اوكتافيا a7 elegance ولا BMW 1 Series e

[medo2811]

يا جماعة انا محتار جدا ما بين الاوكتافيا a7 elegance و bmw 1 series exclusive
يا ريت اسمع اراءكم من حيث الاعتمادية و الاداء و الارفاهية و سعر اعادة البيع
و كل سنة و انتو طيبين و بالف خير

[inspiron]

لا مينفعش مقارنة بتاتاً يا ريس..دي حمادة ودي حمادة تاني خالص.وتبقي مشكلة لو بتتكلم عن 118i مثلاً..الـ 116i مثلاً اذكر في مرة راجع من الشغل علي المحور بالفانتازيا ماشي 140-160 ولقيت الذبون معدي من جنبي ( زي السهم ) ومفكرتش أساساً إني أحاول معاه ومعرفتش إنها 116i غير لما المحور وقف
تصميم العربية وموتورها وفتيسيها الـ 8 سرعات حاجة إبداع وناهيك بقا عن نظام التعليق وخلافه.

لكن..لو هنقول الأوكتافيا الخليجي اللي كلنا مستنيينها تبهرنا بمواصفاتها...ممكن أقولك أه تسِد..بس البي إم بي إم.

[saddam]

صديقي المواطن
قولا واحدا بي أم دبليو ومش عايزين هزار في المواضيع دي
وبالتوفيق وإلى اﻷمام ومن نصر إلى نصر
ودمتم للنضال

[mostafa_dreem]

هوه بديهيا كده ان حد يسمع اسم ال بى ام اكيد مفيش وجه مقارنة بى ام اكيد

[inspiron]

صديقي المواطن
قولا واحدا بي أم دبليو ومش عايزين هزار في المواضيع دي
وبالتوفيق وإلى اﻷمام ومن نصر إلى نصر
ودمتم للنضال

طويل العمر يطول عمره وينصره علي مِن يعاديه..هاي هي

[medo2811]

انا بتكلم علي البي ام 116i
هو فتيس 8 سرعات فعلا بس ال hp 136
acceleration from 0 : 100 in 8.7 seconds
كمان في كماليات كتير في الa7 مش موجودة في ال1st series
هي البي ام عربية محترمة مفيش كلام
بس انا شايف ان في وجة للمقارنة خاصة ان احنا مش بنقارن مع series 3 wla 5 ساعتها مش هقدر افتح بقي

[monamize4]

هو صحيح ال 2 هاتش باك لكن الصراحة مش بالع المقارنة بين ال 2 دول !!!!!

[برنس الليالي]

السلام عليكم ورحمة الله وبركاته

للأسف حضرتك شفت ان الاتنين متقاربين من بعض في السعر عشان كدا حضرتك حبيت تقارن بينهم

بس المفروض حضرتك تستفسر عن موضوع سعر اعادة البيع بس عشان الاعتمادية والاداء والرفاهية لصالح الـBMW 1 Series وكذلك الجودة والاوبشنز

في الاول حضرتك بتستفسر عن الـ116 ولا الـ118 عشان في اختلاف في المحركات من ناحية القوة ...

الـ116 بمحرك 136 حصان بتسارع من 0 - 100 في 8.7 ثواني إنما الـ118 بمحرك 170 حصان بتسارع من 0 - 100 في 7.4 ثواني بس

العربية بتتميز بتسارع رهيب وثبات خرافي شوف حضرتك الفيديو دا مش حياخد منك 30 ثانية :

2012 BMW 1 Series ESC Test - YouTube

دا ثبات العربية الرهيب والعربية بتتميز بوضع قيادة مغري جدا وممتع لأبعد الحدود وعموماً انا لا احبذ اني اقارن عربية دفع امامي ببي إم دبليو دفع خلفي

دا غير طبعاً سمعة العربية في جميع مواقع التجارب على وجه الكرة الارضية

دا غير كلام الاستاذ احمد الوكيل قال بالرغم ان المرسيدس A-Class اغلى من الـBMW 1 Series إلا ان البي إم افضل في الاداء عامةً

لو عايز تجيبها هاتها ولو امكن تجيب الاسبورت لاين هي مفرقتش كتير في الاوبشنز بينها وبين اي فئة تحتيها بس عشان بتنزل بجنوط احلى بكتير



سعر العربية بتبدأ من 264 الف للـ116 لحد 306 الف للـ118 سبورت ميتاليك

اعتقد اعادة البيع يمكن تكون لصالح البي إم ولو ان الهاتشباك مش مطلوب زي السيدان بس سمعة الفتيس بتاع الاوكتافيا ممكن تخلي مفيش فرق بين الاتنين في اعادة البيع والله اعلم

احسن حاجة احبها في العربية دي هو التسارع الرهيب وفعلاً محدش حيحاول معاك ع الطريق وكمان من جوا هي هي الفئة التالتة

بص حضرتك اكتر الناس اللي بتجيب بي إم مابيكونش كل غرضها سعر إعادة البيع عشان بجد انت حترمي فلوسك في عربية ليها ركوبتها الخاصة

