لمبة ضغط الهواء للكاوتش في فانتازيا ٢٠١٣

[kingtut1977]

السلام عليكم ورحمة الله وبركاته ..
انا معايا فانتازيا ٢٠١٣ فئة أولي و كنت مسافر و للاسف فردة كاوتش نامت المهم نزلت غيرتها و ركبت الاستبن و بعد ماتحركت بالعربية لمبة الكاوتش نورت و مش عاوزة تطفي رغم ان الهوا مظبوط في كل الفرد .. ضغطت كذا مرة علي زرار الهوا في الصالون برضه مفيش فايدة ،،، مش لاقي حل في الكاتالوج .. أرجو الافادة

[YHYAKOTB]

رجع الفردة الاصلية بعد متصلحها وتظبط ضغطها يمكن تتظبط

[Moratoz]

اضغط ضغطه طويله علي زرار الهواء علي شان يعمل ريسيت لو ما طفتش جرب روح لحد بتاع كاوتش وظبط مقاس الأربع فرد المرتكبين علي نفس المقاس وشوف وقولنا النتيجة

[kingtut1977]

مع الشكر للاصدقاء تم التعامل حيث كنت اقوم بالضغط ضغطة بسيطة و ليست طويلة و تم حل المشكلة

[شاهين - بنز]

معلش عندي استفسار بعد إذنك
حضترتك بتقول إن اللمبة نورت بعد أما الكوتشة نامت هل ده إللي حصل فعلا؟؟
لإن المفروض اللمبة بتنور قبل مالكوتشة تريح خالص بيوم أو يومين

[kingtut1977]

لا حضرتك الكاوتش نام نتيجة ثقب في الكاوتش