الحقووووني فانتازيا والا رابيد

[tamersalah]

إخواني ساعدوني لو عاوز أغير العربية A4 أجيب إيه فانتازيا مستعمل والا رابيد زيرو؟

[inspiron]

الرابيد حاجة والفانتازيا حاجة تانية

الرابيد في الأساس نازلة بديل للـ a4 اللي مع حضرتك..وقطعاً الفانتازيا في المجمل أحسن من الرابيد.خصوصاً لو لقيت حاجة هاي لاين كويسة

[tamersalah]

شكرا يا جميل على سرعة الرد المشكلة إن أنا عارف إن فيه فرق بس المشكلة إن أنا الـ A4 مش محتاج عليها حاجات كتير يعني متقبل التكييف البكر متقبل التابلوه اللي زي ما هو تقريبا وانها مانيوال (عشان بحب المانيوال) وان مفيش تحكم مثلا في الزجاج الخلفي بس اسمها زيرو
من ناحية تانية الفانتازيا فانتازيا بسلاطتها بباغنوجها
بس المشكلة ان أنا ما ينفعش أقعد من غير عربية علشان أنا شغال في القاهرة وأنا من اسكندرية فرايح جاي ومش هقدر أزود واقعد الف كتييييير (زي ما الواحد شايف من السوق) وعارف انها ابخات وتساهيل بس أنا هبيع اللي معايا وأكمل ورينج سعر الرابيد الهايلاين هو اللي ممكن اتصرف فيه سواء بالنسبة للاثنين

بس يا سيدي

[inspiron]

بص يا زعيم..بالنسبة للرابيد تكسب في نقطة إنها عربية زيرو.وفيها كل إحتياجاتك..وفيها حاجة كمان إن المحرك بتاعها 2 كامة مش كامة واحدة زي الفانتازيا.وتسارعها من 0-100 أفضل من الفانتازيا لكونها منوال ووزنها أخف.لكن بوجه عام الفانتازيا أفضل كفئة..كماليات وعوامل أمان وأوبشنز وشكل ( وإن كانت دي أذواق )..بس أنا بكلمك علي معايير السوق.

الفانتازيا عشان تجيبها بسعر نفس سعر الرابيد هتكون حاجة 2011-2012.

[Moratoz]

الفنتازيا طبعا سواء كشكل وبرستيج وكماليات وراحه وتعليق وعفشه ب سهتلف شويه علشان تلاقي سعر كويس يا أما حضرتك تستبيع في حدود 5000 وتجيب حاله نضيفه اوي واغلي من السوق في الحدود دي

[tamersalah]

أنا شوفت حاجات (أونلاين) بس ماشية 20-30 وسعرها أزيد شوية (أو شويتين 3 على حسب اللي عارض) بس هي الأوبشنز الزيادة هتكون في الزينون والسخانات والصالون الأوسع (بيتهيألي) والكاسيت والتكييف والأمان (الرابيد فيها ABS ومش عارف فيها عوامل أمان تانية والا لا) بس برضه زي ما بتقول الزيرو يخليك متردد. صحيح بالنسبة لحكاية التسارع أنا مجرب الفانتازيا مانيوال مقارنة بالـA4 تعتبر بطة (بس في الأول بس بيتهيألي) مش عارف حقيقي بس بجد متشكر ولو جت حاجة في دماغة حولها لدماغي علشان تساعد

[tamersalah]

طيب لو عايز أثمن العربية اللي معايا a4 99 ماشية 155 دهانات مصنع بالكامل فرش جلد كاوتش بريدجستون جديد (الكيلومترات سفر اسكندرية القاهرة) ممكن تعمل في حدود كام علشان أعمل حسابي في الفرق (اعذروني في السؤال بس علشان ما ارميش العربية)

[forti]

انا ارشحلك الرابيد .. لانك هتجيبها ببساطو زيرو لكن فنتازيا الله اعلم بقى بحالتها و هتبقى انت و حظك و عربيتك اظن رينج 60 - 65 الف

[Moratoz]

60 الي 65

[طارق _عبد السلام]

كااوبش الفانتازيا تكسب
كاعاده بيع الفانتازيا تكسب
كحاله الرابيد لانها زيرو والشكل مسئله اذواق
انت بسعر الرابيد تشترى عربيه فانتازيا كامله ومش هتخسر كتير فى اعاده البيع وفتيسها تيب ترونيك

[tamersalah]

يعني هو السعر أقل من اللي أنا كنت حاطه في بالي بس مش عارف (أكيد الواحد حاجته غالية عليه)

ومن ناحية تانية الأسعار اللي الواحد شايفها من 170 لحد 190 وأقل كيلومتر 20000

[Moratoz]

يعني هو السعر أقل من اللي أنا كنت حاطه في بالي بس مش عارف (أكيد الواحد حاجته غالية عليه)

ومن ناحية تانية الأسعار اللي الواحد شايفها من 170 لحد 190 وأقل كيلومتر 20000

هوا أقل أه بس كتير قوي السعر ئل حضرتك طالبه 85000

[Ahmed.Fahmy]

انا معاك ان الرابيد شكل جديد وعربية زير ولكن... مانوال وصغيرة وبصراحة حرام تدفع فلوس كتير فى عربية مانوال
الفانتازيا هتبقى شكل اقل اوبشن اعلى اوسع سعر اعادة بيع افضل نسبة الى الفتيس الاوتو والانتشار لان محدش بيشترى مانوال بالساهل خلاص.. هتقول زيى انا كنت ظالم نفسى بالعربية المانوال دى
طبعا الفانتازيا بطة فى الطلعة لكن اوصل بيها للغيار التانى شكرا هتستجيب معاك عادى جدا
ونصيحة ماتفكرش بمبدأ انا مش فارق معايا الاوبشن دا لانك هتحس انك ماكنتش راكب عربية لما تبدا تعيش فى الاوبشنز ولما تكون الرابيد مافيهاش تحكم فى الزجاج الخلفى تبقى تفتقر التجهيزات الاساسة لان دا مش اوبشن

ملحوظة الموتور الكامتين 110 والكامة واحد 105 حصان... ولا هتحس بفرق

وبما انك بتسافر كتير يعنى بتسوق كتير فهتحتاج فتيس اوتو اوبشن عشان السواقة تبقى امتع واسهل وسع عشان تعد مرتاح وقطع غيار منتشرة عشان الصيانات واكيد عوامل الامان ربنا يحفظك من الطريق

ربنا يوفقك للخير

[Ahmed.Fahmy]

حاجة كمان صحيح الرابيد فئة اقل من الاوكتافيا حتى الa4 واعلى من الفابيا ما بينهم يعنى وبتنزل برا مصر من زمان واول مرة تدخل مصر وللسبب دا الله اعلم بنجاحها لان اللى بيقدر على الاسعار وقطع الغيار بتاعة سكودا بيدور على اوكتافيا وبتمن الرابيد ممكن يجيب حاجو احسن كتير يعنى ممكن سوقها ما يمشيش فى مصر

[Moratoz]

ملحوظه ممكن يكون الأوبش مش فارق معاك انهاردة بس لو جلست جوة الفنتازيا اسبوع مش هتعرف تبص علي الرابيد خالص ويمكن علشان هي مش فارقه كتير عن a4 فدا مش عامل معاك فرق كبير مع اختلاف جودة خامات التابلوه لصالح a4