نفسى اشوف اوكتافيا a7 فى الشارع

[mostafa_dreem]

ناوى ان شاء الله اشتريها ورحت شوفتها اليوم فى المصرية وعند سمير ريان وعجبتنى بس عدم رؤيتى ليها فى الشارع مخوفانى وبعد ركوبها النهاردة ومقارنتها بالفانتازيا وانا مش ركيب ولا خبير فى الاوكتافيا محتار اوكتافيا a7 اول فئة ولا فانتازيا هاى لاين

[mostafa_dreem]

مندوب المصرية بيقولى ده كل زبائن الاوكتافيا بيجو يبدله الاوكتافيا بالa7

[amgomaa]

انا عندى فى بورسعيد تقريبا شفت منها كل الالوان وانتشرت انتشار عجيب

[ahmedalaahosny]

مراسلكم احمد من المنصورة ماشفتهاش الا 3 مرات مرة ف معرض والاتنين ف الشارع

[Ahm662]

شوفتها من يومين كده ما شاء الله فخمة جدا بس لونها بنى فاتح علجبنى جدا اللون ده

[elferekiko]

عربية تحفة بس لولا الفتيس عالعموم ممكن يكون حظك حلو ويكونوا حلوا مشاكله بجد المرة دي يا ريت بعد ما تجيبها ان شاء الله تحكيلنا عنها هي اكيد احسن من الفنتازيا ف كل حاجة باستثناء الفتيس وكفاية انها شكل جديد
انا شفت واحدة لونها تحفة اخضر غامق اقرب للازرق في ارض الجولف وشوفتها عند القرش ف كلية البنات
ربنا يوفقك

[waelamin123]

ممكن نعرف ايه كماليات افئة الاولى وايه الزيادة في الكماليات في الفئة الثانية 50 الف جنية فرق مقابل ايه طبعا فتحة السقف اكيد بدون تفكير

[mostafa_dreem]

انا ذهبت الى المصرية وسمير ريان ومفيش منها غير فئة اولي بس وسعرها 223000
اين خبراء الاوكتافيا ارجو الافادة

[mostafa_dreem]

يا جماعة اى حد اشترى الاوكتافيا a7 او يعرف حد اشتراها يقول لنا تقرير عنها

[mo7a_mo7a]

العربية دي فيها 3 عيوب
اولا السعر 223 الف كتير عليها اوي اول فئة
ثانيا الفيتيس المصية تشتريها وانت وحظك وخصوصا ان ضمانها سنتين فقط
ثالثا العفشة اللي نازلة مصر تورشن بيم مش مالتي لينك زي الفانتازيا وده بيحط علامة استفهام علي ثبات العربية دي مقارنة بالفانتازيا

تحياتي

[osha966]

شفتها انهاردة فى التجمع لون اسود..ماعجبنيش شكلها...شكلها أقرب لل a5
أنا رأيىى أن الa5 أحلى شكل حتى الآن