أرجو المساعدة - مشكلة تكيف a5

[umaabed]

عندى مشكلة مع تكيف الa5 موديل 2008 خليجى - أنا مالك أول
كنت بسمع صوت أثناء تشغيل التكيف ذى صوت سييييي من فترة لفترة ، رحت نور الدين فى أسكندرية كبس و كشف على الفريون السنه الماضيه 2012- أكتوبر قالى الفريون قليل لكن مافيش تسريب و شحن الفريون (ودى كانت أول مرة منذ شراء العربية)و مشيت تمام
من شهريين رجع الصوت تانى ، رحت نور الدين كبس و كشف و قال نفس الكلام يعنى مافيش تسريب(تانى مرة) ، بعد شهرين حسيت ان كفائة التبريد قلت رحت تانى لنور الدين يوم 14/9و كشفت قالى ضغط الفريون الباقى فى حدود 225 من 525و قالى كده يبقى فيه تسريب من السربتينة الداخليه و دى حتكلف فى حدود 4500 جنيه ، طلبت منه يشحن تانى لغاية ما اشوف حعمل ايه(تالت مرة)!!!!!
دلوقتى انا ماشى بيها الصوت لسه مظهرشى و محتار أعمل ايه , طبعا ان بعمل تنضيف للسربنتينه الخارجيه دائما بالماء و التبريد جيد خاصا فى الصباح و المساء
نصيحتكم أيه و مين كويس فى أسكندرية ممكن يكشف و يفتى فى الموضوع ده ؟

[Moratoz]

مبدئيا روح لحد بتاع تكيف علشان يشوف التسريب ممكن يكون من المواسير او الكمبروسور نفسه ومات خدش قرار غير لما تروح لواحد واثنين

[Omar.Shawki]

اتأكد فعلا ان مفيش تسريب من الكباس او المواسير او البلوف خصوصا البلوف هتلاقى بلف على السبلاى وبلف على الراجع لو مفيش فعلا هيبقى فى السربنينة الداخلية ودى بحوالى 1800 جنيه غير المصنعية وفيها فك للتابلوه طبعا وفى مكان فى قباء كويس جدا ومجربه وفى واحد فى ش دمشق مصر الجديدة وده كويس برضه وبيشتغل فى عربيات عالية مش مجربه وللاسف معرفش حد فى اسكندرية ...بالتوفيق

[umaabed]

يا ريت حد يدلنى على واحد بتاع تكيف كويس فى أسكندرية أو 6 أكتوبر و يا ريت حد يدلنى أذاى أعرف اذا كان فيه تسريب فة البلفات

[Omar.Shawki]

يا ريت حد يدلنى على واحد بتاع تكيف كويس فى أسكندرية أو 6 أكتوبر و يا ريت حد يدلنى أذاى أعرف اذا كان فيه تسريب فة البلفات

ياباشا سهلة زى بلف الكاوتش بالظبط فك الغطا البلاستيك وحتة رغوة صغيرة او نقطتين ميه بتاع الكاوتش ساعات بيحط حاجة من بقه كده لضيق الوقت هههههه وتابع لو فى تسريب
ولو تمام بسفنجة صغيرة او ضغط هواء وشيل الميه واقفل الغطاء البلاستيك تانى

[طارق _عبد السلام]

موضوع قريب جدا من موضوعك مع زميل لى عربيته اوبترا
واكتشف بعد 3 شحنات وكبس كل مره ان التسرين من عند بلف الشحن نفسه او كويل تقريبا ومابيسرب وقت الكبس
وغيره والتكييف ظبط معاه

[saddam]

صديقي المواطن
عليك بالكلام.العلمي روح لواحد وقول له بعد إذنك حطلي صبغة مع الفريون عشان تعرف التسريب منين أغير حاجة ب 4500 ومش متأكد منها هي ولا ﻷ ولكن بالصبغة حيمشي عليها لمبة تحت الحمراء أو تحت البنفسجية وحتشوف بعينك التسريب منين ودمتم للنضال

[umaabed]

1000 شكر يا صدام

حتى الأن التكيف شغال كويس وخاصة بعد تثبيت الحرارة على 22 حستنى لغاية ميرجع الصوت الدال على أنخفاض الفريون و أجرب موضوعا لصبغة و غدا أن شاء الله حكشف على البلف أدعولى
بس ليه سؤال : ذى ما انتو عارفين تكيف ال a5 مالوش زرار فتح و غلق يعنى لازم أقفل من المروحة و طبعا دا شئ ممل ، أنا بسيب التكييف شغال على طول يعنى بيشتغل أول ما شغل العربية -- السؤال هل لما التكيف بيشتغل على طول مع تشغيل الكونتاكت فيه منه ضرر ؟؟ و هل فيه نصيحة بخصوص تشغيل التكيف ؟ و أذاى أعرف أن التكيف بيفصل ؟

[aminyassien]

