اعلن التنحى عن منصبى

[forti]

السلام عليكم و رحمة الله و بركاته
انا شايف انى بصراحة مش هقدر اتابع على المنتدى و دخولى بقى قليل و داخل على سنة تقيلة .. قلت عضوية اسكودا تيم المفروض تروح لحد احسن و يقدر يفيد اكتر ..
ده طبعا ميمنعش انى بردو هحاول ادخل من وقت للتانى و اشارك قدر المستطاع ..
و احب اشكر طبعا كل زمايلى فى التيم من استاذ صبحى و المنسى و بشمهندس احمد و استاذ عمرو و احمد مجدى .. و ربنا يديم المعروف

[forti]

و استاذ طارق طبعا .. و بصراحة الواحد اتعلم الكتير فى المنتدى هنا

[inspiron]

ليه كده بس يا اكصلانص

وحِد الله كده ومش الربع ساعة اللي هتخليك تتعطل لما تطل علينا :)

[طارق _عبد السلام]

ليه كدا يادكتور قرار التنحى صعب فعلا .... وانت عارف اللى بيتنحى بيروح فين :)

زى ماالبوب قالك هى الربع ساعه ولو من على موبايل حتى الايه فور عليها شغل جامد فى القسم

ربنا يقدرك وان شاء الله السنه تبقى زى الفل وسهله عليك ان شاء الله

[forti]

الفكرة ان لو حد موجود و ما اكثرهم يقدر يفيد اكتر يبقى اجدر منى و انا ارجع لصفوف الشعب =d لكن انا متأخرش عليكم

[monamize4]

و داخل على سنة تقيلة

ربنا يعينك يا باشا

[Moratoz]

يا دكتور تتنحي ايه بس وبعدين الموضوع مش بالألقاب ولكن بالأفادة الفعليه خليك موجود وحتي لو مشاركاتك قليله بس اكيد مفيدة لأن انتا ايدك في العربيه وعارف حاجات كتير وعلي الأخص مواضيع العمرة وتغيير الموتور
ربنا يوفقك ان شاء الله

[EngAhmedSayed]

لا حول ولا قوة إلا بالله
اخى العزيز الدكتور مصطفى انتا تعلم انى قرار التنحى يعتبر خسارة لنا هنا فى القسم بل اى عضو من اعضاء التيم ورك ككل و هذا الكلام بصدق
و انا من رأى الشخصى عيد التفكير مرة اخرى فى القرار لعلى و عسى ترجع عن قرارك
هنتظر ردك
وربنا يوفقك يارب و تكون فى احسن حال يارب العالمين و اكثر الله من امثالك

تحياتى لك بالتوفيق دائما

ربك المستعان

[المنسي]

يا دكتور تتنحي ايه بس وبعدين الموضوع مش بالألقاب ولكن بالأفادة الفعليه خليك موجود وحتي لو مشاركاتك قليله بس اكيد مفيدة لأن انتا ايدك في العربيه وعارف حاجات كتير وعلي الأخص مواضيع العمرة وتغيير الموتور
ربنا يوفقك ان شاء الله

مش هاقول اكتر من الكلام ده ممكن تكون مشاركاتك قليلة بس مفيدة وعلى العموم القرار فى الاول والاخر يرجع لك

[kareemafifi]

لا يا باشا ما تاخدش القرار ده كفاية مشاركاتك معانا هنا و الله

[forti]

كلامكم ده على راسى من فوق يا جماعة و خلانى افكر تانى بس وصلت لنفس القرار يردو .. ارجو تتقبلوه و باذن الله من وقت للتانى ابقى اطل عليكم :)

[EngAhmedSayed]

كلامكم ده على راسى من فوق يا جماعة و خلانى افكر تانى بس وصلت لنفس القرار يردو .. ارجو تتقبلوه و باذن الله من وقت للتانى ابقى اطل عليكم :)

اولا يا دكتور مصطفى قسم سكودا يعتبر بيتك و مرحب بيك فى اى وقت
ثانيا انا بشكرك و بأسم جروب سكودا جميعا شكر لا يوصف على مجهودك معانا
و ندعو من الله ان يوفقك فى دراستك و حياتك و لك منا كل تقدير واحترام
بالتوفيق ان شاء الله
اخوك و صديقك
م / احمد سيد

[forti]

اولا يا دكتور مصطفى قسم سكودا يعتبر بيتك و مرحب بيك فى اى وقت
ثانيا انا بشكرك و بأسم جروب سكودا جميعا شكر لا يوصف على مجهودك معانا
و ندعو من الله ان يوفقك فى دراستك و حياتك و لك منا كل تقدير واحترام
بالتوفيق ان شاء الله
اخوك و صديقك
م / احمد سيد

شكرا يا بشمهندس احمد و انا اسف المرتين الى كلمتنى فيهم مقدرتش ارد عليك

[msspower]

وليه تحرمنا منك يا دكتور ؟؟؟؟ فكر شوية

[Samah AbdAllah]

دكتور مصطفى
كل الشكر والتقدير من ادارة المنتدى على دورك المميز في قسم سكودا
مجهود واضح في تنظيم القسم وتنسيقه ومساعدة الاعضاء ومتابعة الموضوعات
مضطرين نحترم قرارك :-)
لفترة مؤقتة ;)
وفى انتظار عودتك لفريق عمل سكودا مرة اخرى قريبا ان شاء الله
بالتوفيق ان شاء الله