معروض عليا اوكتافيا a5 موديل 2008 .. ايه رايكم ؟؟

[Moratoz]

ربنا يخليك يا باشا و جزاك الله الف خير ان شاء الله
طب محتاج مقاس الكاوتش المناسب ليها لو تعرف ... هيا اليجانس الفئة اللى قبل الزينون على طول ..
و بعدين واحد صاحبى النهاردة بيقولى احسن ماركة كاوتش دلوقت هيا الكونتيننتال و قال ده اللى نازلة بيه البى ام و المرسيدس ... فايه رايك ؟؟
و المفروض تاريخ الانتاج يكون فى حدود كام طيب ؟؟ يعنى اسبوع و لا ايه
معلش اسئلتى كتيرة بس انا عارف انكم ناس رجالة بتحبوا المساعدة

متجبر كونتنتال ليعمل بلالين في الجناب ومش ذي الاصلي ئل بيبقي نازله بيه عايز افضل حاجه زي ما ا/ طارق قال بريدجستون بس غاليه قوي الفرده عايز حاجه اقل شويه هات كومهوا اكستا وخلي المقاس نفس ئل راكب عندك متغيروش شوف الموجود عندك جنك كام ١٥ ولا ١٦
اما تاريخ الانتاج بقيس من حوالي ٦ او ٧ اشهر وبيبقس بالأسبوع هات العربيه الاول واحنا معاك بعد كده

[abohalmos]

الحمد لله بقيت من اصحاب سكودا

كل عام و انتم بخير يا رجالة سكودا ... لله الحمد بقيت من رجالة سكودا بعد ما دفعت عربون العربية .. و اتفقت مع صاحبها علي كل شيء .. انا حاليا في القاهرة ... بس المشكلة من ساعة ما وصلت كان عندي ظروف اسرية كده .. حمايا تعب فجأة و دخل مستشفي المعادي العسكرى .. انما لله الحمد خرج و حاليا بيكمل علاج في البيت .. امبارح بقي كانت معايا الاسكودا 2008 اللي قولتلكوا عليها .. انطباعي عن العربية :
١- العربية من الداخل حدث و لا حرج طبعا هي اليجانس هاي لاين من غير زينون .، كل الكماليات تعمل بصورة ممتازة و جربتها بنفسي .. ما عدا مثبت السرعة .. عشان لسة ما اعرفش بيشتغل ازاي .. الكاسيت الاصلي بتاعها ممتاز و الكار كيت يعمل جيدا .. حتي فتحة السقف جربتها .. الفرش الجلد البيج الاصلي بحالة ممتازة و بس عاوز يتغسل عند حد متخصص انما لله الحمد مفهوش قطع و لا خدش .. العدادات رائعة .. الدركسيون المالتي فنكشن يعمل جيدا ..
ملحوظة : واحدة بس في العربية من الداخل .. التكييف كان شغال تلاجة .. بس صاحب العربية قاللي في النهار الكومبروسور بيشتغل بس ما بيجبش سقعة .. انا استغربت جدا لانه بليل كان تلاجة بمعني الكلمة .. حد عنده تفسير او حل للموضوع ده ؟؟؟
٢- العربية من الخارج : -
- الاكصدام الامامي مش مظبوط .. فيه كلبسات تقريبا وقعت او كده يعني فيه مسافة صغيرة بينه و بين البودي بتاع العربية و ده من اليمين و الشمال
- فيه حكتين في الرفرفين اليمين و الشمال ورا بس حجمهم صغير
- الاكصدام الخلفي جيد و لا يوجد به الا خدوش بسيطة للغاية
- الكاوتش محتاج تغيير و هي عليها جنوط ١٦ سكودا الاصلية طبعا .. و صاحب العربية نفسه قاللي محتاجة كاوتش جديد .. و علي كلامكم هنا احسن حاجة كومهو اكستا spt ku31 .. لو حد يعرف مكان تكون فيه فرد الكاوتش لاني شفت ناس هنا بتقول مش موجودة بسهولة .. واذا ملاقيتهاش ايه الاختيار التاني .. انتوا عارفين انا جاي فترة قليلة في القاهرة و ماشي
٣- تقرير التوكيل : مكتوب فيه تم عمل صيانة ٣٠ الف و تغيير زيوت و فلاتر السيارة و انها تحتاج لبعض قطع الغيار كلها حاجات مستهلكة في العفشة .. يعني شداد فتيس .. مساعدين قدام ،، تيل فرامل .. حاجات كده كده بتستهلك و العربية انا متفق مع صاحبها اني هايخلص كل الشغل اللي فيها لحد اول تسعة يكون استلم عربيته الجديدة و انا كمان بعت عربيتي اللوجان
٤- قيادة العربية : طبعا دي ثالث مرة في حياتي اسوق اوتوماتيك و اول مرة ستيبترونيك .. انما العربية بتديلك احساس بالفخامة غير طبيعي .. و السواقة سهلة جدا لاني وجلي الشمال بتبقي عاوزة تدوس في اي حاجة .. انما خرجت بيها عند سفن ستارز في التجمع و الدنيا زحمة عشان العيد و حسيت براحة و بالبلدي حسيت اني كان لازم اسوق اوتوماتيك من زمان ههههه ... سحب العربية جيد و استجابة ممتازة و عزل ممتاز عن الخارج و صوت الموتور هادي بس تحس انه قوي .. من الاخر عجبتني بشدة و لله الحمد ...
انا اتفقت معاه خلاص اني هاخدها و دفعت عربون كمان...،، مستني رودكم و اقتراحاتكم بالذات : موضوع التكييف و مكان بيع كاوتش كومهمو حتي لو بعيد عن التجمع مش مشكلة المهم مضمون ... و الحاجات اللي في الاكصدام الامامي اعملها عند مين و فين مكانه ؟؟
و جزاكم الله خيرا و في انتظار الردود الحلوة

