اوبل فكترا ولا سكودا اوكتافييا

[andrew uwj]

سلام عليكم انا كنت بفكر اغير الفكترا و اجيب سكودا تكون موديل 2000 بردو فعايز رئيكم اغير ولا لا و لو لا يبقى لا ليه لآنى متردد جدا

انهى الاحسن اوبل فكترا ولا سكودا اوكتافيا نفس الموديل سنه 2000

انا عملت نفس الموضوع ده فى اوبل و كنت عايز اعرف راى حضرتكم كمان

[Moratoz]

هل حضرتك ركبت الاوكتافيا ولا لَا قبل مل تخش في حيًره اركب العربيه الاول وحاول تشوف واحد صاحبك معاه العربيه وتجرب العربيه هي عامه عربيه محترمه جداً جداً وطبعا ثبات حدث ولا حرج مع توافر قطع الغيار بأسعار معتقدش هتكون فارقه كتير عن الاوبل
فشوف الاول راحتك النفسين بعد ركوبها وتجربتها
وخلي بالك لازم تپقي مقيمي حاله عربيتك كويس سليمه جداً ومريحاك ومفهاش مشاكل حضرتك بي تشتكي منها ولا ايه النظام

[svneleven]

حضرتك معاك فيكترا بي يعني تقريبا نفس الموديل. مش هتستفيد حاجة. طبعا اسكودا مش هتكون أحسن من الأوبل. الاتنين مستوي واحد. كل ما هنالك المخاطرة في أنك تجيب حاجة و تطلع فيها مشكلة لكن عربيتك أنت عارفها. رأيي لو هتشتري تعلي بالموديل أو حالة أحسن. يا اما لو نفس الموديل يبقي بي ام مثلا عشان تبقي كسبت حاجة.

[Moratoz]

حضرتك معاك فيكترا بي يعني تقريبا نفس الموديل. مش هتستفيد حاجة. طبعا اسكودا مش هتكون أحسن من الأوبل. الاتنين مستوي واحد. كل ما هنالك المخاطرة في أنك تجيب حاجة و تطلع فيها مشكلة لكن عربيتك أنت عارفها. رأيي لو هتشتري تعلي بالموديل أو حالة أحسن. يا اما لو نفس الموديل يبقي بي ام مثلا عشان تبقي كسبت حاجة.

هوا دا كان محور السؤال عربيته مريحان ولا فيها مشاكل لو سليمه خليها احسن لو فيها مشاكل يبقي موضوع تاني

[mezo73]

انا رأيي الاوكتافيا افضل من الاوبل بس بشرط تكون موديل فوق 2004 مثلا
انما 2000 دة شكل التابلوة القديم وهاتكون مشيت كيلوات كتييييير
انما الاوبل بقت زي فكرة فيلم اتهرست كتيير نادرا لما تلاقي منها نظيف وغير مشكلة السخونية
واسعار قطع الغيار لاتتناسب مع الموديل

[andrew uwj]

شكرا جدا على الردود الحقيقه انا ركبت اوكتافيا من زمان اوى بس عارف انها عربيه محترمه و عربيتى مش تعبانى ولا حاجه هى بس فيها شويه شغل حاليا ( ثلاجه- اكصدام ادام ساقط و عايز يتظبط - سمكره و دوكو - abs عايز يتغير )
فكنت بفكر ابيعها بدل ما اشتغل فيها و اجيب اوكتافيا نضيفه
و على فكره انا معنديش اى مشكله فى الحراره خالص و انا مشغل التكيف و طريق واقف بتبقى 90 مبتعلاش عن كده

[aw2100]

شكرا جدا على الردود الحقيقه انا ركبت اوكتافيا من زمان اوى بس عارف انها عربيه محترمه و عربيتى مش تعبانى ولا حاجه هى بس فيها شويه شغل حاليا ( ثلاجه- اكصدام ادام ساقط و عايز يتظبط - سمكره و دوكو - abs عايز يتغير )
فكنت بفكر ابيعها بدل ما اشتغل فيها و اجيب اوكتافيا نضيفه
و على فكره انا معنديش اى مشكله فى الحراره خالص و انا مشغل التكيف و طريق واقف بتبقى 90 مبتعلاش عن كده

بص فية مثل يمنى بيقول جنى تعرفة ولا إنسى ماتعرفوش انا شايف انك تشد عربيتك وتروشها وتصرف عليها كام الف احسن ماتقع فى عربية متوششه وملعوب فيها وانت عارف طبعا زمة التجار لغاية ماربنا يكرمك بعربية اوكتافيا بحالة نظيفة بتاعة حد من اصحابك اوجيرانك تكزن عارفها تشتريها وبعدين تبقى تبيع عربيتك على مهلك !!

[andrew uwj]

بص فية مثل يمنى بيقول جنى تعرفة ولا إنسى ماتعرفوش انا شايف انك تشد عربيتك وتروشها وتصرف عليها كام الف احسن ماتقع فى عربية متوششه وملعوب فيها وانت عارف طبعا زمة التجار لغاية ماربنا يكرمك بعربية اوكتافيا بحالة نظيفة بتاعة حد من اصحابك اوجيرانك تكزن عارفها تشتريها وبعدين تبقى تبيع عربيتك على مهلك !!

انت كلامك صح انا هشد عربيتى احسن