electronic stability control for Octavia A7

[medo2811]

انا كنت بتفرح علي الفيديو دة علي youtube و حبيت اشاركو معاكم
هما غيرو العفشة من مالتي لينك لتورشن بيم فعلا بس اعتقد ان خاصية esc هتحافظ علي ثبات العربية جدا

يا ريت التفاعل و اعرف رايكم اية

Skoda Octavia - ELECTRONIC STABILITY CONTROL - YouTube

[medo2811]

غريبة اوي في 57 واحد شاف الموضوع و محدش رد
القسم نايم لية كدة يا جماعة

[Ahm662]

كلامك زين والله ............حتى لو عملوا البدع الناس برضه هاتقعد تعيب فيها ..الحاجة الوحيدة اللى مزعلانى تنفيضها من الاوبشنز الاساسى يعنى الخليجى اشتريها وانا مطمن

[medo2811]

يا باشا تسلم بس انا اعتقد ان الماركة دي محترمة فعلا
يعني تغير المالتي لينك بتورشن بيم اكيد متعملش من غير دراسة
انا اعيب علي التوكيل فعلا ان الفئة الاولي بتاعتو غالية و فاضية بس دي اسعار السوء
اعتقد ال elegance كويسة جدا بس غالية شوية

[mo7a_mo7a]

من غير ما اوجع دماغ سيادتك بتفاصيل فنية كتير عن فوائد المالتي لينك والفرق بينه وبين التورشن بيم واهميته في الطرق المنيلة بتاعة مصر ومطبات الهوا
...

انا حسال سؤال طب ايه رايك في مالتي لينك مع esc ؟؟؟ مش احسن
وعلي كل اكتافيا بتنزل مالتي لينك أو تورشن بيم


تحياتي

[medo2811]

يا باشا اكيد مالتي لينك مع esp احسن طبعا بص انا قصدي ان التورشن بيم مع esp ممكن يعادل او يكون احسن من تورشن بيم لوحدو

[mostafa_dreem]

ياجماعة العربية فعلا الثبات بها هايل انا من يومين كنت ماشي فوق ال١٢٠ علي الدائري وخت مطب والله لو عربية غير ديه كنت اتقلبت العربية اترفعت من الارض ونزلت تاني انا عن نفسي مش ندمان ابدا اني اشتريتها بس خت زلطة محترمة في اليوم ده من الجري في الزجاج يخرب بيت سبورت درايف ده هيجنني

[mostafa_dreem]

باشا متتعبش نفسك في البحث علي النت كتير توكل علي الله لوناوي وانزل جربها في اي معرض العربية تحفة في كل حاجة ولو عايز تجربها انا من شبرا تحت امرك

[medo2811]

مصطفي باشا ربنا يبارك لحضرتك في العربية و يبعد عن كل شر يا رب
انا كان معايا فانتازيا و بردة خدت زلطة في الازاز في طريق السويس
هي فعلا عربية محترمة جدا
بس ممكن اسال حضرتك اخبار الفتيس في زحمة اية او في النقل في اي مشاكل
انا اعتقد ان المشاكل اتحلت بس حابب اتاكد من حضرتك

[mostafa_dreem]

لا يوجد اي مشاكل نهائيا حتي الان ياباشا فى الزحمة زي عدم الزحمة بس تعليقي عليها
فى التكييف بيأخذ وقت علشان يوصل لدرجة البرودة المطلوبة يعنى لازم فى البداية اعمله على ٦ مثلا بس انا مشغل الخلفى والامامي فكنت هسألهم فى التوكيل صراحة وثانيا بحس انها بتسخن وده من المروحة لما بنزل بلاقيها شغالة كذا مرة بس المؤشر فى النصف مش بيزيد فده طبيعة الاوكتافيا برده الله اعلم

[medo2811]

ربنا يكرمك يا باشا
بالنسبة لموضوع بتسخن دة لا دة الطبيعي المؤشر دايما في النص
انا اصلا في الفانتازيا لما كنت بروح و اركن المروحة تشتغل شوية و بعدين تطفي فمتقلش نهائي
شكرا لاهتمام حضرتك في الرد :)

[mo7a_mo7a]

ربنا يبارك لحضرتك في العربية

[inspiron]

أكيد هيحافظ علي ثبات العربية.لكن لو كانت مالتي لينك وفيها esp كان هيبقي في كلام تاني أكيد.إسأل مجرب في النقطة دي بالذات.
هو الخليجي إن شاء الله بناءً علي الكلام اللي اتقال من التجار إنه هيجي بمالتي لينك.وبأوبشنز خيالية.

[abohalmos]

لا يوجد اي مشاكل نهائيا حتي الان ياباشا فى الزحمة زي عدم الزحمة بس تعليقي عليها
فى التكييف بيأخذ وقت علشان يوصل لدرجة البرودة المطلوبة يعنى لازم فى البداية اعمله على ٦ مثلا بس انا مشغل الخلفى والامامي فكنت هسألهم فى التوكيل صراحة وثانيا بحس انها بتسخن وده من المروحة لما بنزل بلاقيها شغالة كذا مرة بس المؤشر فى النصف مش بيزيد فده طبيعة الاوكتافيا برده الله اعلم

انا معايا اوكتافيا a5 موديل ٢٠٠٨ و لما بنزل من العربية بعد مشوار و لا حاجة .. بأسمع صوت المروحة دايرة بعد ما ابطل العربية و بتفضل حوالي ٥ دقايق .. و صوتها بيبقي عامل زي صفارة فية زنة و مؤشر السخونة ما بيعديش المنتصف ابدا .. و قلقان من صوت المروحة ده و مش عارف ده طبيعي و لا ايه ؟؟؟

[K.Ossama]

يا جماعة
وجود الESP فى أى عربية مالهوش أى دعوة بثباتها لأنه بيشتغل فقط وقت الطوارئ لما كونترول العربية يحس بمشكلة تهدد بقاء العربية فى طريقها الطبيعى وده مش من مطب ولا حاجات صغيرة دى.
موضوع الثبات ده يرجع للعفشة ونظام التعليق والوزن وابعاد العربية
اما عن موضوع ثبات الA7 تحديداً فهو مش معقول انها تكون مش ثابتة. ما حدش يقدر يقول ان سكودا مشغلة ناس أى كلام عندها. العربية صحيح اخف بس دول 100كيلو فقط والأبعاد بتاعتها جيدة جداً.
المشكلة اللى ثارت عليها هى تسعير التوكيل للعربية المبالغ فيه رغم انها نازلة بعفشة أرخص (فى التصنيع مش فى الأداء) واوبشنز وتجهيزات أقل، مقارنة بالFantasia ومقارنة بالمنافسين فى السوق المصرى العظيم