ممكن ياجماعة حد يفهمني أيه اللي بيحصل في ال Superb دا ؟

[Ahmed Amin]

وأنا بتشقلب في اليوتيوب, وقعت عال فيديو دا,,
وقعدت أتفرج شوية وأنا مستغرب, وأحاول أفهم وأطلع سبب مقنع للي بيعملوة بس ملاقتش,,
فلت أشاركه معاكم وممكن حد يديني سبب مقنع للي أتعمل دا,, !!


يعني لو العربية كانت قديمة وهتتكهن عادي,
لو عاملة حادثة وخرشموها كدا عشان هتتكهن برضه عادي,

بس العربية مفهاش خربوش من قدام ولا من ورا.
والعربية شكلها زيرو ومش موديل قديم.!

أيه الناس دي..؟
Škoda Superb vs digger - YouTube

أنا لاحظت أن الازاز ناحية السواق واللي جبنبه والكرسي اللي وراهم في حاجة وراهم,
زي ما تكون الأيرباج كانت مفتوحة,,
بس برضه العربية مفهاش خربوش من قدام ولا من ورا.

[msa142]

اعتقد دى نوع من انواع الدعايه

[Ahmed Amin]

كانت تبقي دعاية لو مكنش حصلها حاجة وأستحملت ومتضررتش جامد, ويركز علي نقاط التحمل والايجابيات اللي فيها.
لكن دا مش شكل دعاية خالص, حتي كل الناس بتشتم في الكومنتات عال فيديو في اليوتيوب.

[amrelsaqqa]

دى حالة اغتصاب للعربية
يانهار منيل ايه ده !

بس على فكرة خدت بالك القايم اليمين صامد جدا مش عايز ينتنى رغم القوة الهائلة بتاعت اللودر

[Ahmed Amin]

عشان أغلب الضرب كان علي السقف, واللودر كان بيحمل عليه,
ممكن يكون مدعم بزيادة زي كل العربيات الجديدة, بس الأغلب أنو مضربها بنفس القوة اللي ضرب بيها عال سقف
لأنه لو ضربها من الجنب هتتحرك في الأتجاه اللي بيضرب فيه, وتبقي الضربة مش جامدة.

برضة ليه بيعملو كدا ؟؟ تخليص حق مع العربية مثلاً ولا صاحب العربية.

[dozo]

شوفوا يا شباب .. و الله اعلم
هو كان صاحبها طالبها special order كابروليه و المصنع نسى يعملهالو فقالو نشيله السقف بدل ما نعمل العربيه من الاول ... اصل العربيه بصراحه شكلها زيرو.

[Omar.Shawki]

لاحول ولاقوة الا بالله
لييييييه كده

بس ماشاء الله المساعدين والسوست تمام يضرب ضربته والعربية تطلع تانى

[Moratoz]

ممكن تبقي عربيات تصوير أفلام وبيضيفوا لها الرتوش علشان تبقي عامله حادثه لو بصيتوا جوا الجراج هتلاقوا عربيه مبوظنها من الجنب فقط
والله اعلم
بس ممكن كانوا ياخدا العربيه السيات بتاعه ابن اخويا يعملوا فيها ئل هما عاوزينه ويجيبوا دي سليمه ما دام كده كده هيكسروها مش إحنا أولي والنبي هههههه

[Ahmed Amin]

ممكن تبقي عربيات تصوير أفلام وبيضيفوا لها الرتوش علشان تبقي عامله حادثه لو بصيتوا جوا الجراج هتلاقوا عربيه مبوظنها من الجنب فقط
والله اعلم

أنا بأييد الرأي دا وشايف أنو أكتر حاجة منطقي شوية للي بيحصل في العربية,
وعشان فيه عربيتين مطافي في أول الفيديو,, وعربية أسعاف وراهم كمان.
ودل بيكونو موجودين أحتياطي كا safety في أي مكان فيه تصوير لمشاهد فيلم أكشن,,
فا ممكن المشهد يكون المفروض العربية تتقلب فيه علي ضهرها, وبدل ما يقلبو العربية اللي فيها هيخرشموها بعدين يصوروها.!

