السلام عليكم ارجو من حضراتكم الافاده

[kareemafifi]

انا انهارده كنت بعمل صيانه للعربية طلع طلمبة البنزين ضايعه قياسها واطي و هي فعلا سحب العربية قليل اوي فانا محتار بين الجديد و الاستعمال راي حضراتكم ايه؟؟

[O.M.S]

السلام عليكم

باشا بلاش تغلط غلطتي انا جبت واحد استيراد مكملتش شهرين وبعدها واحد جديده صيني قعدت سنه وشويه وفي الاخر رحت التوكيل جبت الاصليه بقالها كدا معايا 3 سنين زي الفل لغايه ما غيرت الماتور فانا انصحك بالاصلي في الحجات دي بالزات

[aldesha989]

بص ياريس الاستعمال ده فى حين ان مافيش منها جديد لكن مدام فى منها جديد حرام حرام حرام تجيبها استعمال
اولآ مش هتعمر معاك تانى حاجه ممكن لا قدر الله تعملها معاك فى مكان وحش وخصوصآ ان دى روح العربيه

ممكن فانوس استيراد شبكه اكصدام رفرف اى حاجه غير اللى ممكن تعطل العربيه ممكن تجيبها استيراد ماعدا اللى تعطل بيك العربيه

[kareemafifi]

تمام كده يا رجاله كتر الف خيركم شكلي هتوكل علي الله و اجيبها جديده

[Moratoz]

وسعرها كام جديده واسأل علي الاصلي الاول

[kareemafifi]

و الله انا سمعت 1500 اصلي

[inspiron]

كيمو بلاااااش إستيراد في الحاجات دي يا برنس

[kareemafifi]

طيب انا لقيتها لسة سائل واحد دلوقتي ب 1150 بس من غير عوامة ادوس فيها ؟؟؟

[kareemafifi]

كيمو بلاااااش إستيراد في الحاجات دي يا برنس

لقيتها ب 1150 اصلي جديده من غير عوامه ادوس فيها ؟؟؟

[Moratoz]

لو العوامه عندك سليمه والمحل محل ثقه من بيع الاصلي توكل علي الله

[kareemafifi]

لو العوامه عندك سليمه والمحل محل ثقه من بيع الاصلي توكل علي الله

بص انا لسة مغير العوامه من سنة ونص كده بس اتاكد ازاي انها سليمه ؟؟

[Moratoz]

الفني في ورشه الصيانه اولا ثانيا انتا كان عندك مشكله في تحرك مؤشر النزين علي العدادات ولا لأ لو لأ يبقي خلاص تبقي سليمه ان شاء الله

[kareemafifi]

الحمد لله تم التغيير بالامس يا رجالة و كانت التكلفة 1300 جنيه للطلمبة بالعوامة كاملة اصلية جديده و احب ان اشكركم جميعا و اخص بالشكر حبيبي و صديقي احمد مجدي ( inspirion ) علي عطاؤه المتفاني هنا في الجروب و نصائحه الهادفة في كل ما يخص اعطال هذه السيارة

[forti]

مبروك عليك يا كريم و اخبار السحب ايه اتظبط

[kareemafifi]

مبروك عليك يا كريم و اخبار السحب ايه اتظبط

اه يا باشا اتظبط لاني كمان غيرت ايرماس و معاه فلتر الهوا فالحمد لله فرقت عن الاول