النيتروجين

[aminyassien]

السلام عليكم
انا ملئت الكاوتش غاز النتروجين بدل الهواء بس حاسس ان الكاوتش نشف و محجر مع ان ضغط الإطارات مظبوط على ٣٠

هل النتروجين بتخلى العربية ناشفه

و شكلى حرجعه هواء تانى.


أرجو الإفادة

[Moratoz]

قيس الضغط عند حد تاني

[lidosasa]

أكيد ضغط الهوا مش مظبوط قيس عند حد تانى والنيتروجين أحسن وأأمن من الهوا العادى

[akmm]

النتروجين افضل بكتييييير .............

[EngAhmedSayed]

دة المفروض العكس النتروجين بيخلى الكاوتش طرى
و مرتاح
ممكن الضغط فى زيادة

[Ahmed Amin]

وأحتمال اللي مليت الأطارات عنده يكون الجهاز اللي عنده منظر ومش بيملأ نيتروجين,
أنصحك لما تحب تملأ الكاوتش نيتروجين تروح عن مركز معتمد ل Bridgestone زي Fit & Fix

وهيا هيا نفس التكلفة, بس بتضمن أنك مش هتتغش,
ولازم طبعا الكاوتش يتفضي من الهواء بالكامل لحد ما الكاوتشة تلزق في الجنط,
سواء فكيت الكاوتش من العربية, أو أترفعت علي رافعه أثناء العملية دي.
بعدها بيتم نفخ الهواء بالنيتروجين وهيا دي الطريقة الوحيدة الصحيحة.

[Silent~Dream]

اعرف الاول انتا كاوتشك بيضظبط على كام و على الاقل احتمال ان ضغطه يزيد قليل جدا و ده امن على الطرق السريعه و ربنا يسترها مع الجميع

[michohat]

اغلب الظن ان اللي مليته مش نيتروجين
وكان ف نصيحه من احد الاصدقاء للحكم ع هل حصل لك غش ام لا باننا ناخد شوية من مكنه النيتروجين بتطلعه ف كوبايه
ونحط فيه عود كبريت مولع
لو طفى يبقى نيتروجين
لو دنه مولع يبقى اكسجين


انا دايخ حد يكون عنده نيتروجين في مدينتي مش لاقي وشكلي هستنى لحد ما انزل القاهرة

[svneleven]

لا أطري و لا أنشف طالما الضغط واحد. واضح أن الضغط مش مظبوط.

[المنسي]

النيتروجين افضل اكيد وبيخلى الكاوتش طرى والعكس الهوا بيخلى الكاوتش ناشف وبتحتاج من وقت للتانى تزوده بعكس النيتروجين ممكن كل فترة تكشف بس على الضغط

[aminyassien]

الله يبارك لكم جميعا
ان شاء الله سيتم عمل اللازم
جزاكم الله خير

[aminyassien]

الحمد لله رحت عند fit fix اللى فى عباس العقاد ظبط النيتروجين و معظم المشكلة راحت
المفاجئة أنهم عاملين عرض مجانا لغاية آخر الشهر للنيتروجين تفريغ و تعبئة
و خصم على الزوايا و كل حاجة

بس لسة بحس بالتعريجات الصغيرة إلى فى الطريق

[Ahmed Amin]

الحمد لله رحت عند fit fix اللى فى عباس العقاد ظبط النيتروجين و معظم المشكلة راحت
المفاجئة أنهم عاملين عرض مجانا لغاية آخر الشهر للنيتروجين تفريغ و تعبئة
و خصم على الزوايا و كل حاجة

بس لسة بحس بالتعريجات الصغيرة إلى فى الطريق

تمام أنك روحت ل Fit & Fix عشان هما أضمن ناس,,

ولو لسه عندك مشكلة في الأحساس بالطريق, يبقي في الغالب عايز تربط عفشة,
لأن النيتروجين بيخلي الكاوتش وأحساس العربية ناعم وطري علي المطبات

بس لو العفشة نفسها مش متربطة, طبيعي تحس بأي حاجة علي الطريق.

[aminyassien]

تمام أنك روحت ل fit & fix عشان هما أضمن ناس,,

ولو لسه عندك مشكلة في الأحساس بالطريق, يبقي في الغالب عايز تربط عفشة,
لأن النيتروجين بيخلي الكاوتش وأحساس العربية ناعم وطري علي المطبات

بس لو العفشة نفسها مش متربطة, طبيعي تحس بأي حاجة علي الطريق.

آه كويسين و كمان مخدوش فلوس عاملين عرض مجانا للنتروجين. حتى آخر سبتمبر
ان شاء الله بكرة حروح لزاهر ازبط العفشة ان شاء الله
شكرًا