الفرق بين نظامي التعليق Multilink و Torsion beam

[islam_gamal50]

السلام عليكم
حبيت افتح النقاش فى موضوع مهم وكتير مننا معندوش معلومات كثيرة عنه فياريت نفيد بعض


في ناس بتفضل ال Torsion beam للسيارات ذات الدفع الامامي من ناحية انة :-
1-اخف فى الوزن من Multilink,
2-تكلفتة اقل,
3- بسيط وسهل صيانتة,
4-القدرة على حمل اوزان ثقيلة بدون القلق على تاكل الكاوتش وظبط زوايا العجل
5- لا يشغل حجم كبير وبالتالي يسمح بوسع الشنطة والكنبة لخلفية

وفي ناس بتقول ان Multilink افضل لان كل عجلة مستقلة ولها حرية حركة اكثر وبالتالي يجعل السياره مرنة اكثر وخصوصا فى الطرق الوعرة

طبعا دي مقارنة من ناحية شخص مستخدم عادي مش متخصص وياريت اعضاء القسم يفيدونا اكثر من الناحية الميكانيكية والاعتمادية

وشكرا

[amrelsaqqa]

انا هقول معلوماتى المتواضعة عن انظمة التعليق الخلفى

مبدأيا طبعا المالتى لينك افضل لانه ببساطة اعقد في التصميم وبينزل في الفئات العالية من العربيات ، ده غير ميزاته في الراحة وزيادة ثبات العربية ، حتى اعتقد والله اعلم انه ممكن يتعمل له صيانة او تغيير بعض اجزاءه ( ولو انها هتكون مكلفة )
انما نظام الدونجل لو اتعوج يبقى لازم يتغير وعمره ما بيرجع لاصله تانى لو حد حاول يستعدله


نظام التورشن بيم ، مش سيء ويعتبر برضه كل عجلة شبه مستقلة بذاتها semi-independent لان كلمة تورشن torsion معناها التواء ، يعنى البيم ده او الشعاع الحديدي ده مصمم بحيث انه فيه درجة من الالتواء تسمح ببعض الاستقلالية في حركة كل عجلة ، ولكن طبعا مش الاستقلال الكامل زي المالتى لينك

التورشن عملى في العربيات الصغيرة ويجمع بين ميزات المالتى لينك ورخيص زي الـ dual link ولكن افضل منه في الثبات واقل درجة بسيطة جدا في الراحة
الديوال لينك ده موجود في عربيات زي الفيرنا ، كل عجلة مستقلة ولكن التصميم نفسه مش بدرجة تعقيد المالتى لينك ومش بيحافظ على ثبات العربية زي المالتى

الخلاصة في وجهة نظري ، المالتى لينك له عربياته وله سعره للى غاويه ، والتورشن يعتبر عملى جدا كسعر واداء للعربيات الاقتصادية والمتوسطة وبيوفر نقطة الالتقاء بين كل العوامل : (التكلفة والراحة والوسع الداخلى والثبات)

حاجة كمان عاوز اقولها التورشن الكوري غير اليابانى غير الفرنساوى غير الالمانى ... ( من ناحية الثبات والراحة )

[islam_gamal50]

انا هقول معلوماتى المتواضعة عن انظمة التعليق الخلفى

مبدأيا طبعا المالتى لينك افضل لانه ببساطة اعقد في التصميم وبينزل في الفئات العالية من العربيات ، ده غير ميزاته في الراحة وزيادة ثبات العربية ، حتى اعتقد والله اعلم انه ممكن يتعمل له صيانة او تغيير بعض اجزاءه ( ولو انها هتكون مكلفة )
انما نظام الدونجل لو اتعوج يبقى لازم يتغير وعمره ما بيرجع لاصله تانى لو حد حاول يستعدله


نظام التورشن بيم ، مش سيء ويعتبر برضه كل عجلة شبه مستقلة بذاتها semi-independent لان كلمة تورشن torsion معناها التواء ، يعنى البيم ده او الشعاع الحديدي ده مصمم بحيث انه فيه درجة من الالتواء تسمح ببعض الاستقلالية في حركة كل عجلة ، ولكن طبعا مش الاستقلال الكامل زي المالتى لينك

التورشن عملى في العربيات الصغيرة ويجمع بين ميزات المالتى لينك ورخيص زي الـ dual link ولكن افضل منه في الثبات واقل درجة بسيطة جدا في الراحة
الديوال لينك ده موجود في عربيات زي الفيرنا ، كل عجلة مستقلة ولكن التصميم نفسه مش بدرجة تعقيد المالتى لينك ومش بيحافظ على ثبات العربية زي المالتى

