تقييم زيارتي الاولي لمركز ارتوك اوتو القطاميه

[man_from_shado]

توجهت لمركز الصياته لعمل صيانه 20000كيلو لسيارتي الفانتازيا موديل 2012 بالاضافه انه كان في بعض الشاكل في السياره وهي
1 وجود عيب في كاسيت السياره ان الاسطوانات بتعلق واخر اسطوانه مكنتش عايزه تخرج من الكاسيت بالرغم من استخدام اسطوانات اصليه
2 وجود عيب في وحده رفع الزجاج الايمن يتمثل في ان احيانا كنت لما اجي اقفل الزجاج يطلع وينزل تاني وكنت علشان اقفله احاول اكتر من مره
قابلني مهندس الاستقبال وقلتله ع اللي في العربيه وطبعا كنت حاجز قبل م اروح واستلم مني العربيه الساعه 10.15 صباحا وحددلي ميعاد استلام العربيه الساعه 3.30 مساء
بصراحه انا كنت قلقان ان ميصلحوش العيوب اللي انا قلت عليها بالرغم ان العربيه في الضمان وكنت عامل حسابي ان هعمل مشكله وهيقلولي عيب استخدام ودا محصلش طبعا
وعندما جاء ميعاد استلام السياره فوجئت بالاتي
1تم تغيير الكاسيت ع الضمان
2 تم تغيير وحده الرفه بتاعه الزجاج ع الضمان
3 تم عمل صياته 20000 كيلو
وكل دا تم دون ان اتكلم معاهم في اي حاجه
فشكرا للخدمه المحترمه من ارتوك اوتو وانا لو كنت في اي توكيل تاني اي ماركه اخري مستحيل ع الاقل كانوا هيغيروا الكاسيت
ففعلا دا خدمه محترمه
وكمان بعد م عملت الصيانه بحوالي اسبوع لقيت التوكيل بيتصل بيا وبيسالني عن مستوي الخدمه وان كان ليا اي شكوي وتقييمي للخدمه المقدمه

[waelamin123]

مكن بعد اذن حضرتك نعرف تكلفة صيانة 20000 فى حدود كام

[aminyassien]

والله حاجة كويسة فعلا.

[man_from_shado]

مكن بعد اذن حضرتك نعرف تكلفة صيانة 20000 فى حدود كام

كلفتني 950 جنيه شامله تغيير زيت وفلتر زيت وهوا وتكييف واحيانا بيغيروا فلتر بنزين بس دا بيتوقف ع حالته

[unl0veable]

مبروك ياباشا وربنا يجعلها اخر التصليحات ان شاء الله

[شاهين - بنز]

أنا فعلا كنت لسه هناك من كم يوم بعمل صيانة ال ٣٠٠٠٠ ألف وبجد ذهلت جدا إن ممكن يكون في مصر مثالية بالشكل ده مركز فخم ونضيف جدا جدا وتعاملهم أكثر من رائع وبيهتموا أوي بأي شكوى بتتقالهم عن العربية

[Samir_Adel]

مؤشر جميل.. و مبروك علي الصيانة و عقبال صيانة ال100.

[S O P H O S]

مبروك الصيانة