ما معني tsc error

[nemo_oo7]

السلام عليكم
يا جاماعة انا كنت على الدائري و ماشي 160 و الحياة زي الفل مره واحدة ظهر على الشاشة tsc error و العربية بطلت و حلفت ما تدور فطرتها لحد البيت و مش عارف فيه ايه لحد دلواقتي حد يقدر يساعدني
شكرا

[nemo_oo7]

معلش نسيت العربية اوكتافيا فانتازيا 2010 عاملة 69 الف كيلو

[AhmedBahgat]

موبينه

[AhmedBahgat]

اللمبه دي بتاعت ال Traction Control بس اللي باظ عند حضرتك الموبينه غالباً

[nemo_oo7]

طب في طريقة أتأكد بيها أنها بوبينة و حد يعرف سعرها كام؟

[AhmedBahgat]

علي ما اعتقد بتتكلم في الف جنية

[inspiron]

أستاذ AhmedBahgat

مين قال لحضرتك إن دي موبينة الكهرباء !!!! وعلي أي أساس حضرتك حددت العطل بإنه تلف الموبينة ؟؟؟

إلي صاحب الموضوع

جربت فصل كابل البطارية وتوصيله مرة أخري ؟

حضرتك غسلت العربية بمية ( بمعني غرقتها مية ) ؟

الإحتمال الأكبر في وجهة نظري المتواضعة ( البطارية )

وإن طلعت كده فعلاً حضرتك بعد ما تغيرها هتدور العربية وفي وضع الثبات هتلف الطارة لآخرها يمين ولآخرها شمال وبعدين تسنترها .. وده لأنك بعد ما تغيرها هتلاقي لمبة الـ abs والـ traction control والـ EPC منورين
ولما تعمل الحركة بتاعة الطارة دي بتعمل RESET للـ traction angel والعربية ترجع طبيعية.

بالتوفيق

[nemo_oo7]

انا جربت أشيل البطارية النهارده بس برضوا المشكلة زي ما هيا لا جديد و انا مغير البطارية شهر ٢ إلى فات
بنسبة للغسيل مغسلتيش خالص الموتور بالميه انا بجد محتار
طب في طريقة اختبر بيها الموبينة ؟؟؟؟؟
لو في حد عندو أي معلومات يقدر يساعدنا بيها يبقى ألف شكر عشان انا مش عارف اعمل ايه

[inspiron]

انا جربت أشيل البطارية النهارده بس برضوا المشكلة زي ما هيا لا جديد و انا مغير البطارية شهر ٢ إلى فات
بنسبة للغسيل مغسلتيش خالص الموتور بالميه انا بجد محتار
طب في طريقة اختبر بيها الموبينة ؟؟؟؟؟
لو في حد عندو أي معلومات يقدر يساعدنا بيها يبقى ألف شكر عشان انا مش عارف اعمل ايه

انا مستبعد تماما موضوع الموبينة صعبة اوي

انا شايف حضرتك توديها مركز صيانة منعا للقلق لانها هتطلع حاجة بسيطة في النهاية

[المنسي]

مش ممكن تكون طرمبة البنزين هيه اللى قطعت؟؟؟؟؟؟

[AhmedBahgat]

موبينه :)