محتار بين الكورولا الهاي لاين ٢٠١٤ و الاوكتاڤيا a7 ٢٠١٤ الامبيشين

[Maskar206]

الكورولا الهاي لاين ب٢١٠،٠٠٠

الاوكتاڤيا الامبيشين ب ٢٢٣،٠٠٠

انا كان معايا كورولا ٢٠٠٨ هاي لاين جنوب أفريقي.

العربيتين يتميزون بعديد من المميزات المختلفة.

المميزات في وجهة نظري:

الكورولا
كل الكماليات و الاوبشنز التي تتخيلها
سعر منافس
توكيل ممتاز عن تجربة

الاوكتاڤيا
موتور ١٤٠ حصان جبار
مستوي التقفيل ممتاز
ركوبة جديدة و مختلفة


العيوب في وجهة نظري كالآتي:

الكورولا
عربيتي القديمة كانت كورولا أيضاً فلا تغيير
اعتقد ان سحبها متواضع

الاوكتاڤيا
التوكيل عليه كلام
الفتيس الdsg عليه كلام
اعتقد ان السعر مبالغ فيه لنقص الكماليات

أفيدوني بآرائكم :)

[eng wael]

معادله صعبه
انا شايف الفانتازيا الجديده الهاى لاين فيها الموتور الجبار وكماليات الكورولا

[inspiron]

الكورولا الهاي لاين ب٢١٠،٠٠٠

الاوكتاڤيا الامبيشين ب ٢٢٣،٠٠٠

انا كان معايا كورولا ٢٠٠٨ هاي لاين جنوب أفريقي.

العربيتين يتميزون بعديد من المميزات المختلفة.

المميزات في وجهة نظري:

الكورولا
كل الكماليات و الاوبشنز التي تتخيلها
سعر منافس
توكيل ممتاز عن تجربة

الاوكتاڤيا
موتور ١٤٠ حصان جبار
مستوي التقفيل ممتاز
ركوبة جديدة و مختلفة


العيوب في وجهة نظري كالآتي:

الكورولا
عربيتي القديمة كانت كورولا أيضاً فلا تغيير
اعتقد ان سحبها متواضع

الاوكتاڤيا
التوكيل عليه كلام
الفتيس الdsg عليه كلام
اعتقد ان السعر مبالغ فيه لنقص الكماليات

أفيدوني بآرائكم :)

لو انا مكان حضرتك وعاوز ركوبة خيال..هستني لاول السنة واجيب الاوكتافيا الخليجي عشان دي حاجة تانية خالص غير الوكيل..لو مستعجل..هجيب الكرولا

[Silent~Dream]

لو مكان حضرتك هشوف رينو فلوانس !! اعتماديه الكورولا ( موتور و فتيس من نيسان ) و اوبشنز وفخامه الاوروبى وتوكيل محترم و متبقاش قلقان من موضوع الفتيس زى dsg ولا توكيل و ادئها مقبول الى حد ما 0-100 فى 11.5 بالمقابل توفير بنزين و تاخد بنزين 92

[lanos2004]

تويوتا اختار

[medo2811]

اوكتافيا طبعا تكسب و ركوبتها مختلفة تماما عن الكورولا

[mostafa_dreem]

نصيحة اركب الa7 عربية جميلة ومفيش منها معايا اي مشاكل حتى الان الحمد لله وكل يوم بكتشف اوبش جديد اليوم كنت بركن ونزلت دراع الاشارة كتبلى على الشاشة باركينج لايت لو نزلت الدراع لاسفل يشغل نور صغير امام وخلف والعكس
من فترة لاقيت الكمبيوتر بيقولى اغلق الشبابيك الجو به تراب بص انا عن نفسى احترت زي حضرتك كتير كده وسمعت كلام كتير عن الفتيس لاكن اولا مش اقتنعت ان شركة كبيرة زى دى تنزل سيارة 2014 بمشكلة فى الفتيس بعد مشكلة كانت من فترة
موتور ال1400 التربو جامد صراحة ثانيا موضوع الخليجى بالنسبة لى وقت الشراء مكنش متاح بس قرارى بشراء عربية بها ضمان سنتين كنت اكيد هختاره ومش هضحى ب٢٢٣٠٠٠ الف جنيه من غير ضمان علشان كام اوبشن زيادة مع احترامى لاختيار الزملاء والانتظار بس ازاى الزملاء تقعد تقول الفتيس الفتيس الفتيس والسعر السعر السعر و بالرغم وجود ضمان ولما الاقى كام اوبشن زيادة وبرده ده مش ببلاش ده بزيادة فى السعر وانسى الفتيس الفتيس الفتيس اضحى بضمان لسيارة بسعر كبير وادفع فلوس اكتر معادلة غير متوازنة خالص فربنا يوفقك وعلى فكرة التويتا كانت الاختيار الثانى لى قبل ماشوف الa7 واركبها

