زيت فتيس الاوكتافيااسمه red line mt-90

[harshofa]

كتير من الناس ماتعرفش الموضوع دا وحبيت اكتبه علشان المفتيين كتير حتى فى بعض مراكز الخدمه.
تغيير زيت الفتيس هل هو ضرورى ولا لأ؟
زيت الفتيس ضرورى جدا تغييره للحفاظ على الجيربوكس وتغييره بيختلف من عربيه للتانيه لكن متوسط زمن تغييره 50,000 كيلو.
طيب ....ايه الللى بيحصل علشان نغيره؟
بتلاقى عضه فى النقلات فى بعض الحالات والبعض الاخر الفتيس بيرجع بعد مابتديله النقله وفى بعض الحالات بياخد نقله بعد مابيرجع.
الفتيس بيبقى مش مضبوط فى الحالات دى وممكن يكون تلف لاقدر الله وممكن يكون لسه بيشاور نفسه فلابد نلحقه ونغير الزيت.
الحاجات دى بتحصل كلها نتيجه وجود جزيئات صغيره من حديد الفتيس تاكلت مع مرور الوقت والجزيئات دى بدات تاخد مكان الزيت مع كل نقله فتاثر على النقلات وتقصر من عمر الفتيس.
وانا قريت كتير فى مواقع عربى واجنبي عن الموضوع دا .....
واللى عايز يقرا عنه مفيش مانع ودا موقع من المواقع دى:
Tip! Oil servicing gearboxes
هل فيه انواع مختلفه من الزيوت؟
طبعا كل عربيه ليها نوع معين على حسب درجه لزوجه ومواصفات الزيت نفسه.والاوتوماتيك غير المانيوال.
انا عربيتى اوكتافيا ايه4 وقعدت كتير علشان اغير الزيت بتاعها علشان ماكنتش عارف اغير ولا لأ وسألت واتعلمت وقريت لحد ما اتاكدت من الكلام دا فحبيت افيد الناس اللى فى المنتدى اللى علمتنى كتيرعلشان يستفيدوا.
وربنا يوفق الجميع
ويحميكوا من الشر.
والسلام عليكم ورحمه الله وبركاته

[mo7a_mo7a]

شكرا جزيلا علي المعلومات القيمة

[kareemafifi]

بص يا حبيبي اولا كل سنة و حضرتك طيب انا كان ليا تجربة هنا علي المنتدي منذ حوالي 4 اعوام و كنت محتار نفس حيرتك تماما انا عربيتي a4 اوتوماتيك 2003 من برة ( مجهزة طبيا ) المهم كنت عايز اغير زيت الفيتيس سألت التوكيل قالي بحوالي 1000 جنيه بالفلتر تقريبا او ازيد شوية بسيطة المهم وراني الزيت اللي عندهم صورته من ضهره اللي و دخلت علي النت قريت مواصفاته و روحت شوفت نوع تاني عند واحد عندنا هنا في اسكندرية قالي ال 4 لتر ب 300 جنيه + 75 فلتر يعني الموضوع عمل 375 تقريبا بس برده ما صدقتهوش و صورت الضهر بتاع العلبة و بعت بيهم ايميل لسكودا و ردوا بعد 3 ايام و كان الرد كالصاعقة ( ان الاتنين واحد و نفس المواصفات بس الفرق في التعبئة ده بتاع التوكيل لتر ، التاني تعبئة 0.75 لتر ) فسالت تاني يعني احط اي واحد امان للعربية و يحافظ علي الجيربوكس الناس ردوا بكل هدوء ان مفيش اي مشكلة و اهو الحمد لله قربت اغيرة العربية عملت 50000 من ساعة اخر تغيير و ما شاء الله مفيش مشاكل. اسف علي الاطالة و ارجو تقبل مروري

[mostafa123eg]

ا كريم بعد اذنك حضرتك غيرته عند مين

[kareemafifi]

لا بص انا من اسكندرية فغيرته عندنا هنا

[hism]

لا بص انا من اسكندرية فغيرته عندنا هنا

لو سمحت يا باشا ممكن اسم الزيت او صوره ليه وممكن عنوان المكان اللى انت جبته منه وهل ينفع ل a5

