جنوط السياره

[mohammedrefaat]

نا عربيتى باسات 2008 هاى لاين
كنت راجع يوم الجمعه من الساحل و كنت سايق العربيه فى الوصله بتاع المرازيق (( الطريق اللى قدام مركز تدريب دهشور بتاع الجيش )
المهم كان فيه زى كسر فى الاسفلت و ما اخدتش بالى منه المهم حاولت افاديه فالعربه جات فيه بالفردتين اليمين
و فى ساعتها لقيت فيه صوت رفه فى العربيه و العربيه كلها بتترج
المهم نزلت غيرت الفرده اللى ورا بالاستبن بتاع العربيه و لقيت الفرده اللى ورا كانت فيها عوجه فى الجنط من جوه
المهم بعد ماغيرتها لقيت الصوت راح بس الهزه موجوده بسيط و بتزيد لما اوصل للميه و الصوت يرجع تانى بس بيبقى صوته واطى مش زى الاول
فانا كده خمنت ان فرده الجنط اللى قدام كمان اتعوجت هى التانيه زى الاول
اتصلت بالوكيل علشان اعرف الفرده موجوده نفس الشكل و سعرها كام و لا حياة لمن تنادى ( ماحدش رد عليا )
سالت اذا كان ممكن استعدل الجنط اللى اتعوج فيه ناس قالتلى مش بيستعدل بيتغير على طول
و ناس قالتلى ممكن يتسعدل ... فانا مش عارف ؟؟
كمان انا عايز اعرف هو الجنط السبور بتاع العربيه ممكن الاقيه فين و بكام و لو فيه ارقام تليفون يبقى كده تمام
و هل لازم اشترى طقم الجنوط كامل ( الاربع فرد ) ولا ممكن اشترى فرده فرده عادى ؟؟؟

ممكن كمان اعرف هى ممكن الخبطه دى تكون اثرت فى ايه تانى غير الجنوط اللى اتعوجت دى
و ياريت حد يرد عليا بالعربى و النبى و بلاش مصطلحات و حركات

انا نزلت الموضوع فى قسم الفولكس بس تقريبا مافيش رد فقلت انزله هنا لانى اسكوداوى قديم اولاا و ثانيا القسم هنا نش جدا عن قسم فولكس .. و شكرا للمساعده

[Omar.Shawki]

معلش قدر الله وماشاء فعل
انا رأيى لو الجنط اتعوج تغيرهم وبلاش استعدال وممكن تشترى 2 بس وتحطهم الاتنين قدام واللى سليم قدام تجيبه ورا
وطبعا ترفع العربية وتكشف على العفشة ليكون فى مقص اتعوج لاقدر الله وتطمن

بعد كده ظبط زوايا وترصيص وان شاء الله خير

الجنوط ممكن تلاقيهم فى محلات الكاوتش والجنوط الكبيرة

[mo3tazanas]

نا عربيتى باسات 2008 هاى لاين
كنت راجع يوم الجمعه من الساحل و كنت سايق العربيه فى الوصله بتاع المرازيق (( الطريق اللى قدام مركز تدريب دهشور بتاع الجيش )
المهم كان فيه زى كسر فى الاسفلت و ما اخدتش بالى منه المهم حاولت افاديه فالعربه جات فيه بالفردتين اليمين
و فى ساعتها لقيت فيه صوت رفه فى العربيه و العربيه كلها بتترج
المهم نزلت غيرت الفرده اللى ورا بالاستبن بتاع العربيه و لقيت الفرده اللى ورا كانت فيها عوجه فى الجنط من جوه
المهم بعد ماغيرتها لقيت الصوت راح بس الهزه موجوده بسيط و بتزيد لما اوصل للميه و الصوت يرجع تانى بس بيبقى صوته واطى مش زى الاول
فانا كده خمنت ان فرده الجنط اللى قدام كمان اتعوجت هى التانيه زى الاول
اتصلت بالوكيل علشان اعرف الفرده موجوده نفس الشكل و سعرها كام و لا حياة لمن تنادى ( ماحدش رد عليا )
سالت اذا كان ممكن استعدل الجنط اللى اتعوج فيه ناس قالتلى مش بيستعدل بيتغير على طول
و ناس قالتلى ممكن يتسعدل ... فانا مش عارف ؟؟
كمان انا عايز اعرف هو الجنط السبور بتاع العربيه ممكن الاقيه فين و بكام و لو فيه ارقام تليفون يبقى كده تمام
و هل لازم اشترى طقم الجنوط كامل ( الاربع فرد ) ولا ممكن اشترى فرده فرده عادى ؟؟؟