[mostafa_dreem]

وبص ياسيدى هقول لحضرتك على حاجة شوف انت حابب ايه وجرب السيارتين وخد قرارك بنفسك علشان حضرتك واضع نفس السؤال فى قسم الكورولا فاكيد هتقعد تحير نفسك بص نصيحة انا عملت زيك وبعدين اتروشت وقعدت فترة مش عارف اخد قرار من الحيرة اخذ قرار هشترى الاوكتافيا يطلع زميل يكرهنى ابص عليها اصلا اشترى الكورولا نفس الحوار ديه واطية وفيها وفيها بص اسمع منى النصيحة جرب العربيتين والى هترتاح لها خد قرار واشتريها

[lanos2004]

اعتماديه تويوتا
الاوكتافيا الحديثه يعنى باسات يعنى مشاكل فنيه رهيبه

[inspiron]

اعتماديه تويوتا
الاوكتافيا الحديثه يعنى باسات يعنى مشاكل فنيه رهيبه

أستاذ أحمد إزي حضرتك..كل سنة وحضرتك طيب وعيد سعيد عليك وربنا يرزقك العام القادم إن شاء الله بالحج

[محمد بلال]

ممكن تشرحولى يعنى ايه فتيس الdsg

[inspiron]

ممكن تشرحولى يعنى ايه فتيس الdsg

DSG هي إختصار لـ Direct Shift Gearbox وهو ناقل حركة مزود بسبع سرعات وهو براءة إختراع لشركة فولكس فاجن جروب .. وفكرته بتعتمد علي نقل الحركة عن طريق dual clutch بنظام تبريد جاف أو زيت في بعض الأجيال.وفيه بيتم تحضير النقلة التالية أثناء السير علي النقلة الحالية في أجزاء من الثانية..وده بيتفادي فقد القدرة اللي بيحصل بين كل نقلة والتانية في الفتيس الأوتوماتيك العادي.وده بيديلك تسارع ممتاز وشبه إنعدام إحساس بالنقلات.

مشكلة الفتيس ده إن في خطأ في التصميم بتاعه بيسبب خلل في وحدة الميكاترونيك والوحدة دي تقدر تقول عليها الـ Mother board بتاعة الفتيس.ودي بيبقي فيها عدة صمامات..بعد عدد معين من الكيلو مترات حسب الظروف الجوية ودرجة الزحام اللي العربية بتمشي فيه.بيحصل انسداد في الصمامات دي بسبب احتكاك التروس ببعض وحدوث رايش من الإحتكاك ده..وهنا الغلطة..إن الرايش بيدخل في الصمامات ويسدها.ودلوقتي شركة فولكس عملت استدعائات للسيارات اللي من عام 2009 حتي 2011 و 2012 عشان اعتزموا إنهم عالجوا المشكلة..وكلنا منتظرين التأكيد علي صحة الخبر ده.

[mostafa_dreem]

الله ينور ياباشا

dsg هي إختصار لـ direct shift gearbox وهو ناقل حركة مزود بسبع سرعات وهو براءة إختراع لشركة فولكس فاجن جروب .. وفكرته بتعتمد علي نقل الحركة عن طريق dual clutch بنظام تبريد جاف أو زيت في بعض الأجيال.وفيه بيتم تحضير النقلة التالية أثناء السير علي النقلة الحالية في أجزاء من الثانية..وده بيتفادي فقد القدرة اللي بيحصل بين كل نقلة والتانية في الفتيس الأوتوماتيك العادي.وده بيديلك تسارع ممتاز وشبه إنعدام إحساس بالنقلات.

مشكلة الفتيس ده إن في خطأ في التصميم بتاعه بيسبب خلل في وحدة الميكاترونيك والوحدة دي تقدر تقول عليها الـ mother board بتاعة الفتيس.ودي بيبقي فيها عدة صمامات..بعد عدد معين من الكيلو مترات حسب الظروف الجوية ودرجة الزحام اللي العربية بتمشي فيه.بيحصل انسداد في الصمامات دي بسبب احتكاك التروس ببعض وحدوث رايش من الإحتكاك ده..وهنا الغلطة..إن الرايش بيدخل في الصمامات ويسدها.ودلوقتي شركة فولكس عملت استدعائات للسيارات اللي من عام 2009 حتي 2011 و 2012 عشان اعتزموا إنهم عالجوا المشكلة..وكلنا منتظرين التأكيد علي صحة الخبر ده.

الله ينور ياباشا وكل عام وانت بخير وعيد سعيد

[inspiron]

الله ينور ياباشا وكل عام وانت بخير وعيد سعيد

أشكرك يا باشا وحضرتك بالصحة والسلامة :)

[Anxs111]

..هستني لاول السنة واجيب الاوكتافيا الخليجي عشان دي حاجة تانية خالص غير الوكيل..لو مستعجل..هجيب الكرولا

هو إيه مميزات الخليجي ...