أحسن واحد من وجهة نظرة هو محمد جابر فى شبرا. خلف مستشفى الصدر اللى فى شارع احمد حلمة

[Moratoz]

ممكن يشتغل من زرار auto بس عاطفي من المروحه

[abohalmos]

عندي برضه مشكلة في a5 موديل ٢٠٠٨

عندي برضه مشكلة في التكييف بتاع اوكتافيا ٢٠٠٨
و شحنت فريون و كان شغاال كويس و بعدين وانا راجع الصعيد قطع خالص
بعد ٥٠٠ كم سفر متواصل ..
وديتها لحد قاس الشحن قالي الفريون بقي زيرو
يعني مفيش خالص و عمل ضغط هواء و قاللي انه التسريب من مسامير الكباس نفسه فيه مسمارين
قولتله ما ينفعش يتلحموا و كدة قالي انه معملهاش قبل كدة و عاوز العربية من اول اليوم يفك الكباس و يحاول و يشوف و كدة فانا قلقت و خدت بعضي و مشيت و لحد دلوقت ماشي من غير التكييف في الصعيد و ما ادراك ما حر الصعيد
و مش عارف اعمل ايه تاني ؟؟؟

[Moratoz]

هي المشكله اتحلت اصلا ن الاول ازي حضرتك كتبت انه كان عندك مشكله في التكيف سابقا فهل تم حلها

[abohalmos]

ازيك يا عمرو باشا

هي المشكله اتحلت اصلا ن الاول ازي حضرتك كتبت انه كان عندك مشكله في التكيف سابقا فهل تم حلها

ازيك يا عمرو باشا

ابدا المشكلة زي ما هي كل اللي حصل اني من اخر مرة كلمتك بخصوص لمبة Abs اللي كانت منورة و قولتلي اروح لمحمد سمير و كان زحمة شوية و الوقت زنق معايا لاني كونت مضطر اسافر الصعيد عشان الشغل و مدارس الاولاد
فانا كونت اتعرفت علي حد في الحرفيين شغال في التوكيل بتاع العبور .. فقولت امر عليه اشوف لو يعرف حاجة او حد في التكييف بتاعها و كان شغال معاه واحد بتاع تكييف و برضه شغال في توكيل العبور .. ( الكلام ده كان اول ما وصلت القاهرة علي طول ) و كشف علي العربية و قاللي انه يشحنها و اقعد بيها كام يوم و اشوف ايه الاخبار قبل ما اغير الكباس .. المهم شحن الفريون و التكييف اشتغل و ادي سقعة ممتازة و كان بيفصل اوقات قليلة للغاية ... و بعدين حصل موضوع اللمبة و اليوم راح عند محمد سمير و اضطريت اسافر بالاولاد بالعربية للصعيد و فضل التكييف شغال ٥٠٠ كم متواصل علي الطريق و بعدين قطع و لما وصلت قست الشحن بتاعه هنا قاللي انه الفريون خلص بسبب تسريب و لما عمل ضغط هواء قاللي انه التسريب من مسامير الكباس نفسه ... عذرا للاطالة و عذرا لازعاجك و ان شاء الله هاكلمك في التليفون
و شكرا لاهتمامك يا صديقي العزيز

[umaabed]

يا جماعة عايز نصيحة
أنا بسيب التكييف شغال على طول يعنى بيشتغل أول ما شغل العربية -- السؤال هل لما التكيف بيشتغل على طول مع تشغيل الكونتاكت فيه منه ضرر ؟؟ و هل فيه نصيحة بخصوص تشغيل التكيف ؟ و أذاى أعرف أن التكيف بيفصل لأنى لم الأحظ عملية الفصل أثناء التشغيل؟

[abou-yahia]

يا جماعة عايز نصيحة
أنا بسيب التكييف شغال على طول يعنى بيشتغل أول ما شغل العربية -- السؤال هل لما التكيف بيشتغل على طول مع تشغيل الكونتاكت فيه منه ضرر ؟؟ و هل فيه نصيحة بخصوص تشغيل التكيف ؟ و أذاى أعرف أن التكيف بيفصل لأنى لم الأحظ عملية الفصل أثناء التشغيل؟

ايوه متشغلش التكييف الا بعد فتره من اداره العربيه علي الاقل 30 ثانيه ويفضل لغايه العربيه تاخد طبيعتها ,عشان التكييف بيعمل حمل علي الموتور.

وقبل ما تقفل العربيه افصل التكييف وسيب المراوح تعمل لمده دقيقتين لغايه ما تطرد الهواء الساقع عشان الرطوبه متعملش رائحه كريهه .
ثم اقفل المراوح وبعد كده العربيه .

الكباس مش بيفصل اللي بيحصل ان معدل دوره الفريون بيقل ليس اكثر عشان كده انت مش بتحس بالنتعه بتاعت الدواره الاولانيه ليه .

تحياتي