[Moratoz]

التكيف ممكن يبقي محتاج يتزود شحن عند اي حد بتاع تكيف
أمان الكاوتش لو تنزل المعادي عند كارفور ممكن أجي معاك نجيب الكاوتش ونشوف اي حاجه حضرتك عاوزها او تسأل عليها وانا معاك وممكن نشوف التكيف بالمرة

[abohalmos]

التكيف ممكن يبقي محتاج يتزود شحن عند اي حد بتاع تكيف
أمان الكاوتش لو تنزل المعادي عند كارفور ممكن أجي معاك نجيب الكاوتش ونشوف اي حاجه حضرتك عاوزها او تسأل عليها وانا معاك وممكن نشوف التكيف بالمرة

الف شكر ليك يا باشا ربنا يخليك و يكرمك
الفكرة انه العربية مش معايا دلوقت .. العربية مع صاحبها بس هو وعدني انه هايعمل كل اللي انا عاوزه و من عند اللي انا عاوزوه .. انا كونت هاقوله يجيب الكاوتش ايه و منين و يروح يظبط التكييف عند مين
علي العموم هابعتلي رقمي علي الخاص و يا ريت تبعتلي رقمك عشان اكلمك اول ما ابقي معايا العربية عشان تشوفها برضه

[Thebutcherr]

موضوع التكييف من الاخر عشان متتعبش نفسك محتاج كومبيسور + سربنتينة ده عيب معروف فى جيتا و اوكتافيا 2007ظ2007 هيكلفك حوالي 4600-4750 ( الكومبريسور ساندن تايلاندي) و لازم تغير السربنتينة مع الكومبريسور عشان تحس بكامل الفرق
ريح بالك هي دى الخلاصة

[MITSUKERO]

لو هتبيع اللوجان قول ليا انا بدور علي عربية لاخويا الكبير و قرفت من التدوير علي النت و نزلت السوق و مش لاقي اي عربية نضيفه

[Moratoz]

[QUOTE=Thebutcherr;3875130628]موضوع التكييف من الاخر عشان متتعبش نفسك محتاج كومبيسور + سربنتينة ده عيب معروف فى جيتا و اوكتافيا 2007ظ2007 هيكلفك حوالي 4600-4750 ( الكومبريسور ساندن تايلاندي) و لازم تغير السربنتينة مع الكومبريسور عشان تحس بكامل الفرق
ريح بالك هي دى الخلاصة[/
اولا العربيه ٢٠٠٨ ومشكله اللكم بروس اتحلت في موديل ٢٠٠٨ ولو الكمبرسور بايظ ممكن يجئ بتاع تويوتا كرولا او جوف ٤ وبيركب علي نفس القواعد تقريبا ومش بتحتاج تغير سربنتينه