ممكن كمان اعرف هى ممكن الخبطه دى تكون اثرت فى ايه تانى غير الجنوط اللى اتعوجت دى
و ياريت حد يرد عليا بالعربى و النبى و بلاش مصطلحات و حركات

انا نزلت الموضوع فى قسم الفولكس بس تقريبا مافيش رد فقلت انزله هنا لانى اسكوداوى قديم اولاا و ثانيا القسم هنا نش جدا عن قسم فولكس .. و شكرا للمساعده

اولا دة نصيب وقدر الله وماشاء فعل
ثانيا قدامك حل من الاتنين ياتشترى جنطين استعمال نفس الرسمة اللى معاك ودى انت وحظك لان الراجل اللى بيبيع الطقم ممكن ما يرضاش ويقولك لا انا بطلع الطقم على بعضة وممكن ربنا يسهلك وتلقيهم ويرضا يطلعهملك واعتقد سعرهم هيبقى غالى شوية .الحل التانى وهو انك تستعدلهم وهما فعلا بيستعدلو وبيرجعوا زى الاول كمان حتى لو كان اتكسر منة حتة بيملها وبيرجع تانى زى الاول ودة عن تجربة فى جنطين المانى كانوا راكبين عاندى فى الجنب الشمال واخدت بيهم مطب وروحت استعدلتهم وكمان كان فى واحد منهم شفتة اتكسرت وملها ورجع زى الاول واخد فى الجنط الواحد 150ج واللى كان عايز يتعمله شفة خد 200ج

[Moratoz]

اولا دة نصيب وقدر الله وماشاء فعل
ثانيا قدامك حل من الاتنين ياتشترى جنطين استعمال نفس الرسمة اللى معاك ودى انت وحظك لان الراجل اللى بيبيع الطقم ممكن ما يرضاش ويقولك لا انا بطلع الطقم على بعضة وممكن ربنا يسهلك وتلقيهم ويرضا يطلعهملك واعتقد سعرهم هيبقى غالى شوية .الحل التانى وهو انك تستعدلهم وهما فعلا بيستعدلو وبيرجعوا زى الاول كمان حتى لو كان اتكسر منة حتة بيملها وبيرجع تانى زى الاول ودة عن تجربة فى جنطين المانى كانوا راكبين عاندى فى الجنب الشمال واخدت بيهم مطب وروحت استعدلتهم وكمان كان فى واحد منهم شفتة اتكسرت وملها ورجع زى الاول واخد فى الجنط الواحد 150ج واللى كان عايز يتعمله شفة خد 200ج

كمل جميلك وقول فين والعنوان لو امكن ولصاحب الموضوع يجرب كده كده استبدال الجنط ثم الترصيص ويشوف النتيجة لو نفع هيكون وفر كتير

[mo3tazanas]

كمل جميلك وقول فين والعنوان لو امكن ولصاحب الموضوع يجرب كده كده استبدال الجنط ثم الترصيص ويشوف النتيجة لو نفع هيكون وفر كتير

هو الرجل دة فى اسكندرية وسافرتلة مخصوص من طنطا لاسكندرية علشان محترف بطريقة مستفزة فى موضوع استعدال الجنوط برنس يعنى بس هو يمكن يكون غالى بس دة فى مقابل احترافيتة فى صنعتة

[mohammedrefaat]

كمل جميلك وقول فين والعنوان لو امكن ولصاحب الموضوع يجرب كده كده استبدال الجنط ثم الترصيص ويشوف النتيجة لو نفع هيكون وفر كتير

هو الرجل دة فى اسكندرية وسافرتلة مخصوص من طنطا لاسكندرية علشان محترف بطريقة مستفزة فى موضوع استعدال الجنوط برنس يعنى بس هو يمكن يكون غالى بس دة فى مقابل احترافيتة فى صنعتة

