مساعده من رجاله الاسكودا على وجه السرعه

[romantic_angel]

اولا احب اشكركم على المعلومات اللى انا بستفيدها من المنتدى
وطالب منكم مساعده انا كان معايا دايو لانوس 2005 وبعتها من 3 شهور
قدامى اسكودا a4 2007 ماشيه 100 الف كيلو رشه باب ورفرف اتوماتيك مطلوب فيها 87
انا من السويس والعربيه فى الاسماعليه عايز اعرف السعر ده مناسب واكشف عليها فين فى الاسماعليه
والف شكر ليكم يا جماعه
ومستنى ردودكم

[drramy]

السعر كويس جدا بس اكشف على العربية كويس

[Moratoz]

مبدئيا ممكن من ألفين الي ثلاثه تفاصل فيهم تاني حاجه لابد من الكشف الجيد علي الاساسيات وحساسات الموتور والكشف الجيد علي الفتيس
وهل حضرتك شفت العربيه ولا لسه شوفها الأول وبعدين استكمل حكمك عليها ومتكسفس لو عاوز تجريها
وان شاء الله حد يفيدك في موضوع كشف الاسماعيليه

[aminyassien]

السعر كويس و ممكن تتقل عليه فى ألف أو اتنين
و ياريت تتأكد ان المرور شغال فى إسماعيلية والسويس. لأنهم معطلين الورق بتاعى لغاية دلوقتى

[romantic_angel]

الف شكر ليكم ياجماعه
بس خايف اخد معايا ميكانيكى ويطلع مش خبير اوى فا عايز مركز مضمون فى الاسماعليه
لان سمعت ان كله فى القاهره

[Survival]

اتفرج على العربية الاول عشان تعرف تحكم عليها و تسعرها صح و تشوف العربية محتاجه ايه و تعمل حسابك على صيانة ال 100 الف لو لسه هتتعمل و تشوف حالة الكاوتش و تاريخ انتاجه و اكسسورات العربية بعد ما تتأكد من الحالة الميكانيكية بتاعتها و خلى بالك القطع الميكانيكية بعضها غالى.

الزملاء بيقولوا تنزل الفين تلاتة يعنى لو قولنا 85 الف و دا سعر كويس لو العربية مش محتاجه حاجة لكن اى حاجة تحتاجها العربية تخصم من تمنها و ربنا يوفقك للخير عربية جميلة و افضل اختيار فى الفئة السعرية دى.

[Ahmed.Fahmy]

السعر حلو و85000 حلو عليها هى توبها كدا
نصيحة بقى مشوار ساعة اخطف رجلك لو عجبتك على العبور واهو تجربها فى مشوار سفر فى هناى فى اول المدينة فى المنطقة الصناعية قريب من أودى مركز كار تك مركز معتمد سكودا اكشف بالتفصيل ولو تمام خلص ومبروك عليك وبلاش حوار ميكانيكى دا عشان انت بتدفع فلوس تعبان فيها فى حاجة هتعد معاك فترة

بالتوفيق

[romantic_angel]

هو زيت الفتيس بيتغير كل اد ايه وصيانه ال 100 الف بنغير فيها ايه والتكلفه لو سمحتم
واسف على الاطاله وشكرا ليكم
...........

[romantic_angel]

متابع

[EngAhmedSayed]

مبدئيا ممكن من ألفين الي ثلاثه تفاصل فيهم تاني حاجه لابد من الكشف الجيد علي الاساسيات وحساسات الموتور والكشف الجيد علي الفتيس
وهل حضرتك شفت العربيه ولا لسه شوفها الأول وبعدين استكمل حكمك عليها ومتكسفس لو عاوز تجريها
وان شاء الله حد يفيدك في موضوع كشف الاسماعيليه

السعر حلو و85000 حلو عليها هى توبها كدا
نصيحة بقى مشوار ساعة اخطف رجلك لو عجبتك على العبور واهو تجربها فى مشوار سفر فى هناى فى اول المدينة فى المنطقة الصناعية قريب من أودى مركز كار تك مركز معتمد سكودا اكشف بالتفصيل ولو تمام خلص ومبروك عليك وبلاش حوار ميكانيكى دا عشان انت بتدفع فلوس تعبان فيها فى حاجة هتعد معاك فترة

بالتوفيق

صح كل الكلام اللى اتقال
ردود نموذجية
بالتوفيق ان شاء الله