[abohalmos]

التكييف شًغال

موضوع التكييف من الاخر عشان متتعبش نفسك محتاج كومبيسور + سربنتينة ده عيب معروف فى جيتا و اوكتافيا 2007ظ2007 هيكلفك حوالي 4600-4750 ( الكومبريسور ساندن تايلاندي) و لازم تغير السربنتينة مع الكومبريسور عشان تحس بكامل الفرق
ريح بالك هي دى الخلاصة

الف شكر لمساهمتك
بس التكييف شغال بس كل المشكلة انه مش علي نفس الدرجة من القوة في الضهر
فإن شاء الله هاشوف ربما يكون محتاج فريون او كده و ربنا المستعان
و العربية ٢٠٠٨
تقبل تحياتي و كل عام و انتم بخير

[abohalmos]

اللوجان للبيع بالفعل

لو هتبيع اللوجان قول ليا انا بدور علي عربية لاخويا الكبير و قرفت من التدوير علي النت و نزلت السوق و مش لاقي اي عربية نضيفه

اللوجان للبيع فعلا بس انا مستني واحد قريبي عاوزها و هايرد عليا خلال يومين .. و لو محصلش نصيب هابعت لحضرتك علي الخاص


هي موديل ٢٠١٠ فول اوبشن مانوال فراني غامق عاملة ٣٨ الف كم و صيانات بالتوكيل و معاها رخصة سارية حوالي ٣ سنوات .، لا يوجد حظر بيع
و تقبل تحياتي

[abohalmos]

تعرف حاجة عن مركز محمد سمير للصيانة

[QUOTE=Moratoz;3875131028]

موضوع التكييف من الاخر عشان متتعبش نفسك محتاج كومبيسور + سربنتينة ده عيب معروف فى جيتا و اوكتافيا 2007ظ2007 هيكلفك حوالي 4600-4750 ( الكومبريسور ساندن تايلاندي) و لازم تغير السربنتينة مع الكومبريسور عشان تحس بكامل الفرق
ريح بالك هي دى الخلاصة[/
اولا العربيه ٢٠٠٨ ومشكله اللكم بروس اتحلت في موديل ٢٠٠٨ ولو الكمبرسور بايظ ممكن يجئ بتاع تويوتا كرولا او جوف ٤ وبيركب علي نفس القواعد تقريبا ومش بتحتاج تغير سربنتينه

ازيك يا عمرو باشا ؟؟؟ اخبارك ايه ؟؟؟
١- كلمت اولاد بيومي بتوع الكاوتش اللي في الدقي و عندهم الكومهو اكستا علي ٥٠٠ جنيه الفردة شامل كله
٢- استقريت علي اني هاعمل السمكرة البسيطة عند المهندس كريم منير في مركز نايل موتورز ان شاء الله لانه الناس كلها بتشكر فيه
٣- العفشة و الذي منه ربنا يسهل فيها و سمعت عن الشركة الهندسية فولكس فاجن اللي فيها محمد سمير .. فيه حد اعرفه كويس بيقولي عليه انه محترم و شغله نضيف .. هو بجوار السندباد .. بس مًش عارف رقمه او العنوان بالظبط .. يا تري سمعت عنه ؟؟؟ و لا نشوف اللي قولتلي عليه
٤- التكييف قولت اخليه بعد ما اظبط العفشة و الكاوتش و السمكرة و لا ايه ،،،؟؟؟؟؟

[Moratoz]

[QUOTE=abohalmos;3875131386]