ولو حضرتك رجعت في كلامك من ناحية البي إم يبقى خليك في البيجو 508 تجهيزات اكتر من الـA7 اياً كانت تجهيزات الرفاهية او تجهيزات الامان واكيد اعادة بيع افضل

وربنا يوفقك للأفضل .. في امان الله ورعايته

[برنس الليالي]

انا بتكلم علي البي ام 116i
هو فتيس 8 سرعات فعلا بس ال hp 136
acceleration from 0 : 100 in 8.7 seconds
كمان في كماليات كتير في الa7 مش موجودة في ال1st series
هي البي ام عربية محترمة مفيش كلام
بس انا شايف ان في وجة للمقارنة خاصة ان احنا مش بنقارن مع series 3 wla 5 ساعتها مش هقدر افتح بقي

بالعكس دي الناس بتشتكي من قلة التجهيزات في الـa7 واول حاجة لفتت نظري هي انها نزلت بـ2 ايرباج على عكس البيجو 508 بـ6 ايرباج والسعر واحد للهايلاين

[medo2811]

شكرا لحضرتك جدا علي الاهتمام و الرد المفصل
انا بفكر في 116i وهي عربية فعلا محترمة جدا بس لية تعليقين علي كلام حضرتك

1- العربية دفع امامي مش خلفي زيها زي الa7
2-بالنسبة للبيجو 508 سعر اعادة بيعها اقل بكتير من العربيتين البي ام و ال a7

يا ريت حضرتك تشوف مواصفات العربية في اللنك دة

http://www........cars.com/newcars_p...3514#specs_tab

[برنس الليالي]

شكرا لحضرتك جدا علي الاهتمام و الرد المفصل
انا بفكر في 116i وهي عربية فعلا محترمة جدا بس لية تعليقين علي كلام حضرتك

1- العربية دفع امامي مش خلفي زيها زي الa7
2-بالنسبة للبيجو 508 سعر اعادة بيعها اقل بكتير من العربيتين البي ام و ال a7

يا ريت حضرتك تشوف مواصفات العربية في اللنك دة

http://www........cars.com/newcars_p...3514#specs_tab

ولا يهمك انا في الخدمة ... الـ116 ممتازة والفرق بين الفئة الـPremium والفئة الـEclusive حاجات قليلة زي مثلاً :

نظام PDC لقياس المسافات عند الركن ونظام سماعات HiFi Professional وفتحة سقف والجنط مختلف شوية

إنما باقي التاجهيزات كلها موجودة .......... مفيش بي إم دبليو دفع امامي على وجه البسيطة

لو حضرتك شفت المعلومة دي من على كونتاكت اقدر اقولك ان كونتاكت مش بيحط اساساً جميع التجهيزات وبيختصر كتير

زي مثلاً لو تروح تشوف الـ320i حيقولك انها مافيهاش زينون مع انها معايا بالزينون ... تجاهل الموقع دا ودا تشوف منه الاسعار بس

- البيجو 508 سعر إعادة البيع مش اقل من الـA7 بالعكس دي فيها تجهيزات اكتر بكتير وملهاش سمعة سيئة لا من فتيس ولا من غيره

ولو حضرتك تعرف حد معاه العربية روح معاه التوكيل هناك بيناقشوه عن مدى رضائه عن العربية لإنهم واثقين انهم بيبيعو عربية خالية من المشاكل

[medo2811]

شكرا مرة تانية لرد حضرتك و يا ريت لو في لينك لتجهيزات العربية مظبوط
انا كان معايا e46 و عارف ان بي ام دفعخلفي و استغربت من انهم قيلين علي كونتاكت جر امامي فعلا
البيجو حلوة جدا و مع مديري في الشغل بس سا فرنا بيها اسكندرية مرة و نزلنا من الميتنج حلفت متدورش
كمان انا برتاح نفسيا لل a7 اكتر و هي مسالة اذواق
كل سنة و حضرتك طيب يا فندم

[برنس الليالي]

شكرا مرة تانية لرد حضرتك و يا ريت لو في لينك لتجهيزات العربية مظبوط
انا كان معايا e46 و عارف ان بي ام دفعخلفي و استغربت من انهم قيلين علي كونتاكت جر امامي فعلا
البيجو حلوة جدا و مع مديري في الشغل بس سا فرنا بيها اسكندرية مرة و نزلنا من الميتنج حلفت متدورش
كمان انا برتاح نفسيا لل a7 اكتر و هي مسالة اذواق
كل سنة و حضرتك طيب يا فندم

لأ كونتاكت فيه غلطان فظيعة ... انا جبت المواصفات من موقع BMW Egypt بس المواصفات باللغة الانجليزية تحب اجيبهولك ؟

- وانت طيب حضرتك انا في الخدمة

[medo2811]

ياريت لو سمحت

[برنس الليالي]

ياريت لو سمحت

http://www.bmw-egypt.com/eg/en/newvehicles/1series/5door/2011/showroom/_shared/Pdf/New_BMW_116i_Exclusive.pdf