الى خبراءسكودا

[mohammedabdallh]

قدامى عربيع a5 2007 ماشيه 180الف طبعاكتير
هى منول
تعمل كام فى نظركم هى فبريكه بره وجوه
وهل 180الف كم كتير عليها ولا عادى
يعنى مواتيرها معمره زى اليبانى ممكن تكمل 500 الف كم من غير مشاكل فى المواتير ولا 180الف كدا كتير عليها
وايه هى مميزات a5 وايه هى عيوبها
وشكرا ليكوا
والفئه دى فى المنول كانت بتنزل بايه اوبشن

[EngAhmedSayed]

اهلا بيك فى القسم
اولا عليك بصلاة الاستخارة دى اهم شىء
الاوكتافيا a5 عربية جميلة
لابد من الفحص الشامل فى مركز متخصص و تيبقى كويسة لو صيانة توكيل
موضوع السعر الحالة هى اللى تحكم
و بخصوص العيوب و المميزات انتظر مالكى الاوكتافيا a5 هيفدوك احسن منى بس من واقع خبرتى فى القسم مشكلها هنا قليلة جدااا اهم شىء الحالة
لانى موضوع 180 الف كتيير شوية و موضوع الموتور اتعمر وله لا دى على حسب المالك القديم و اسلوب قيادته للعربية
هل هو محافظ عليها وله من النوع الامركة و الهلك
ربك المستعان

[mohammedabdallh]

اولا انا بشكرك على الرد السريع
انا بتكلم عن مواتيرها عامتا
معمر يعنى بيقعد فترات طويله من غير مشاكل
مش اتعمر
طب يالنسبه للسعر ممكن تعمل فى رنج كام

[amrelsaqqa]

بيتهيالى تعمل رينج التسعينات والله اعلم (الافضل تسأل استاذ شريف ، ده سعر تقريبى خصوصا ان مفيش منها مانيوال كتير فانا مش عارف احدد برضه اوى )

بالنسبة للعداد ، لو كل حاجة تمام في العربية ، اكشف عليها ومن نتيجة كشف كبس الموتور هتعرف الموتور كويس و لا لا وسيبك من الرقم اللى ع العداد لو لقيت الموتور في حدود 80% يبقى كويس

وموضوع مانيوال ده ميزة على فكرة
عشان هتبعد عن مشاكل الاوتو المعروفة في موديلات 2004-2007

[mohammedabdallh]

بيتهيالى تعمل رينج التسعينات والله اعلم (الافضل تسأل استاذ شريف ، ده سعر تقريبى خصوصا ان مفيش منها مانيوال كتير فانا مش عارف احدد برضه اوى )

بالنسبة للعداد ، لو كل حاجة تمام في العربية ، اكشف عليها ومن نتيجة كشف كبس الموتور هتعرف الموتور كويس و لا لا وسيبك من الرقم اللى ع العداد لو لقيت الموتور في حدود 80% يبقى كويس

وموضوع مانيوال ده ميزة على فكرة
عشان هتبعد عن مشاكل الاوتو المعروفة في موديلات 2004-2007

مميزات او مواصفات a5 ايه بقى فى المنول

[elferekiko]

بص يا باشا ال a5 عربية ممتازة وتقيلة وثابتة عشان كدا الفتيس المانيوال احسن لها بكتير من الاوتو لانك انت اللى بتتحكم ف العزم بتاعها بالنسبة للحالة المواتير الالماني طبعا معمرة وكل حاجة بس خللى بالك من انها مش بتتعمر ولو حد عمللها عمرة مش بترجع زي الاول ودا كلام من واحد مهندس كان شغال ف التوكيل ولكن طالما الموتور نضيف وبيدي كبس من 75 الى 80 % يبقى شغال لان صعب مع العداد الكبير دا يعمل اكتر من 80% بصراحة ....

لوالعربية حالتها نضيفة ومش متهانة جامد مش مهم العداد المهم تكون بتتصان بصفة دورية ف مواعيد الصيانة بتاعتها ولا تتنازل عن طلب فواتير الصيانة اما الامكانيات اللى انا فاكره انها نفس اوبشنز الاوتو بس التكييف بكر مش تاتش زائد ال abs ebd دول استاندارد في كل الموديلات بس مافيهاش esp اللى هو نظام الثبات الالكتروني
بالنسبة للسعر ما بين 08 ل 85 حسب الحالة ودرجة النضافة او البهدلة في الصالون والهيكل الخارجي وحالة الكاوتش والبطارية والسيور ومتغيرة من امتى .. واهم شئ صلاة الاستخارة طبعا وربنا يوفقك

[mohammedabdallh]

شكرا ليكوا يا رجاله
مش عارف من غيركوا هنعمل ايه

[EngAhmedSayed]

هتعمل اية
هتعمل كتييير اولا هتيبقى فاهم العربية اللى انتا هتشتريها
سورى بنحد من عمليات النصب
و اهم شىء كلنا بنتعلم من بعض وزى ما سياتك بتاخد معلومه فالقسم هنا ملزم منك تنزل تقرير علشان الاعضاء اللى بعد منك يستفدو اية رايك فى المنظومة دى فا متستخسرش بتقرير مفصل
و له تمل و تكل من الاستفسارات علشان تيبقى عارف كل حاجة
فنحن هنا فى خدمة بعض
ربنا يوفقك
اهم شىء زى ما الاخوة قالو فواتير الصيانة فى ميعادها على حسب الكيلو متر
الفحص فى مركز صيانة محترم مش هتفرق تدفع مبلغ بسيط بس هيفرق معاك لو لا قدر ربك موفقش يبقى انتا مخسرتش كتير وربنا ما يجيب خسارة
نسيت اقولك موضوع الورق دة مهم جداااااا
اقرا الموضوع ده مهم جداااااا

http://www.nilemotors.net/Nile/357935-a.html

كدة الموضوع من كل الجوانب معاك
بالتوفيق ان شاء الله
ىبك المستعان