4 ايام مع اوكتافيا a4

[aminyassien]

السلام عليكم
بقالى 4 ايام سايق الاوكتافيا
بصراحة الفارق كبير بينها و بين اللانسر البومة مقدرش انكر ان اللانسر جميله جدا و لكن حرام اقارنها بالاوكتافيا
السحب غير
التكييف غير
قطع الغيار شبه متقاربة مع اللانسر (بحكم انى كنت بجيب القطع الاصلية )
استهلاك البنزين اعلى قليلا من اللانسر
الثبات اكتر بكتير و خصوصا فى الملفات على سرعه
انا طبعا خايف ادوس بنزين بس مع الوقت حتجراء

طبعا خبطت العربية و كسرت الفانوس الاشارة

هذا للعلم و لكم جزيل الشكر

[Mo.Kareem]

بسم الله ماشاء الله
ربنا يباركلك فيها

[samyyousef]

التكييف غير....ايهما افضل؟

[amrelsaqqa]

الف مبروك يا باشا
وشكرا على التقرير الجميل ده

بس بيتهيألى السحب والتكييف المفروض في صالح اللانسر ؟ ولا ايه ؟

[amz2011]

تكييف الانسر احلى من تكييف الاوكتافيا

[Moratoz]

السحب دا تهيئات علشان صوت الاوكتافيا عالي شويه فبيزود الإحساس بالتسارع لكن طبعا الاوكتافيا a4 سياره ممتازة بجد ومن حبي ليها ركبت منها اربع سيارات
مبروك وربنا يبارك لك فيها

[aminyassien]

بسم الله ماشاء الله
ربنا يباركلك فيها

ألف شكر
بارك الله فيك

[aminyassien]

التكييف غير....ايهما افضل؟

الاوكتافيا إدارة افضل وأكيد التحكم فى درجة الحرارة ميزة اكتر

[aminyassien]

الف مبروك يا باشا
وشكرا على التقرير الجميل ده

بس بيتهيألى السحب والتكييف المفروض في صالح اللانسر ؟ ولا ايه ؟

الله يبارك فيك
السحب بطئ فى الأول بس بعد كدة مختلفة خالص
اول امبارح شديت مع صديق ليا معاه النسر ٢٠٠٦ شد عليا فى الانطلاق بس بعد كدة عديته بكتير على الطريق الجديد بتاع جوزيف تيتو
التكييف انا حاسه افضل من الأنسر

[aminyassien]

السحب دا تهيئات علشان صوت الاوكتافيا عالي شويه فبيزود الإحساس بالتسارع لكن طبعا الاوكتافيا a4 سياره ممتازة بجد ومن حبي ليها ركبت منها اربع سيارات
مبروك وربنا يبارك لك فيها

ألف شكر و بارك الله فيك
هى صوتها أعلى طبعا من اللانسر انا كنت أوقات كتير بسمع بس صوت احتكاك الكوتشوك بال أسفلت و دى ممن مميزات اللانسر صراحة

[Gelgel2004]

الف مبروك.......

[kar!m]

ألف مبروك ... هي موديل كام؟

[aminyassien]

الف مبروك.......

الله يبارك فيك.
شكرًا

[aminyassien]

ألف مبروك ... هي موديل كام؟

الله يبارك فيك
موديل ٢٠٠٥

[eleanor]

مبروك وربنا يكرمك فيها ويكفيك شرها