ازيك يا عمرو باشا ؟؟؟ اخبارك ايه ؟؟؟
١- كلمت اولاد بيومي بتوع الكاوتش اللي في الدقي و عندهم الكومهو اكستا علي ٥٠٠ جنيه الفردة شامل كله
٢- استقريت علي اني هاعمل السمكرة البسيطة عند المهندس كريم منير في مركز نايل موتورز ان شاء الله لانه الناس كلها بتشكر فيه
٣- العفشة و الذي منه ربنا يسهل فيها و سمعت عن الشركة الهندسية فولكس فاجن اللي فيها محمد سمير .. فيه حد اعرفه كويس بيقولي عليه انه محترم و شغله نضيف .. هو بجوار السندباد .. بس مًش عارف رقمه او العنوان بالظبط .. يا تري سمعت عنه ؟؟؟ و لا نشوف اللي قولتلي عليه
٤- التكييف قولت اخليه بعد ما اظبط العفشة و الكاوتش و السمكرة و لا ايه ،،،؟؟؟؟؟

يا مساء الخيرات يا دكتور
سعر ألفرده كويس جداً ومتنساس التأكد من تاريخ الإنتاج
الكمبروسر هن شوف الأول أخبار الفريون ايه وبعدين نحكم
مركز مهندس محمد سمير ئل حضرتك قلت عليه أنا بعمل عنده الصيانة هوا والمركز الثاني بتاع مهندس هاني ئل في جسر السويس لما ايجي تروح ابقي كلمني وادي لك رقم مختار المسؤل عن دخول العربيات الورشه وابقي أوصف المكان لحضرتك

[abohalmos]

[QUOTE=Moratoz;3875131449]

يا مساء الخيرات يا دكتور
سعر ألفرده كويس جداً ومتنساس التأكد من تاريخ الإنتاج
الكمبروسر هن شوف الأول أخبار الفريون ايه وبعدين نحكم
مركز مهندس محمد سمير ئل حضرتك قلت عليه أنا بعمل عنده الصيانة هوا والمركز الثاني بتاع مهندس هاني ئل في جسر السويس لما ايجي تروح ابقي كلمني وادي لك رقم مختار المسؤل عن دخول العربيات الورشه وابقي أوصف المكان لحضرتك

الف شكر يا عمرو باشا
يا ريت تبعتلي رقم مركز محمد سعيد و عنوانه عشان انا مضطر اسافر بكرة الصعيد و هاخلي حد من طرفي هو اللي يظبط العربية و انا ان شاء الله راجع تاني بعد اسبوعين عشان اخد العربية و اطلع علي الصعيد .. تاعبك معايا يا شقيق

[Moratoz]

[QUOTE=abohalmos;3875131550]

الف شكر يا عمرو باشا
يا ريت تبعتلي رقم مركز محمد سعيد و عنوانه عشان انا مضطر اسافر بكرة الصعيد و هاخلي حد من طرفي هو اللي يظبط العربية و انا ان شاء الله راجع تاني بعد اسبوعين عشان اخد العربية و اطلع علي الصعيد .. تاعبك معايا يا شقيق

رقم مختار مركز محمد سمير ٠١٢٢٢٣٥٤٥٨٩
تروحله لو من عند السندباد تكمل طوالي ولف من اخر لفه قبل كوبري المطار هيلقي شارع جديد مرصوف وعلي ناصيته زرع ونضيف يخش فيه تقريبا بعد ١٠٠ م تلاقيه علي اليمين بجوار مركز لخدمه مرسيدس
وتسافر وترجع بالسلامه ان شاء الله ولو في اي حاجه انا مع حضرتك
تحياتي

[abohalmos]

[QUOTE=Moratoz;3875131747]

رقم مختار مركز محمد سمير ٠١٢٢٢٣٥٤٥٨٩
تروحله لو من عند السندباد تكمل طوالي ولف من اخر لفه قبل كوبري المطار هيلقي شارع جديد مرصوف وعلي ناصيته زرع ونضيف يخش فيه تقريبا بعد ١٠٠ م تلاقيه علي اليمين بجوار مركز لخدمه مرسيدس
وتسافر وترجع بالسلامه ان شاء الله ولو في اي حاجه انا مع حضرتك
تحياتي

الف شكر ليك يا عمرو و ربنا يباركلك يا برنس و اكيد لو فيه حاجة هاكلمك علي طول ان شاء الله