البطارية بتشتغلنى

[forti]

السلام عليكم
البطارية عملت حركة غريبة معايا انهاردة نزلت بدور لقيت الكهربا ضعيفة اوى و المرش عمل تكتكة كده فى الاول و مات بعد كده .. اجلت المشوار لحد ما بابا رجع من الشغل
لما بابا رجع خدت وصلة من عربية الشغل و العربية دارت فى ثوانى .. قفلتها و سبتها دايرة لحد ما اتغدينا و نزلت لفيت شوية بيها و رجعت بطلت و دارت عادى جدا .. طلعت حبة و نزلت اجرب ادورها تانى دارت عادى بردو سبحان الله .. طاب كده البطارية كويسة و لا ايه انا خايف تعملها معايا تانى
* البطارية كوبا كورى جافة 62 امبير بقالها 4 سنين و نص

[Moratoz]

يا راجل ٤.٥ سنه وخائف تبقي خلاص
غير علي طول بعد الكشف عليها

[aminyassien]

٤سنين و نص.

[Ahmed Amin]

ربنا يبارك فيها والله, بنت حلال وأصيلة أنها قعدت كل دا.

[aldesha989]

ما شاء الله تبارك الله بطاريه تقعد اربع سنين ونص ده رقم قياسى اعتقد :d

عمومآ مدام ما عملتش كده تانى يبقى ممكن كان فى حاجه شغال او كتاوت معلقه هى اللى فضت البطاريه بس حاول تكشف علشان ما تعملهاش تانى

[وائل شويخ2]

كفايه كده
كتر خيرها على كده يابرنس
ده بكتيره البطاريه معايا تلات سنيين

[madman2002]

غالبا كده خلاص هتتغير

[saddam]

صديقي المواطن
إنت شخصية.محظوظة فطبعا البطارية.كده في آخر أيامها وإنته كده لازم.تحنطها دي أعجوبة أي نعم.البطارية الحقيقية اﻷمريكية بتقعد الجافة 5 سنين ولكن دلوأتي البطارية تقعد سنتين فدي جيدة.واللي تقعد 3 سنين فدي ممتازة ويتاخدلها صورة وتحطها عندك في صالون البيت ودمتم للنضال

[sakr_skoda]

اربع سنوات ونصف بسم الله مشاء الله دى بكدا ممكن تدخل بيها موسوعة جيمس....

[Haitham Basha]

يا سبحان الله أنا لو البطرية كملت سنتين بديها تعظيم سلام شوف يا باشا هي كده بقت عشرة سنين فعلاً خليها و خويها بهزر طبعاً يا كبير غيرها و تعيش و تغير :)

[forti]

شكله رقم قياسى فعلا .. هو انا اما شوفت الضمان بتاعها لقيت التاريخ شهر 2 سنة 2009 .. المهم انا هجربها الصبح لو دارت خلاص انما او عملتها بقى نغير و نتوكل على الله بس ايه رايكم اجيب ايه انا بفكر اجيب نفس الماركو دى بما انها قعدت اربع سنين و نص

[Ahmed Amin]

شكله رقم قياسى فعلا .. هو انا اما شوفت الضمان بتاعها لقيت التاريخ شهر 2 سنة 2009 .. المهم انا هجربها الصبح لو دارت خلاص انما او عملتها بقى نغير

لو دارت خلاص أيه بس ؟؟؟
هوا أنت لسه مقتنعتش بكل الأراء دي,, ومستني لما تقطع بيك في مشوار أو في حتة متعرفش تاخد بيها توصيلة حتة من حد ؟

لو عربيتك مانيوال مفيش مشكلة أنك تخليها شوية عشان ممكن تعرف ترمي بالعربية وتدور,
لكن لو عربيتك أوتو يبقي متزعلش لو وقفت بيك في حتة مفهاش مكان تاخد منه توصيله ومعرفتش تدورها.

[طارق _عبد السلام]

الجافه كده اعطت الضوء الاخضر للتغيير

ممكن تعملها معاك فى مكان غلس وتزعلك غيرها افضل وبسرعه

بس وانت بتشيل القديمه اديها تعظيم سلام وقلها هتوحشينى يا غاليه لانها بجد بنت اصل

[forti]

رحت كشفت عليها قالى هى كده بداية النهاية فغيرتها بواحدة سعودى كده هبقى اكتبلكم اسمها