عايز اشترى a4 ساعدونى جزاكم الله خير

[aboomar22]

بصوا يا جماعة الخير انا كنت عايز اشترى عربية من 55 الى 60 الف وكنت بدور على متشوبيشى لانسر كريستالة واحد صاحبى قالى طيب ماتشوف a4 موديل 97 -98 قلتله الاقى بالسعر ده قالى اه هتلاقى بصراحة شكلها عجبنى جدا قولت بقى مفيش الا حبايبنا بقى الا هيدلونى على الصح اولا ممكن الاقى حاجة كويسة فى الحدود دى طيب احبار قطع الغيار ايه والعربية عموما اخبارها ايه من ناحية السخونة واستهلاك البنزين واخبار تكيفها ايه واشوف منها المانوال ولا الاتوماتيك --يعنى من الاخر اختيار صح ولا ايه ولما اجى اشترى ايه الحاجات المهمة اللى ابص عليها وشكرا جزيلا

[mostafa3000]

بصوا يا جماعة الخير انا كنت عايز اشترى عربية من 55 الى 60 الف وكنت بدور على متشوبيشى لانسر كريستالة واحد صاحبى قالى طيب ماتشوف a4 موديل 97 -98 قلتله الاقى بالسعر ده قالى اه هتلاقى بصراحة شكلها عجبنى جدا قولت بقى مفيش الا حبايبنا بقى الا هيدلونى على الصح اولا ممكن الاقى حاجة كويسة فى الحدود دى طيب احبار قطع الغيار ايه والعربية عموما اخبارها ايه من ناحية السخونة واستهلاك البنزين واخبار تكيفها ايه واشوف منها المانوال ولا الاتوماتيك --يعنى من الاخر اختيار صح ولا ايه ولما اجى اشترى ايه الحاجات المهمة اللى ابص عليها وشكرا جزيلا

العربية دي ممتازة واختيار موفق بس المهم الحالة
يعني يكون صاحبها مهتم بالصيانة وبيركب لها قطع غيارها الاصلية
والمبلغ دة يجيب لك موديل اعلي ممكن ٢٠٠٠ او ٢٠٠٢
أنا معايا العربية من الزيرو موديل ٢٠٠٣ وبصراحة عمره ما قلت بأصلها معايا
بس اهم حاجة تكشف عليها كويس

[Moratoz]

اختيار موفق بش طبعا مهم الحاله و المبلغ دا يجيب او ٩٩٩٨ وتبقي عامل حسابك في حدود ٥٠٠٠ جم كمان زياده والمهم مل تستعجلش دور براحتك علشان تجيب حاله نضيفه ولازم تكشف في مراكز متخصصه سكودا وفولكس مش عند ميكانيكي وخلاص ولازم تنحط علي الجهاز علي شان تشوف الحساسات وطبعا باقي الكشف علي الدواخل العادي
تحياتي

[mohamedbook]

العربية ممتازه بس اهم حاجة الحالة
وحاول تجبها اوتوماتك وابعد عن المانيوال عشان خلاص راحت علية وخصوصا لو انت من سكان القاهرة هتتعب جامد مع المانيوال
ربنا يوفقق ان شاء الله للصالح

[aboomar22]

مش عارف اقولكم ايه متشكر جدا على سرعة الرد وعلى كرمك الزائد معايا

[aboomar22]

طيب ياجماعة فيه واحد بيقلى العربية دى بتسخن الكلام ده صحيح وكمان بيقول الاتوماتيط ليها زيت فتيس مخصوص وغالى شوية صح الكلام ده وشكرا جزيلا

[Survival]

حضرتك مفيش مشكلة سخونة مشهورة بالاوكتافيا ممكن يكون قصده الاوبل فكترا و فعلا هى ليها زيت مخصوص للفتيس الاوتو و سعر اللتر حوالى 185ج فى الهاشمية و العربية بتاخد 4 لتر فى الغيار كل 60 الف كيلو و فى نوع زيت تانى المانى بيبقى فى حدود 110 تقريبا.

[aboomar22]

متشكر جدا كده شجعتونى