استفسار هام لعمالقة الاسكودا

[a1_one2000]

السادة عمالقة الاسكودا , انا اشتريت اسكودا اوكتافيا A5 mpi موديل 2006 الحمد لله , وراكب ليها جنوط حديد عادية بطاسات مقاس 15 ....
عاوز اغير واركب جنوط اسبور ولما رحت لمكاوى بتاع قطع الغيار فى المنصورة قالى ان العربية وارد المانيا وهى فعلا وارد المانيا لانها معاقين من بور سعيد . وقلى ان العفشة بتاعت الجنوط الحديد غير عفشة الجنوط الاسبور هل الكلام ده صح فعلا ولا ايه ؟؟؟؟؟؟؟؟؟؟؟؟
ملحوظة انا عاوز اركب جنوط 17 علشان اعلى العربية شويه

[Moratoz]

السادة عمالقة الاسكودا , انا اشتريت اسكودا اوكتافيا a5 mpi موديل 2006 الحمد لله , وراكب ليها جنوط حديد عادية بطاسات مقاس 15 ....
عاوز اغير واركب جنوط اسبور ولما رحت لمكاوى بتاع قطع الغيار فى المنصورة قالى ان العربية وارد المانيا وهى فعلا وارد المانيا لانها معاقين من بور سعيد . وقلى ان العفشة بتاعت الجنوط الحديد غير عفشة الجنوط الاسبور هل الكلام ده صح فعلا ولا ايه ؟؟؟؟؟؟؟؟؟؟؟؟
ملحوظة انا عاوز اركب جنوط 17 علشان اعلى العربية شويه

هوا انا معرفش موضوع اختلاف العفشه ولا أعتقد انه فارق بس ممكن يكون معندوش جنط متوافر بأبعاد المسامير بس بلاش جنط 17 خليك في جنط 16 علشان العربيه متبقاش نشفه قوي وهتدب معاك

[forti]

خليك فى 16

[طارق _عبد السلام]

معتقدش ان هيغير والعفشه من فئه لفئه علشان الجنوط (معلومه مش اكيده لكن تخمين منطقى)
شكل مكاوى عنده عفشه اوكتافيا وعايز يشتغل بجد هو برنس فى البيع والشراء والتركيب وحريف فولكس

ونصيحه جنطها بالاصلى فقط وخليك فى 16 ال 17 هينشف العربيه جدا

[ahmedhassan92]

يا باشا من غير ما تغير حاجة افتح غطا التانك و شوف المقاسات المتاحة للسيارة و دى بتكون من الشركة و غالبا هتلاقى ممكن 16" و 17" بس الافضل تغير لل 16" و ابقى قولنا عملت و ربنا يوفقك :)

[EngAhmedSayed]

خليها زى ماهى جى من بلدها
وبلاش تلعب فى مقياس الجنوط علشان متخلفش معاك
دة راى

[Eslam.Elrefaey]

معلش سؤال خارجى هوا سعرها كام اليومين دول ؟