شحم علي صاج الرفرف الخلفي من الداخل

[msspower]

السلام عليكم ورحمة الله وبركاته
امبارح كنت مع قريبي ومعانا العربية a4 وخدت خبطة في الرفرف الشمال اللي ورا المهم الصاج اتطبق شوية. فتحنا الشنطة ورفعنا الفرش بتاع الشنطة ورديته بايدي فرجع لوضعه. الغريب بقي ان ايدي اتعفصت شحم. السؤال بقي ده طبيعي ولا صاحب العربية اللي خدناها منه هو اللي ممكن يكون عامل كده؟؟
a4 موديل 2000 كاملة اتوماتيك ماشية 80000 كلم استيراد من بورسعيد

كمان في حاجة تانية .وصلنا بجهاز الفحص طلع خطأ في حساس maf مع ان العربية مفيهاش اي مشكلة وسحبها كويس ما شاء الله

[msspower]

انا قصدي ان موضوع الشحم اللي مدهون بيه الصاج من الداخل ده بييجي كده مع العربية ولا صاحبها ممكن يكون داهنها عشان الصدي والبارومة مثلا

[msspower]

هو ليه مفيش حد بيرد عليا ؟؟؟؟؟؟؟؟؟
نفس اللي حصل معايا في موضوع تجميع بيانات a4 كانت الناس بترد عليا بالعافية.
انا باسأل عشان اعرف واظن المنتدي معمول عشان كده

[abou-yahia]

مهو اكيد اللي بيعرف حيقول
ومش معقول حضرتك تطلب ان اي حد يرد بدون مايكون عنده معلومه
وعموما ذي ما حضرتك تفضلت المنتدي فعلا معمول عشان الناس تفيد بعضيها
بس المشكلة انه مش كول سنتر
:)

[Moratoz]

مهو اكيد اللي بيعرف حيقول
ومش معقول حضرتك تطلب ان اي حد يرد بدون مايكون عنده معلومه
وعموما ذي ما حضرتك تفضلت المنتدي فعلا معمول عشان الناس تفيد بعضيها
بس المشكلة انه مش كول سنتر
:)

+111111
وكمان القسم ليس ورشه اصلاح ولكنه مكان لتبادل الخبرات والمعلومات والمعرفه ان وجدت واكيد مفيش حد عاوز يرد وهوا مش عارف وخلاص
وموضوع تجميع بيانات a4 اعتقد انه كان في تفاعل جيد من الأعضاء ولبس مجرد قيام عضو بالسؤال فأنه يجب مثلا علي باقي الأعضاء الرد في نفس ساعه السؤال
الصبر حتي تأخذ اجابه من عضو يعرف الموضوع

[طارق _عبد السلام]

طبعا كلنا نتمنى خدمه من فى القسم لكن بما نعرفه ولا نريد ان نقول اى معلومه خطأ ولو تلاحظ كل الاخوه هنا فى المنتدى ومن اقسام اخرى لا يبخلون بمعلومه او خبره يعرفونا فى كل الاقسام
زائد ان حضرتك اكتر واحد عارف الشحم ده جى منين لانك انت من رأيته وطبعا اكيد الشنطه محكمه من الاسفل ولا يوجد مصدر لدخول الشحم من اى جهه لان الشحم الوحيد القريب منها شحم العجله الخلفيه وده على قد البليه مش كتير ومش ممكن يطلع للشنطه نهائى
فالاحتمال الاكيد صاحب العربيه فارش شحم على الصاج علشان البارومه والعزل على ما اظن

واهلا بيك ونعتذر عن التاخر فى الرد

[abou-yahia]

هو ليه مفيش حد بيرد عليا ؟؟؟؟؟؟؟؟؟
نفس اللي حصل معايا في موضوع تجميع بيانات a4 كانت الناس بترد عليا بالعافية.
انا باسأل عشان اعرف واظن المنتدي معمول عشان كده

انت فين ياراجل مش معقوله كده

سايبنا كده ومش سائل فينا

ده اسمه كلام

[msspower]

طبعا كلنا نتمنى خدمه من فى القسم لكن بما نعرفه ولا نريد ان نقول اى معلومه خطأ ولو تلاحظ كل الاخوه هنا فى المنتدى ومن اقسام اخرى لا يبخلون بمعلومه او خبره يعرفونا فى كل الاقسام
زائد ان حضرتك اكتر واحد عارف الشحم ده جى منين لانك انت من رأيته وطبعا اكيد الشنطه محكمه من الاسفل ولا يوجد مصدر لدخول الشحم من اى جهه لان الشحم الوحيد القريب منها شحم العجله الخلفيه وده على قد البليه مش كتير ومش ممكن يطلع للشنطه نهائى
فالاحتمال الاكيد صاحب العربيه فارش شحم على الصاج علشان البارومه والعزل على ما اظن

واهلا بيك ونعتذر عن التاخر فى الرد

شكرا يا طارق باشا علي سعة صدرك وتوضيح اسباب المشكلة من غير كلام جاف زي "مش كول سنتر او ان الاخوة الاعضاء مش لازم يردو عليك في نفس ذات اللحظة من السؤال" انا مش بعمل موضوع اسال فيه عن شئ غير بعد البحث الجيد في المنتدي او خارجه منعا لتكرار الاسئلة .
ومفيش داعي للاعتذار ياباشا لان لو كلامي باين فيه اني متضايق فده من عشمي في الاخوة الاعضاء هنا ده حتي من حبي للمنتدي والقسم عامل الهوم بيدج بتاعتي قسم اسكودا

[msspower]

انت فين ياراجل مش معقوله كده

سايبنا كده ومش سائل فينا

ده اسمه كلام

بعد ايه يا راجل ده انتم عملتوا عليا حفلة مواعظ مع ان الموضوع مش مستاهل وبعدين لما تلاقي الزملاء الاعضاء متواجدين في القسم وبيشاركوا في مواضيع ومحدش بيرد عليك اكيد كنت هتحس بنفس شعوري

[abou-yahia]

بعد ايه يا راجل ده انتم عملتوا عليا حفلة مواعظ مع ان الموضوع مش مستاهل وبعدين لما تلاقي الزملاء الاعضاء متواجدين في القسم وبيشاركوا في مواضيع ومحدش بيرد عليك اكيد كنت هتحس بنفس شعوري

متاخدش الموضوع بالطريقه ديه

ومكنش ابقصد حفله والكلام ده

احنا هنا بنحترم بعض واكيد انا عارف انك بتسال للافاده

بس الموضوع ده متكرر في المنتدي فبيلزم التنبيه مش اكتر

خير ان شاء الله

اسفين علي سوء الفهم

[msspower]

متاخدش الموضوع بالطريقه ديه

ومكنش ابقصد حفله والكلام ده

احنا هنا بنحترم بعض واكيد انا عارف انك بتسال للافاده

بس الموضوع ده متكرر في المنتدي فبيلزم التنبيه مش اكتر

خير ان شاء الله

اسفين علي سوء الفهم

ولا يهمك يا كبير انا عارف الروح الجميلة اللي بين الاعضاء هنا لدرجة ان واحد مفيش بينك وبينه سابق معرفة وتنزل معاه عشان تعمله شغل في عربيته يبقي اكيد ناس بتحب الخير لبعض وعموما انا مش بزعل كلنا اخوات