افيدونى فى زيت فتيس اسكودا a4 ضرورى

[hazim2013]

السلام عليكم ورحمة الله وبركاته
انا جبت من بورسعيد عربية اسكودا A4 موديل 2000 ستيشن اوتوماتيك
العربية عاملة حوالى 190000 مئه وتسعون الف كيلو متر تقريبا

مشكلتى تتلخص فى انى اريد ان اغير زيت الفتيس ومعرفش نوع اللى راكب ايه بسبب انها ملهاش مقياس للزيت

اللى اشتريت منهم قالولى متغيرش زود بس وانا مش مقتنع بكدا
العربيه بتعمل نتشه على العالى اول ما بطلع لكن بعد كدا تمام وسحبها كويس

عاوز اعرف ايه نوع الزيت وتكلفته وبتاخد كام عبوة واغير الفلتر ولا لاء
وهل زى ما هما بيقولو ممكن تكون فيه وساخة جوة تسد الفالف درايف ومتجبش الناقلات كويس ولا لاء
وهل فيه غسيل للفتيس الاوتوماتيك ويكون امن ولا لاء

وياريت لو فيه مركز مضمون يعملى دا فى القاهرة

والتكلفة العامة هتكون فى حدود كام ليها

افيدونى يرحمكم الله وشكرا

[mohamedbook]

زيت الفتيس للسياره اسمة زيت كهربه وهو غالي شوية اللتر عامل حوالي 240ج او 200ج وهي بتاخد 4 لتر
تمام
تغيير زيت الفتيس كل 60 الف
وهتغير معاها الفلتر بتاع الفتيس كمان
ومتصهينش فيها عشان الفتيس ميطرش منك
ممكن تشتري زيت الفتيس عشان يكون مضمون من اشرف الشهابي في شارع دمشق او من الهاشمية الي في عبدو باشا

[hazim2013]

زيت الفتيس للسياره اسمة زيت كهربه وهو غالي شوية اللتر عامل حوالي 240ج او 200ج وهي بتاخد 4 لتر
تمام
تغيير زيت الفتيس كل 60 الف
وهتغير معاها الفلتر بتاع الفتيس كمان
ومتصهينش فيها عشان الفتيس ميطرش منك
ممكن تشتري زيت الفتيس عشان يكون مضمون من اشرف الشهابي في شارع دمشق او من الهاشمية الي في عبدو باشا

بشكرك جدا على الرد لكنى كنت عاوز عناون المكانين
وهل تغيير الزيت بزيت موبيل احمر ميكفيش
وهل تغييره مياثرش على الفالف درايف ولا لاء

[Moratoz]

النوع المخصص فقط للسيارة وزي ما تم ذكره سابقا من الشهابي او الهاشميه وممكن تعمل الصيانه عند محمد سمير في النزهه الجديدة او هاني في جسر السويس او احمد زاهر في صقر قريش

[hazim2013]

النوع المخصص فقط للسيارة وزي ما تم ذكره سابقا من الشهابي او الهاشميه وممكن تعمل الصيانه عند محمد سمير في النزهه الجديدة او هاني في جسر السويس او احمد زاهر في صقر قريش

تمام انا عاوز العناوين بتاعتهم من فضلك

[mohamedbook]

لو حطيط زيت موبيل الي بتقول عليه هتطير الفتيس منك
الزيت الي بكلمك عليه ده زيت فتيس كهربائ بيكون لونة اصفر تقريبا
المكان شارع دمشق في الكوربة مصر الجديدة وهو الراجل مشهور هناك بيبيع قطع غيار المرسيدس وفولكس
تقريبا امام بنك عوده او جمبة هتسال اي حد هناك هيدلك عليه
اسمه اشرف الشهابي
اما الهاشمية لو نزلت محطة عبدوا باشا الي هي المحطة الجديدة بتاعة المتروا خط العابسية اول ماهتطلع هتعدي الشارع هتلقية علي ايدك اليمن واسال هناك وهو علي بعد خطواط من المحطة