يا راجل دانا فرحت لما قلتلى انه ينفه يستعدلوا
و زعلت اوى اوى اوى لانك قلتلى انه فى اسكندريه
انا بين و بين اسكندريه حوالى 5 ساعات سواقه
انا من بنى سويف ... مافيش حد اقرب من كده شويه ؟؟؟
احسن ده مشوار فشييييخ

[mo3tazanas]

يا راجل دانا فرحت لما قلتلى انه ينفه يستعدلوا
و زعلت اوى اوى اوى لانك قلتلى انه فى اسكندريه
انا بين و بين اسكندريه حوالى 5 ساعات سواقه
انا من بنى سويف ... مافيش حد اقرب من كده شويه ؟؟؟
احسن ده مشوار فشييييخ

ياباشا بنى سويف لوحدها مشوار فشخ وانا معرفش حد هناك بصراحة ولا اعرف حد فى القاهرة

[Moratoz]

الله يكون في عونك انا اسمع ان في ماس في معروف بالقاهرة بتعمل استعدال الجنط وفي احمد سعيد كمان ممكن حضرتك تعمل موضوع في القسم العام ونشوف يمكن حد عارف

[ayman20100]

فيه ناس بتستعدل الجنوط وتصلحها فوق نفق الملك الصالح
ناس كتير اتعاملت معاهم وهما متخصصين في كده

[طارق _عبد السلام]

علشان تتأكد ان الهزه من الجنط الاول حط الجنط الموجود فى العربيه على جهاز ترصيص وشوف الجنط معووج ولا لا
لان ممكن يكون المشكله فى كوبلن داخلى تعمل معاك رجرجه وممكن فعلا الجنط اتعوج
لكن الجنط المعووج فيه ناس فى المنصوره برده بتستعدل بس انت فعلا مكانك بعيد عن المشاوير دى

[mohammedrefaat]

انا شوفت الجنطين امبارح وفكتهم
عاملين زى مايكون واحد شارب بيبسى كان 355 مللم من اللى بتطلع مزيكا و خليت عدويه يغنى مع وسط البلد
و بع ماخلص الكان راح عاصرها بايده
مش عارف بقى هلاقى حد يبيعلى جنطين اتنين بس ولا لازم اشترى طقم كامل و لو اشتريت طقم كامل هاعمل
ايه فى الجنطين السلام
هاعرف ابيعهم مثلا ولا هالبسهم ولا ايه بالظبط

[saddam]

يا راجل دانا فرحت لما قلتلى انه ينفه يستعدلوا
و زعلت اوى اوى اوى لانك قلتلى انه فى اسكندريه
انا بين و بين اسكندريه حوالى 5 ساعات سواقه
انا من بنى سويف ... مافيش حد اقرب من كده شويه ؟؟؟
احسن ده مشوار فشييييخ

صديقي المواطن تطلع على الراجل المتواجد فوق كوبري الملك الصالح في القاهرة بعد المنيل حيستعدل ويعوض شفة ويلحم الجنط عالفبريكة ب 200 أو 175'أو 225 جنيه حسب الشغل ولت تقول إسكندرية.ولا تقول حرفيين بس التسليم غالبا بعد يومين أو ثلاثة فتحسب حسابك ودمتم للنضال

[Moratoz]

صديقي المواطن تطلع على الراجل المتواجد فوق كوبري الملك الصالح في القاهرة بعد المنيل حيستعدل ويعوض شفة ويلحم الجنط عالفبريكة ب 200 أو 175'أو 225 جنيه حسب الشغل ولت تقول إسكندرية.ولا تقول حرفيين بس التسليم غالبا بعد يومين أو ثلاثة فتحسب حسابك ودمتم للنضال

فعلا ان كنت سمعت عن الراجل دا كذا مرة قبل كدة واكيد المشوار اوفر وقت وفلوس عن اسكندريه

[ramyelkably]

انا عارف الموضوع قديم شويه بس حبيت اقولكم اني لسه مستعدل جنطين 17 عند المحلات اللي فوق كوبري الملك الصالح اخد مني 240 جنيه حاسسهم كتير جدا الصراحه بس قدر الله ... المهم هما متخصصيين في الموضوع ده والوقت حوالي ساعه