مساعدين شنطة أوكتافيا a4

[tamersalah]

كل سنة وكلكم طيبين

مساعدين الشنطة عندي مره وحده بطلوا يشتغلوا تكلفتهم يكونوا كام تقريبا وممكن أنا أغيرهم والا لازم أروح لحد يغيرهمز

الف شكر مقدما

[mostafa3000]

سعر المساعد الواحد ٩٠ جنية وممكن تركبهم بنفسك
تركيبهم سهل جدا

[ramylanos]

٢ استيراد ب ٦٥ جنيه وتركيبه بياخد دقيقه

[tamersalah]

الف شكر يا شباب لما أنزل اسكندرية هأجيبهم ان شاء الله وأقولكم بكام وايه الأخبار

[EngAhmedSayed]

الحمد لله
الاخوة قامو بالواجب
بالتوفيق ان شاء الله

[aminyassien]

ايه هما مساعدين الشنطة دول ؟

[Amr_Azab]

انا سمعت انهم 60 جنيه استعمال و 160 جديد
فلو ركبتهم ياريت تقولنا ايه الاخبار لاني عايز اركبهم برده

[kareemafifi]

حوالي 60 جنيه الواحد و تركيبه في ثواني و انت واقف

[tamersalah]

الحمد لله غيرت الاثنين بـ 150 نوعهم Maxgear غاز والحمد لله شغالين تمام بس في الفتح بيوصل للاخر ويقف مش يمتص السحبه ففيه هبده بسيطة بيتهيألي علشان مش الأصلي لأن الأصلي هيكون غالي أكيد والا ايه رأيكم

[forti]

انا جبت اتنين تركى من فترة بردو كانوا ب 100 تقريبا بس ادائهم مش زى الاصلى بتحصل الدبة البسيطة الى بتقول عليها دى

[kareemafifi]

احسن حاجة في الحاجات ديه الاستعمال عشان بتاخد نفس اداء الاصلي بس بعمر اقل شوية