[kareemafifi]

اسمه febi belstein جيبته من واحد اسمه خالد ابو السعود في منطقة محطة الرمل معرفش ينفع لل a5 ولا لا اسال مركز متخصص في كده

[hism]

اسمه febi belstein جيبته من واحد اسمه خالد ابو السعود في منطقة محطة الرمل معرفش ينفع لل a5 ولا لا اسال مركز متخصص في كده

طيب هو كان لونه ابيض ولا احمر ولو فى صوره له تبقى

[harshofa]

شكرا جزيلا علي المعلومات القيمة

ياباشا شكرا لمرورك ومنورنا واي خدمه انا تحت امرك

[harshofa]

بص يا حبيبي اولا كل سنة و حضرتك طيب انا كان ليا تجربة هنا علي المنتدي منذ حوالي 4 اعوام و كنت محتار نفس حيرتك تماما انا عربيتي a4 اوتوماتيك 2003 من برة ( مجهزة طبيا ) المهم كنت عايز اغير زيت الفيتيس سألت التوكيل قالي بحوالي 1000 جنيه بالفلتر تقريبا او ازيد شوية بسيطة المهم وراني الزيت اللي عندهم صورته من ضهره اللي و دخلت علي النت قريت مواصفاته و روحت شوفت نوع تاني عند واحد عندنا هنا في اسكندرية قالي ال 4 لتر ب 300 جنيه + 75 فلتر يعني الموضوع عمل 375 تقريبا بس برده ما صدقتهوش و صورت الضهر بتاع العلبة و بعت بيهم ايميل لسكودا و ردوا بعد 3 ايام و كان الرد كالصاعقة ( ان الاتنين واحد و نفس المواصفات بس الفرق في التعبئة ده بتاع التوكيل لتر ، التاني تعبئة 0.75 لتر ) فسالت تاني يعني احط اي واحد امان للعربية و يحافظ علي الجيربوكس الناس ردوا بكل هدوء ان مفيش اي مشكلة و اهو الحمد لله قربت اغيرة العربية عملت 50000 من ساعة اخر تغيير و ما شاء الله مفيش مشاكل. اسف علي الاطالة و ارجو تقبل مروري

استاذ كريم كلامك مضبوط واكيد غيرته عند هريسه فى محطه الرمل.وعادى التوكيل نفسهم بيفتوا علشان تشترى من عندهم عادى بس انا عايز اقول لحضرتك ان الاسعار دى كانت من 4 سنين لكن الايام دى سعر زيت فتيس الاوتوماتيك فى التوكيل حوالى 1800مع الفلتروشويه حاجات صغيره جنبه.
مع العلم انا الزيت اللى انا كاتبه red line MT-90 دا للجير المانيوال لان عربيتى مانيوال.
ونورت الصفحه وشكرا للمرور

[طارق _عبد السلام]

لو سمحت يا باشا ممكن اسم الزيت او صوره ليه وممكن عنوان المكان اللى انت جبته منه وهل ينفع ل a5

http://www.nilemotors.net/Nile/376067-a.html

[طارق _عبد السلام]

http://www.nilemotors.net/Nile/361363-a.html

الموضوع ده كان عن المانيوال

[kareemafifi]

استاذ كريم كلامك مضبوط واكيد غيرته عند هريسه فى محطه الرمل.وعادى التوكيل نفسهم بيفتوا علشان تشترى من عندهم عادى بس انا عايز اقول لحضرتك ان الاسعار دى كانت من 4 سنين لكن الايام دى سعر زيت فتيس الاوتوماتيك فى التوكيل حوالى 1800مع الفلتروشويه حاجات صغيره جنبه.
مع العلم انا الزيت اللى انا كاتبه red line mt-90 دا للجير المانيوال لان عربيتى مانيوال.
ونورت الصفحه وشكرا للمرور

لا يا باشا مش هريسة من عند خالد ابو السعود و برده في محطة الرمل اللي انا بقولك عليه ده للاوتوماتيك مش المانيوال انا اسف معلش ، و الصفحة منورة بصاحبها يا باشا