مشكلتين وتم حلهم

[zangry]

السلام عليكم

كل سنة وانتو طيبين الاول :d وعيد سعيد عليكم جميعا

نبدأ بأول مشكلة ودى بدأت من فترة في شهر 4 كده الوالد كان رايح مشوار كفر الشيخ واخد بالك انت في شهر 4 ! وكان معاه والدتي وخالي ومراته وعياله واخت مراته وبنتها يعني العربية كانت مليانة

المهم بعد ما مشي شوية لقي صوت نحرة شديدة في العجلة اليمين ادام اكن في حديدة في العربية وبتزحف في الارض ! قام نزلهم كلهم من العربية وقام متحرك شوية لقي الصوت راح ركبوا تاني مبقاش في صوت ومن ساعتها حتي يوم الخميس اول امبارح مكنش في اي اصوات

يوم الخميس نزلنا واحنا راجعين جنب البيت سمعنا نفس صوت النحرة من العجلة !! وصلنا البيت نزلنا وفيكنا العجلة قولنا يمكن طوبة او حاجة لكن ملقيناش اي حاجة ركبنا الفردة تاني الصوت قل شوية بعدها بس فضل موجود

انهاردة والدي خد العربية ووداها للميكانيكي يشوفها طلعت البلية اللى بيركب فيها الطنبورة والعجلة برضه قاله خشنة وعايزة تتغير واتكلفت 500 جنيه .. وقاله التانية خشنة شوية برضه بس شغالة مش لازم تتغير

ملحوظة سعر البلية في منها انواع كتير بداية من 350 جنيه لحد 1500 جنيه !! :d ومتسألونيش ازاى

دى كانت اول مشكلة نخش علي التانية

من حوالي 3 شهور كده او اكتر لما نيجي من مشوار والعربية تبقي سخنة تسمع صوت زي صوت سير كده بس عالي شوية ولازم العربية تكون سخنة لو باردة متسمعوش نهائي

المهم احنا انشغلنا شوية وطنشنا موضوع الصوت ده

فـ بعد ما ركب البلية وكله تمام والدي راح مشوار وهو راجع كانت العربية سخنة فسأله على الصوت فـ فك سير الدينامو عشان يشوف الصوت منه ولا لأ مطلعش الصوت منه وطلع ان طلمبة المياه خشنة وقاله عايزة تتغير وهى سبب الصوت

بالليل نزلت سألت عليها لقيتها بـ270 جنيه الماني فجبتها وهروح اركبها بكرة الصبح

وده شكلها







بكده تكون انتهت مشاكلنا :d الحمدلله والى اللقاء قريبا

والسلام ختام

[Moratoz]

الحمد لله علي الحل بس البليه كان نوعها ايه

[svneleven]

الحمد لله لكن غريب أن البلية أغلي من طرمبة المياه.

[zangry]

الحمد لله علي الحل بس البليه كان نوعها ايه

والله مانا عارف لان والدي اللى عملها ومكنتش معاه للاسف بس هو قالي شكلها نضيف :d

الحمد لله لكن غريب أن البلية أغلي من طرمبة المياه.

اه بـ500 جنيه

[EngAhmedSayed]

تسلم على التقرير
و منتظرينك لما تخلص طلمبة الميه بس انتا لو كنت عاوز تتأكد منها خشنة و له نعمة كنت تجيب عصاية زى عصاية المقشة و تحطها على طلمبة المياة و تسمعها كانت هتقولك خشنة و اه نعمة

[zangry]

ركبت الطلمبة الصبح الحمدلله وغيرت معاها سير الكاتينة عشان المفروض كان يتغير والكورة اللى بيمشي عليها السير كانت خشة هي كمان :( وغيرتها هي والطلمبة وهما الاتنين كانوا مصدر اصوات :d وتم التأكد من ذلك

النتائج

1- صوت العربية بقي هادي جدا عن الاول

2- كان في رجة اول ما بدور قلت بشكل ملحوظ جدا

3- معدش في صوت لما العربية تسخن

التكلفة

40 جنية مياه ريدياتير حمرا

140 جنيه سير كاتينة ايطالي

120 جنيه الكورة اللى بيمشي عليها السير

100 جنيه مصنعية

المجموع 400 جنيه

[EngAhmedSayed]

ركبت الطلمبة الصبح الحمدلله وغيرت معاها سير الكاتينة عشان المفروض كان يتغير والكورة اللى بيمشي عليها السير كانت خشة هي كمان :( وغيرتها هي والطلمبة وهما الاتنين كانوا مصدر اصوات :d وتم التأكد من ذلك

النتائج

1- صوت العربية بقي هادي جدا عن الاول

2- كان في رجة اول ما بدور قلت بشكل ملحوظ جدا

3- معدش في صوت لما العربية تسخن

التكلفة

40 جنية مياه ريدياتير حمرا

140 جنيه سير كاتينة ايطالي

120 جنيه الكورة اللى بيمشي عليها السير

100 جنيه مصنعية

المجموع 400 جنيه

تسلم على التقرير يا بطل يلى مش نسينا
بالتوفيق ان شاء الله
ربك المستعان

[zangry]

تسلم على التقرير يا بطل يلى مش نسينا
بالتوفيق ان شاء الله
ربك المستعان

ربنا يخليك يازعيم

[S O P H O S]

وانت طيب
والحمد الله علي حل المشكلة

[zangry]

وانت طيب
والحمد الله علي حل المشكلة

تسلم يازعيم

[amroebraheem]

الحمد لله رب العالمين على حل مشاكل سيارتك اخ zangry
والسلام عليكم ورحمة الله وبركاته

[eraser]

ركبت الطلمبة الصبح الحمدلله وغيرت معاها سير الكاتينة عشان المفروض كان يتغير والكورة اللى بيمشي عليها السير كانت خشة هي كمان :( وغيرتها هي والطلمبة وهما الاتنين كانوا مصدر اصوات :d وتم التأكد من ذلك

النتائج

1- صوت العربية بقي هادي جدا عن الاول

2- كان في رجة اول ما بدور قلت بشكل ملحوظ جدا

3- معدش في صوت لما العربية تسخن

التكلفة

40 جنية مياه ريدياتير حمرا

140 جنيه سير كاتينة ايطالي

120 جنيه الكورة اللى بيمشي عليها السير

100 جنيه مصنعية

المجموع 400 جنيه

مبروك يا باشا وعيد سعيد عليك ان شاء الله
انا بس ليا تعليق عالميه الحمراء ام 40 ج دى مضروبة الناس بتقولك اسبانى وبتاع بس هيا وحشة ومضرة عالمجى الطويل كمان انا جربتها مرة وعملتلى مشاكل (صدى وسخونية ونقص فى الميه)
هات مبرد مركز بتاع فولكس (غالى) او هات هيبو الالمانى او ليكوى مولى ولازم يكون مكتوب g12 وخففه بمية مقطرة مش ميه حنفية والاحسن تعمله بنسبة 30 - 50%
المبرد الاصلى فيه مواد ضد الصدا ومواد تزييت تحافظ على طرمبة الميه وكمان مهمته الاصلية يرفع درجة غليان الميه