طلب تسعير اوكتفيا a4 2006 اتوماتيك

[drramy]

الحمد للة خلصت من العربية اللى كانت معايا وبدور على عربية تانية .فى عربية عاندى فى الشارع اوكتفيا 2006 اتوماتيك فابريكا بالكامل عدا الاكصدام اللى قدام صاحبها عارضها للبيع وطالب 90الف
وممكن ننزل معاة شوية مفهاش جنوط اسبور وفيها بعض الخرابيش البسيطة بس فى المجمل نضيفة وصالونها نضيف جداا.العربية دى اخرها كام /او نخلص فيها على كام ؟؟؟؟
ارجوا المساعدة بسرعة

[drramy]

نسيت اقول ماشية 100الف

[mo3tazanas]

اولا اكشف على العربية كويس وبالكمبيوتر
ثانيا بالنسبة للسعر هى الاسعار مجنونة اليومين دول وكل واحد بيطلب اللى عايزة وعلى العموم لو نضيفة زى ما بتقول ممكن تتكلم معاة فى 86 -87

[Moratoz]

اعتقد اخر يبقي ٨٥ لو نضيفه قوي وبعد الكشف في مركز متخصص

[mohamedbook]

اكشف عليها كويس عشان لو محتاج مصاريف هتخش معاك في مبلغ محترم
اقل واجب 10 بواكي
لو عندك مشاكل في العفشة ولا التكييف او اي حورات تاني ده لو الفتيس والمتور سليم مفيهوش اي مشاكل

[MOstafa Hashem]

85 أخرهاااا

[magedkahla]

100 ألف ليه خير ياعم الناس اتجنتت خلاص في الأسعار انا من سنة جايب واحده a4 2007 كانت ماشية 50 ألف كيلو مخلص فيها على 94 ألف ومكنتش محتاجة غير تيل فرامل وحجات بسيطة في العفشة جلب مقصاط وبطحات وخلاص على كده آخرها من 80 لـــ 85 ألف ده لو على الشعرة مش محتاجة حاجه

[Moratoz]

100 ألف ليه خير ياعم الناس اتجنتت خلاص في الأسعار انا من سنة جايب واحده a4 2007 كانت ماشية 50 ألف كيلو مخلص فيها على 94 ألف ومكنتش محتاجة غير تيل فرامل وحجات بسيطة في العفشة جلب مقصاط وبطحات وخلاص على كده آخرها من 80 لـــ 85 ألف ده لو على الشعرة مش محتاجة حاجه

100 ك وليس سعر

[mo3tazanas]

100 ألف ليه خير ياعم الناس اتجنتت خلاص في الأسعار انا من سنة جايب واحده a4 2007 كانت ماشية 50 ألف كيلو مخلص فيها على 94 ألف ومكنتش محتاجة غير تيل فرامل وحجات بسيطة في العفشة جلب مقصاط وبطحات وخلاص على كده آخرها من 80 لـــ 85 ألف ده لو على الشعرة مش محتاجة حاجه

سيدى الفاضل لما 2007 من سنة انت جايبها ب94 الف يبقى فعلا كلامى مظبوط ان الاسعار عالية لان الراجل بيتكلم فى فرق سنة واحدة فى الموديل ودى عينة من الاسعار اللى فى السوق اليومين دول
http://www........cars.com/usedcars_...?CarID=1381112
http://www........cars.com/usedcars_...?CarID=1380826
اية رايك بقى فى الاسعار ؟؟؟؟
يعنى العربية لو نضيفة وخلص على 86 او 87 الف تبقى لقطة

[drramy]

باركولى ياجماعة الحمد للة خلصت فى العربية على 87500الف بالعافية ودة بعد الكشف عليها وكلة تمام عدا بعض الاشياء البسيطة زى عايزة تغير جلب مقصات + اولسيل كويلر الماتور بيجيب زيت والراجل قالى دى حاجة بسيطة +عدم وجود المساحة الخلفية بس الماتور شغال وبيطلع مياة +فبرة البيانوا بتاعة الهواية او الفبرة اللى بتوصل بالمانفول وفلتر الهواء عايزة تتغير + 2هواية تكيف اللى جوة فى الصالون مكسرين والمخدع اللى فى النص مكسور
بس الحمد للة الماتور تمام وجايب كبس 82 % والفتيس تمام

[Survival]

ما شاء الله و لا حول و لا قوة الا بالله مبروك عليك العربية الجديدة.

[aminyassien]

الف الف مبروك العربية
ربنا بارك لك فيها و يكفيك شرها

كبست الموتور فين ؟