[hazim2013]

لو حطيط زيت موبيل الي بتقول عليه هتطير الفتيس منك
الزيت الي بكلمك عليه ده زيت فتيس كهربائ بيكون لونة اصفر تقريبا
المكان شارع دمشق في الكوربة مصر الجديدة وهو الراجل مشهور هناك بيبيع قطع غيار المرسيدس وفولكس
تقريبا امام بنك عوده او جمبة هتسال اي حد هناك هيدلك عليه
اسمه اشرف الشهابي
اما الهاشمية لو نزلت محطة عبدوا باشا الي هي المحطة الجديدة بتاعة المتروا خط العابسية اول ماهتطلع هتعدي الشارع هتلقية علي ايدك اليمن واسال هناك وهو علي بعد خطواط من المحطة

[bor=#00ff66]بشكر حضرتك وبشكركم بجد اصبح ليا اخوات جدد[/bor]

[طارق _عبد السلام]

هو ده زيت الاوتو للاوكتافيا ايه فور

[طارق _عبد السلام]

لكن العلبه دى تبع المانيوال مش الاوتوماتيك خليك مع العلبه اللى فوق

[hazim2013]

هو ده زيت الاوتو للاوكتافيا ايه فور

جزيل الشكر المهم انى الاقيها هى وتكون متوفرة ملقيش بديل

بس ياريت اعرف ال a4اوكتافيا بتاخد اربع عبوات ولا اكتر بس وشكرا

[طارق _عبد السلام]

جزيل الشكر المهم انى الاقيها هى وتكون متوفرة ملقيش بديل

بس ياريت اعرف ال a4اوكتافيا بتاخد اربع عبوات ولا اكتر بس وشكرا

اكيد متوفر وبتاخد 4 لتر

[hazim2013]

اكيد متوفر وبتاخد 4 لتر

بشكرك جزيل الشكر لكن في نوع المانى فى السوق زيت كهربا برضه بس العبوة ب 150 راى حضرتك ايه وهل فلتر الفتيس الاصلى فعلا يعمل حوالى 250جنية واسف على الاطالة

[MOHAMED ABD EL SHAFY]

لتر زيت ب 200 جنيه؟
ده اغلى من كيلو كباب

[طارق _عبد السلام]

بشكرك جزيل الشكر لكن في نوع المانى فى السوق زيت كهربا برضه بس العبوة ب 150 راى حضرتك ايه وهل فلتر الفتيس الاصلى فعلا يعمل حوالى 250جنية واسف على الاطالة

يفضل يا استاذ حازم زيتها الاصلى الموصى به هو فعلا ممكن يكون غالى بس الاضمن

لى واحد معرفه راح لميكانيكى قال له فيه زيت للاوكتافيا الاوتو بتغييره ب 500 جنيه يعنى قول اللتر ب90 جنيه مكملش 3 شهور وباع العربيه لانه دخل فى مشكله كبيره بسبب الفتيس وخسر كتير قوى فى عربيته
لكن اسعار الايه فور فى الزيت والفلتر للاسف ماعندى بها علم وننتظر رأى الاخوه ملاك الايه فور

[mohamedbook]

بص ياباشا انا امبارح غيرت زيت الفتيس من الهاشمية
تمن لتر الزيت الالماني 130 ج وبيتغير علي 30 الف
وتمن الفلتر الالماني 150 ج
وتمن الزيت الاماني الاصلي 175 ج وبيتغير علي 60 الف
وتمن الفلتر الاصلي 350ج
انا اشتريت الزيت الاصلي اشتريت الفلتر الالماني وغيرتهم والعربية والحمد لله تمام التمام لان حصل عندي نتشة في الفتيس بعد 30 الف كيلوا لاني مكنتش مغير الزيت الاصلي