الخلاصة في وجهة نظري ، المالتى لينك له عربياته وله سعره للى غاويه ، والتورشن يعتبر عملى جدا كسعر واداء للعربيات الاقتصادية والمتوسطة وبيوفر نقطة الالتقاء بين كل العوامل : (التكلفة والراحة والوسع الداخلى والثبات)

حاجة كمان عاوز اقولها التورشن الكوري غير اليابانى غير الفرنساوى غير الالمانى ... ( من ناحية الثبات والراحة )

تسلم يا باشا بس عندي تعليق صغير هو معقد فى التصميم دا ميزة ولا عيب ؟؟؟ انا شايف انة عيب من وجهة نظري

[abofandy]

حاجة كمان عاوز اقولها التورشن الكوري غير اليابانى غير الفرنساوى غير الالمانى ... ( من ناحية الثبات والراحة )

\
احلى كلمة سمعتها الله لما يكون الانسان فاهم
ربنا يباركلك يارب

[د.عماد صلاح]

انا كان معايا افيو ....تورشن بيم
وبعدين اوبترا مالتي لينك
الفرق رهيب في الثبات

[hamaka]

ال Multilink أكيد أفضل و المقصود بتعقيده انه فيه أجزاء كتير راكبة فى بعض...
و العربيات اللى بتنتمى للفئات الفوق المتوسطة بتنزل ب Multilink ، و فى بعض العربيات الصينى زى الايميجراند بتوع مبيعات غبور كانوا بيقولوا انها Mcpherson قدام وورا !! مش عارف مدى صدقهم ايه...

[شاهين - بنز]

ده رد مقتبس من مشاركة سابقة ليا

معلش ياجماعة حقاطعكوا في الحديث وأرجع للنقطة القديمة
الكلام ده من شركة فولكس نفسها وبتتكلم فيه عن العفشتين وأعتقد كلامها ده قاطع :


multi-link rear suspension

explain on multi-link rear suspension, three transverse and one longitudinal link per wheel (four-link principle) each absorb different forces. This means that longitudinal and transverse dynamics can be configured precisely and almost independently of each other, achieving maximum directional stability and comfort. Only small modifications need to be made to the structure of the multi-link rear suspension for it to be suitable for use on front-wheel drive models as well as four-wheel drive cars.


torsion beam rear suspension

explain the torsion beam rear suspension has proved to be the most economical layout for non-driven rear axles. Two trailing arms are linked by means of a cross member, which also serves as an anti-roll bar. The advantages of this layout are good directional stability when cornering and a compact design, making for convenient use of space at the rear.


واختصار للكلام إللي سايت فولكس بيقوله إن العفشة الملتي لينك جامدة جدااا وبتجمع بين الراحة والثبات إللي أقصى درجة أما العفشة التورشن بيم فالهدف الرئيسيي منها هو التوفيير وثباتها متواضع
الصراحة مش متخيل نفسي وأنا سايق ال a7 والعربية عمالة تتنتط من ورا على الطريق !

[شاهين - بنز]

]ودي صورتين للعفشتين وبتوضح الفرق الكبير بينهم


الملتي لينك :






التورشن بييم :

[amrelsaqqa]

]ودي صورتين للعفشتين وبتوضح الفرق الكبير بينهم


الملتي لينك :

الصورة دى جامدة جدا جدا جدا تسلم ايدك يا كبير :)
ربنا يوعدنا ونركب حاجة مالتى لينك بقى ، قول امين :d

[Samir_Adel]

الموضوع دة اكتر من ممتاز.

[waelamin123]

انا كنت ماشى على الدائرى وشفت a7 وفعلا كانت بتتنطط من الخلف فعلا اتنرفزت جدا من سكودا وبعديها كانت ماشية هوندا سيفك ركزت فبها مفيش فيها تنطيط خالص فعلا العفشة بتفرق

[islam_gamal50]

]ودي صورتين للعفشتين وبتوضح الفرق الكبير بينهم


الملتي لينك :






التورشن بييم :

تسلم يا باشا توضيح اكثر من ممتاز

[islam_gamal50]

الموضوع دة اكتر من ممتاز.

شكرا على مرورك يا فندم

[islam_gamal50]

انا كنت ماشى على الدائرى وشفت a7 وفعلا كانت بتتنطط من الخلف فعلا اتنرفزت جدا من سكودا وبعديها كانت ماشية هوندا سيفك ركزت فبها مفيش فيها تنطيط خالص فعلا العفشة بتفرق

طيب حضرتك عندك خلفية عن نظام التعليق فى بيجو 508 من اى نوع؟؟؟

[تامر.محمد]

شكرا على المعلومات