمعته ان مشكلة الفتيس دا بتبقى من عدم تغيير زيت الفتيس فى ميعاده ولا ايه رأى حضرتك؟؟؟؟
و عموما ربنا يخليك يا باشا انت انقذتنى بنصيحتك

[A.Roushdy]

يعنى ابعد عن 2005 و 2006 و 2007 عشان مشاكل الفتييس بس اللى انا سمعته ان مشكلة الفتيس دا بتبقى من عدم تغيير زيت الفتيس فى ميعاده ولا ايه رأى حضرتك؟؟؟؟
و عموما ربنا يخليك يا باشا انت انقذتنى بنصيحتك

ما هي دي الفكرة
لو انت ضامن ان صاحب العربية الاولاني غير زيت الفتيس قبل 60 الف كيلو انت كدة تمام
طيب ولنفترض مغيرهوش!!
او غيره بزيت تاني غير اللي في التوكيل (زيت الفتيس اسمه زيت كهربا او الزيت الابيض ب150 جنية اللتر)
او غيره بعد مثلا على ال70 وقالك انا مغيره قبل ال 60

دلوقتى مبقاش فيه حد عنده ضمير
ممكن يريح دماغه ويقولك انا مغيره على ال40 وهو مغيرش حاجة
تبص تلاقي العربية مشت معاك شهر اتنين تلاتة وهوب جالها بادي بلف
وهو وقتها هيقلك سوء استخدام منك او انت بوظت العربية

فأضمن حاجة انك تطلب منه ورقة من التوكيل بتاريخ صيانه زيت الفتيس، بيكون مكتوب فيها عدد كيلوات العربية وقتها
لو قلك انا مغيره برة التوكيل قله معرفكش

المشكلة مشكلة انعدام الضمير عند الناس والتجار ليس الا
لو ضامن اللي هيبعلك العربية انه معرفة وراجل محترم وكلامه ثقة خلاص توكل على الله العربية جميلة
لو متعرفوش او هو تاجر خد منه ورق صيانة العربية في التوكيل واهم حاجة تاريخ تغيير الزيت
لو مفيش دة او دة ابعد عن المشاكل افضل ودور على حاجة تانية احسن
برضو مبلغ 95 الف مش هين علشان الواحد يدفعه وميكونش متأكد هو هيدفعه فين وليه

واانا في الخدمة دايما لو عندك اي استفسار بخصوص العربية

[ahmedhassan92]

احمد باشا ربنا يخليك و بجد لولا النصائح دى كان ممكن اشترى قبل ما اتاكد من المعلومات المهمة دى
هعمل اللى حضرتك قولت عليه و معلش ارجو ان حضرتك تتابع الموضوع لغاية ما اشترى ان شاء الله و شكرا ليك

[Moratoz]

المشكله هي عدم تغير الزيت في موعده فلازم تتأكد من صلاحيه الفتيس قبل الشراء مع الكشف علي باقي العربيه طبعا واذا تم الشراء فيتم تغير الزيت وفلتر الفتيس بعد الشراء لضمان عدم حدوث العطل ويتم حاليا التغلب علي هذا العيب نهائيا بتغيرة بالبدي فالف بتاع الفنتازيا بحوالي ٧٠٠٠ متضمن الزيت والمصفي والمصنعيه الزيت لوحدة بحوالي ١٦٥٠ جم

[A.Roushdy]

احمد باشا ربنا يخليك و بجد لولا النصائح دى كان ممكن اشترى قبل ما اتاكد من المعلومات المهمة دى
هعمل اللى حضرتك قولت عليه و معلش ارجو ان حضرتك تتابع الموضوع لغاية ما اشترى ان شاء الله و شكرا ليك

تحت امرك يا باشا ادينا بنساعد بعض
واي استفسار تاني انا معاك لحد ما ربنا يوفقك وتشتري

[aminyassien]

ربنا يوفقك فى عربية شديدة
بس ليا سؤال انا بخلص فى ايه 4 حستلمها بعد رمضان موديل 2005 الفتيس بتاعها برضه فيه نفس المشكلة

[Moratoz]

A4 مفهاش المشكله لانها فتيس مختلف تماماً وان كان لايمنع من الكشف المكامل علي السيارة والفتيس أيضاً ويتم بعد الشراء تغير زيت الفتيس أيضاً للأطمئنان

[aminyassien]

ربنا يوفقك فى عربية شديدة
بس ليا سؤال انا بخلص فى ايه 4 حستلمها بعد رمضان موديل 2005 الفتيس بتاعها برضه فيه نفس المشكلة

شكرا جزاك الله خير

[aminyassien]

a4 مفهاش المشكله لانها فتيس مختلف تماماً وان كان لايمنع من الكشف المكامل علي السيارة والفتيس أيضاً ويتم بعد الشراء تغير زيت الفتيس أيضاً للأطمئنان

شكرا جزاك الله خير

[osha966]

السعر ده يعتبر لقطة لأن الأسعار الآن فى ارتفاع مذهل...لكن طبعا لازم تتأكد من حالتها فى مركز خدمة معتم خاصة الفتيس