زيت بسيط تحت العربية !

[midoabokhadra]

السلام عليكم
النهاردة لاحظت بقعت زيت خفيفة جدا وكذا بقعة قديمة تحت العربية ف الجراج .تقريبا هو زيت موتور . بس ممكن يكون دة من اية واروح لمين يبص ع العربية
سكودا اوكتافيا a4

[eng.salama93]

مش شرط يبقي زيت موتور ... ممكن يبقي زيت فتيس

[forti]

تابعها تانى و تابع زيت الموتور

[aminyassien]

هات كرتونية و حطها تحت العربية و الصبح هتعرف الكمية قد إيه و المكان اللى لينزل منه الزيت

[mohamedbook]

ممكن تكون الكرتيرة مخرومة
ممكن يكون الصمولة بتاعة الزيت مفوتة وبتنزل نقط زيت
وده في الغالب
وممكن يكون زيت الفتينس
حول تعرف الزيت جي من فين عشان تحدد المشكلة او تروح لميكانيكي وتريح بالك وهو يعرف مكان الزيت جي من فين

[hilal]

ابقى تابع قياس زيت الموتور باستمرار وشوف مقدار النقص
لو مش كتير ، يبقى مفيش داعي تنكش وزود زيت وخلاص
أما لو بينقص كتير ، يبقى لازم فحص عند واحد كويس

[ayman20100]

انا شايف انك لازم تروح تكشف على العربية وبسرعة انتظار التحديد بالملاحظة وهي راكنه هيضرك لو بتخرج بالعربية

العربية بتجيب زيت بسيط وهي واقفه لان الزيت مش تحت ضغط ...... بس العربية ممكن تجيب زيت اكتر وهي ماشية مع الضغط خصوصاً لو الزيت من الماتور ...وبعدين انت لازم تشوف مستوى الزيت

ثم انت مش هتخسر حاجة غير ان حد هيبص على العربية من تحت وهيبان مكان التسريب بسهولة

[mo7a_mo7a]

الحل كما يلي (((وعن تجربه))) مش فتي وخلاص:
روح غيير زيت الموتور والفلتر فوراً
بعدها اغسل العربية من تحت تماااااااام

ان شاء الله المشكلة تنتهي
بس تغيير الزيت قبل ما تغسل مش العكس

لان احيانا الزيت مع الحر والضغط بيحل بدري ويبدا يفقد خواصه ويتسرب من الاويل سيل بتاع الموتور
لو رحت لميكانيكي حيفتي ومش حتخلص
لو هو ده العيب حيتحل بما سبق
لو مش هو العيب مش حتخسر حاجة بال العس حتكون استبعدت الاحتمال ده

تحياتي

[midoabokhadra]

شكرا لردودكم انا فعلا هاغير الفلتر والزيت ان شاء الله . وهاغير من موبيل ل شيل
والغريب ان مقاس الزيت بيقل بسيط ف اطار المنطقة المظللة اللي ف المقاس
ولما بتاع الزيت بينزل الزيت بيقولي انه 4 لتر مظبوط !!!
ولما بغير الزيت بيسيل شوية ع المصفحة فممكن يكون الزيت اللي ع المصفحة بيسخن من المشي وبيسيل لما العربية تقف