مروحه التبريد الكبيره a4

[engineerm235]

المروحه بتاعه العربيه قفشت وحرقت ماتور المروحه طبعا دوره التبريد طيرت والحمد لله جت سليمه

المهم ميكانيكي قالي تجيب مروحه استيراد وتركب عليها ماتور تويوتا جديد واحسن مااجيب جديد

وقالي ماتور التويوتا هايعيش اكتر وافضل

المروحه دي فيه منها سرعه واحده وسرعتين ولا ايه


اعمل الحل ده ولا اجيب جديد ولا اروبي ولا اركب الاستيراد بدون ما اغير ماتوره وخلاص

[abou-yahia]

بص المنظومه القديمه عاشت كام سنه

سنين

طيب مفيش احسن من الاصلي في العربيات ديه

اصلك بكده حتبتدي اول طريق العك والعربيه حتتحول الي 128 بعد كده

[saddam]

صديقي المواطن
كل حاجة موجودة ورخيصة إستيراد نظيف أكبر مروحة عاملة 150 والصغير بيعمل 120 وفيه أقل كمان ةإنت تروح شارع زكي في التوفيقية فيه فرشتين مراوح بس تنقيلك واحده أو خد بتاعتك تجيب عليها أو بنت عمتها
وممكن بتاعتك كمان تلف الموتور بتاعها وتغير بلي وحترجع أحسن من الزيرو كنا بنعمل كده مع الشبح
وبالتوفيق وإلى اﻷمام ومن نصر إلى نصر
ودمتم للنضال

[EngAhmedSayed]

هات نفس المروحة جديدة بقى استيراد لخص القصة كلها و هات اللى جاية علشان متقدعدش تقطع فى السلك و تجيب فيشة تانية و القصة دى و الشغل البلدى ده بيقرف و يلف عليها شريط لحام و تروح تغسل المياه تيجى على السلك و تعمل ماس
طيب لية الفلم خلى كل حاجة على ابوهاااااااااااااا
فك ركب وصل الفيشة خالص الكلام انتا محير نفسك لية

ربك المستعان

[engineerm235]

اعتقد ان الاستيراد درجه اولي كويسه لان الجديده 1750 اصلي
والماني عامله 600 جنيه

[engineerm235]

ولا ايه رائيكوا

[EngAhmedSayed]

تمام بس اهم حاجة زى منا قولتالك
فك ركب على طول على نفس الفيشة من غير اقطع و لحم و القصة دى

بالتوفيق ان شاء الله

[Moratoz]

هاتها استيراد وتقريبا في حدود ٤٠٠ جنيهاً أحسن من العك والفتي واللعب في العربيه

[mo7a_mo7a]

مفيش احسن من الاصلي

[abohalmos]

طب معلش هو سعر المروحة الصغيرة الاصلي بتاعة سكودا اوكتافيا a5 عشان عاوز اجيبها جديدة

[kareemafifi]

انا كنت زيك كده من شهور و النتيجة لا يعلي علي الصلي جيبها استيراد ب 400 جنيه ريح بالك و انسي

[mohkamel]

بص ياباشا انا سألت على المروحة الإستيراد في الحرفيين كانت بحوالي 400 ج وواحد كان عايز يبيع الكبيرة والصغيرة مع بعض ب 700 المهم انا جبتها جديدة الماني ب 500