والله أعلم برضه,

[master-007]

اعتقد دى فى روسيا .. العربيه دى متهربه من بره حاجه كده وده عقاب لصاحبها ..زى الموبيلات الاىفون كان فى شحنه منها بتتكسر فى الميناء هناك عشان متهربه ..الروس مابيرحموش

[horas3000]

اعتقد دى فى روسيا .. العربيه دى متهربه من بره حاجه كده وده عقاب لصاحبها ..زى الموبيلات الاىفون كان فى شحنه منها بتتكسر فى الميناء هناك عشان متهربه ..الروس مابيرحموش

+111
العربيات دي بتبقي داخله بشكل غير قانوني و اللي بتقفش بيتعمل فيه كده

[Ahmed Amin]

اعتقد دى فى روسيا .. العربيه دى متهربه من بره حاجه كده وده عقاب لصاحبها ..زى الموبيلات الاىفون كان فى شحنه منها بتتكسر فى الميناء هناك عشان متهربه ..الروس مابيرحموش

+111
العربيات دي بتبقي داخله بشكل غير قانوني و اللي بتقفش بيتعمل فيه كده

تمام يارجالة, أنا مكنتش أعرف المعلومات دي, بس العربية دي مش في روسيا.
انا لما ركزت في الفيديو شوية بعد كلامكم في الكلام اللي مكتوب علي الجراج ورا العربية,
وترجمته اللي مكتوب عليه علي جوجل طلع تشيكي,!

كلمة klášter تشيكي ومعناها دير,
وكلمة Hasičská تشيكي ومعناها حريق..

يعني الفيديو متصور في التشيك, بلد الأوكتافيا,
فا كدا العربية مش متهربة, ومش منطقي أنهم يعملو كدا فيها في بلدها.!


أخر حاجة في ال info بتاع الفيديو لاقيت مكتوب pro soutěžní účely hasičů
ودي تشيكي برضة ومعناها "منافسة لأغراض رجال الأطفاء" !!!

دخلت علي ال Channel دي عال يوتيوب عشان أفهم الليلة, وعينك ما تشوف إلا النور,
لاقيتهم مدغدغين أوكتافيا و Yeti و فابيا.!

وفي فيديو الفابيا واضح أنها عربية تعبانة, حالتها مش نضيفة أووي زي الSuperb.
و وراها هيبان رجال المطافي,,
Škoda Fabia vs digger - YouTube

فاكدا واضح أنهم بيدربو,, والأوكتافيا عربيات بلدهم فا واخدينها ببلاش من الحكومة بقي,
بس أيه التدريبات الغريبة دي.؟!!!

[eleanor]

فى دول كتير بتعمل كده فى العربيات اللى بتيجى متهربه وبتبقى كنوع من العقاب وعلشان ماحدش يعرف يستفاد بحاجه فيه لانها بتدخل مرحله اعاده تدوير والعربيات دى بتبقى هيكل بس مش موتور ولا تصنيع الشركه شوفو الفيديو ده كده

Duplicate Ferrari destroyed by Spanish police - YouTube

[amrelsaqqa]

احنا ممكن نراسلهم ونقنعهم ياخدوا عربياتنا يكسروا فيها زي ما هم عايزين ويدونا العربيات دى :d

[Ahmed Amin]

فى دول كتير بتعمل كده فى العربيات اللى بتيجى متهربه وبتبقى كنوع من العقاب وعلشان ماحدش يعرف يستفاد بحاجه فيه لانها بتدخل مرحله اعاده تدوير والعربيات دى بتبقى هيكل بس مش موتور ولا تصنيع الشركه شوفو الفيديو ده كده

Duplicate Ferrari destroyed by Spanish police - YouTube

يعععععععععع فيراري بموتور تويوتا
ويا تري دا 1600 ولا 1800 بقي !!

أهي هيا دي بقي الفيراري ال 128 اللي كان بيحكولنا عليها.!